Independence Day 2026 : स्वातंत्र्यदिनासाठी घरच्या घरी बनवा तिरंगी ढोकळा; चव आणि लूक दोन्ही भन्नाट

Tri Color Dhokla Recipe : १५ ऑगस्टचा दिवस जवळ येऊन ठेपला असून हा दिवस भारताच्या स्वातंत्र्याचा दिवस म्हणून ओळखला जातो. देशभरात बा दिवस साजरा करण्यासाठी अनेक खास कार्यक्रमांचे आयोजन केले जाते, जागोजागी तिरंगा फडकवला जातो. स्वातंत्र्याचा हा दिवस तुम्ही एका खास रेसिपीनेही साजरा करु शकता.

• १५ ऑगस्ट हा दिवस भारताचा स्वातंत्र्यदिवस.
• हा दिवस देशभरात मोठ्या उत्साहात साजरा केला जातो.
• या खास दिवशी तुम्ही खास रेसिपी ट्राय करु शकता.

स्वातंत्र्यदिनाच्या खास सेलिब्रेशनसाठी नेहमीच्या ढोकळ्याला द्या तिरंग्याचा सुंदर रंग. केशरी, पांढरा आणि हिरवा अशा तीन रंगांच्या थरांमध्ये तयार केलेला हा तिरंगा ढोकळा दिसायला आकर्षक तर आहेच, शिवाय चहासोबत किंवा सकाळच्या नाश्त्यासाठीही उत्तम पर्याय ठरतो. १५ ऑगस्टच्या दिवशी घरच्या घरी हा पदार्थ बनवून दिवसाचा गोडवा आणखी वाढवला जाऊ शकतो. वेगवेगळ्या रंगांसाठी नैसर्गिक भाज्या आणि हिरव्या पालेभाज्यांचा वापर केल्यामुळे ढोकळ्याला आकर्षक रंगासोबतच चवही मिळते. चला तर मग जाणून घेऊया तिरंगा ढोकळा बनवण्याची सोपी रेसिपी.

सध्या सर्वत्र चर्चेत असलेलं सावजी मटण नेमकं कसं बनतं? ‘ही’ आहे पारंपरिक रेसिपी

तिरंगा ढोकळा बनवण्यासाठी साहित्य

पिठासाठी :

• बेसन – २ कप
• रवा – २ टेबलस्पून
• दही – १ कप
• पाणी – आवश्यकतेनुसार
• मीठ – चवीनुसार
• साखर – १ टीस्पून
• लिंबाचा रस – १ टेबलस्पून
• इनो फ्रूट सॉल्ट – १ टीस्पून

केशरी थरासाठी :

• गाजराची प्युरी – २ ते ३ टेबलस्पून
• लाल तिखट – चिमूटभर

हिरव्या थरासाठी :

• पालकाची प्युरी – २ ते ३ टेबलस्पून
• हिरवी मिरची – १

फोडणीसाठी :

• तेल – १ टेबलस्पून
• मोहरी – १ टीस्पून
• तीळ – १ टीस्पून
• कढीपत्ता – ७ ते ८ पाने
• हिरवी मिरची – २ उभ्या चिरलेल्या
• पाणी – २ टेबलस्पून
• तिरंगा ढोकला बनवण्याची

भाजी काय बनवावं ते सुचत नाहीये? मग घरी बनवा झणझणीत राजस्थानी ‘डुमरी तडका चटणी’, एकदा खाल तर पदार्थाचे फॅन व्हाल

कृती

• एका मोठ्या भांड्यात बेसन, रवा, दही, मीठ आणि साखर घ्या. त्यात थोडे थोडे पाणी घालून गाठी न राहता मध्यम घट्टसर पीठ तयार करा. हे मिश्रण साधारण १५ ते २० मिनिटे झाकून ठेवा.
• तयार पीठ तीन समान भागांमध्ये वेगळे करा. एका भागात गाजराची प्युरी आणि थोडे लाल तिखट मिसळा.
• दुसऱ्या भागात पालकाची प्युरी आणि हिरवी मिरची मिसळा. तिसरा भाग साधाच ठेवा. गरज असल्यास प्रत्येक मिश्रणाची घट्टता थोडी पाण्याने समायोजित करा.
• ढोकळ्याच्या भांड्यात किंवा मोठ्या स्टीमरमध्ये पाणी गरम करण्यासाठी ठेवा. एका गोल किंवा चौकोनी ताटलीला थोडे तेल लावून तयार ठेवा.
• हिरव्या पिठात अर्धा चमचा इनो घालून हलक्या हाताने मिसळा. लगेच हे मिश्रण तेल लावलेल्या ताटलीत पसरवा. गरम स्टीमरमध्ये साधारण ५ ते ७ मिनिटे वाफवा.
• हिरवा थर थोडा सेट झाल्यावर त्यावर साध्या पिठात इनो मिसळून सावधपणे पसरवा. पुन्हा ५ ते ७ मिनिटे वाफवा. थर एकमेकांत मिसळणार नाहीत याची काळजी घ्या.
• शेवटी गाजराच्या प्युरीचे मिश्रण तयार करून त्यात इनो मिसळा आणि पांढऱ्या थरावर समान पसरवा. झाकण ठेवून आणखी ८ ते १० मिनिटे वाफवा. सुरी किंवा टूथपिक टोचून पाहिल्यावर ती स्वच्छ बाहेर आली तर ढोकळा तयार आहे.
• ढोकळा थोडा थंड झाल्यावर चौकोनी किंवा आवडीच्या आकारात कापा. कढईत तेल गरम करून मोहरी, तीळ, कढीपत्ता आणि हिरवी मिरचीची फोडणी करा. त्यात थोडे पाणी घालून ही फोडणी ढोकळ्यावर पसरवा. कोथिंबीर आणि नारळाने सजवून तिरंगा ढोकळा सर्व्ह करा.