Indian Vegetables: जेवणाच्या ताटात असायला हव्यात ‘या’ शक्तिशाली भाज्या, अशक्तपणा कमी होण्यासोबतच शरीराला मिळेल आवश्यक पोषण

Indian Vegetables: शरीरात निर्माण झालेली विटामिनची कमतरता भरून काढण्यासाठी आहारात वेगवेगळ्या पालेभाज्यांचे सेवन करावे. भाज्यांच्या सेवनामुळे शरीराला नैसर्गिक ऊर्जा मिळते आणि आरोग्य सुधारण्यास मदत होते.

Indian Vegetables: दैनंदिन आहारात कायमच वेगवेगळ्या पदार्थांचे सेवन केले जाते. कामाच्या धावपळीमध्ये बऱ्याचदा जेवण बनवण्यासाठी जास्त वेळ मिळत नाही. अशावेळी विकतचे पदार्थ आणून खाल्ले जातात. पण नेहमीच तेलकट किंवा तिखट पदार्थ खाणे शरीरासाठी अजिबात चांगले नाही. धावपळीची जीवनशैली आणि कामाच्या वाढत्या तणावामुळे शरीरसंबंधित आजार वाढू लागले आहेत. खराब कोलेस्ट्रॉलची पातळी वाढणे, रक्तदाब, मधुमेह, विटामिन बी १२ कमी होणे इत्यादी वेगवेगळ्या समस्या वाढू लागतात. शरीरातील आवश्यक विटामिनची पातळी कमी झाल्यानंतर खूप जास्त थकवा आणि अशक्तपणा जाणवू लागतो. तर काहीवेळा हात पाय थंड पडणे, शरीर थकून गेल्यासारखे वाटणे, छातीत जळजळ इत्यादी वेगवेगळ्या समस्या वाढू लागतात. या सर्व समस्यांपासून आराम मिळवण्यासाठी आहारात या भाज्यांचे सेवन करावे.(फोटो सौजन्य – istock)

World Osteoporosis Day: फॅक्चर झाल्यानंतरच कळते हाडांचे आरोग्य! सरकारी रुग्णालयांत वर्षभरात साडेतीन हजार तपासण्या

आहारात करा ‘या’ भाज्यांचा समावेश:

पालक:

पालकमध्ये मुबलक प्रमाणात फोलेट, लोह, क्लोरोफिल इत्यादी घटक आढळून येतात. हे घटक शरीरातील लाल रक्तपेशी तयार करण्यासाठी आवश्यक ठरतात. त्यामुळे आठवड्यातून दोनदा किंवा तीनदा पालकचे सेवन करावे. पालकच्या सेवनामुळे शरीरात वाढलेला थकवा आणि अशक्तपणा कमी होण्यास मदत होते. शरीरातील ऊर्जेची पातळी वाढवण्यासाठी आणि थकवा कमी करण्यासाठी पालकचे सेवन करावे. पालकाची भाजी, सूप किंवा डाळ-पालक अशा विविध पद्धतीने तुम्ही पालकचे सेवन करू शकता. यामुळे शरीराची नैसर्गिक ऊर्जा वाढण्यास मदत होते.

शेवग्याच्या पानांचे सेवन:

महिलांच्या आरोग्यासाठी शेवग्याच्या शेंगा वरदान ठरतात. या पानांमध्ये विटामिन, कॅल्शियम, लोह आणि फोलेट भरपूर प्रमाणात आढळून येतात. शेवग्याच्या शेंगांमध्ये असलेले घटक रक्त वाढवण्यास मदत करतात. शेवग्याच्या पानांची भाजी किंवा शेवग्याच्या शेंगांचे सूप बनवून खाऊ शकता. यामुळे विटामिन बी १२ ची पातळी वाढवण्यास मदत होते.

बीटरूट:

शरीरात निर्माण झालेली रक्ताची कमतरता भरून काढण्यासाठी आहारात बीट खाण्याचा सल्ला कायमच दिला जातो. बीटमध्ये नैसर्गिक नायट्रेट्स, फोलेट आणि मँगनीजसारखे अनेक घटक आढळून येतात. नियमित किंवा आठवड्यातून दोनदा किंवा तीनदा आहारात बीटचा रस किंवा शिजवलेले बीट खाल्ल्यास रक्तभिसरण सुधारण्यास मदत होईल. यामध्ये असलेले घटक शरीराला आवश्यक पोषण देतात.

गर्भधारणा होत नाहीये? शुक्राणूंची गुणवत्ता चांगली असूनही अडथळा? पुरुषांच्या ‘या’ समस्यांही असू शकतात कारण

मेथीची भाजी:

लहान मुलांपासून ते अगदी मोठ्यांपर्यंत अनेकांना मेथीची भाजी खायला अजिबात आवडत नाही. पण या भाजीमध्ये असलेले आवश्यक पोषक घटक शरीरासाठी प्रभावी ठरतात. मेथीच्या पानांमध्ये लोह, मॅग्नेशियम आणि फोलेट इत्यादी घटक असतात. त्यामुळे मेथीच्या पानांच्या भाजीमध्ये शेंगदाण्याचा कूट किंवा खोबऱ्याचा किस टाकून भाजी बनवू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.