पावसाळ्यात सकाळच्या नाश्त्यात गरमागरम भाकरीसोबत खाण्यासाठी झटपट बनवा कांद्याच्या पातीची चमचमीत चटणी

कांद्याच्या पातीची भाजी खाऊन कंटाळा आल्यानंतर तुम्ही सोप्या पद्धतीमध्ये कांद्याच्या पातीची चटणी बनवू शकता. चपाती किंवा भाकरीसोबत कांद्याची चटणी चविष्ट लागते. जाणून घ्या रेसिपी.

पावसाळ्याच्या दिवसांमध्ये बाजारात हिरव्यागार पालेभाज्या उपलब्ध असतात. त्यात आवडीने खाल्ली जाणारी भाजी म्हणजे कांद्याची पात. लहान मुलांपासून अगदी मोठ्यांपर्यंत सगळ्यांचं कांद्याची पात खायला खूप जास्त आवडते. जेवणाच्या ताटात कांद्याच्या पातीची भाजी असेल तर दोन घास जास्त जातात. बऱ्याचदा अनेक घरांमध्ये सकाळच्या नाश्त्यात भाकरी आणि चटणी खाल्ली जाते. भाकरीसोबत शेंगदाण्याची चटणी, खोबऱ्याची चटणी, मिरचीचा ठेचा किंवा इतर वेगवेगळ्या पदार्थांपासून बनवलेल्या चटण्या खाल्ल्या जातात. मात्र आज आम्ही तुम्हाला कांद्याच्या पातीची चटणी बनवण्याची सोपी रेसिपी सांगणार आहोत. गरमागरम भाकरीसोबत कांद्याच्या पातीची चटणी असेल तर सकाळचा नाश्ता पोटभर होईल. पावसाळ्याच्या दिवसांमध्ये पालेभाज्यांचे सेवन कमीत कमी केले जाते. मात्र कांद्याच्या पातीची भाजी तुम्ही खाऊ शकता. चला तर जाणून घेऊया कांद्याच्या पातीची चटणी बनवण्याची सोपी रेसिपी.(फोटो सौजन्य – pinterest)

साधा पण चवदार असा गुजरातचा फेमस पदार्थ डाळ ढोकळी घरी बनवून पहा; चविष्ट रेसिपी नोट करा

साहित्य:

• कांद्याची पात
• लाल तिखट
• मीठ
• कोथिंबीर
• पांढरे तेल
• शेंगदाण्याचा कूट
• लसूण पाकळ्या
• हळद
• काळीमिरी पावडर
• गूळ
• लिंबाचा रस
• कोथिंबीर

सकाळच्या नाश्त्यात काकडी आणि ओल्या खोबऱ्यापासून झटपट बनवा मऊसूत डोसा, दिवसाची सुरुवात होईल मस्त

कृती:

• कांद्याच्या पातीची चटणी बनवण्यासाठी सर्वप्रथम, कांद्याच्या पात स्वच्छ साफ करून पाण्यात टाकून ठेवा. त्यानंतर स्वच्छ धुवून बारीक चिरून घ्या.
• मोठ्या बाऊलमध्ये बारीक चिरलेला कांदा, कांद्याची पात, कोथिंबीर, किसलेलं आलं, शेंगदाण्याचा कूट, पांढरे तीळ आणि चवीनुसार मीठ घालून मिक्स करा.
• नंतर त्यात हळद, चिलीफ्लेक्स, काळीमिरी पूड, बारीक चिरलेला लसूण, लाल तिखट घालून पुन्हा एकदा चमच्याने मिक्स करून घ्या.
• तयार केलेल्या मिश्रणात थोडस गूळ टाका. यामुळे चटणीची चव आंबट तिखट गोड लागेल.
• कढईमध्ये तेल गरम करून त्यात तयार केलेले सर्व मिश्रण ओतून व्यवस्थित मिक्स करून घ्या.
• मंद आचेवर ५ मिनिटं वाफ आल्यानंतर पुन्हा एकदा व्यवस्थित मिक्स करा. सगळ्यात शेवटी तयार केलेल्या चटणीमध्ये लिंबाचा रस टाकून मिक्स करा.
• तयार आहे सोप्या पद्धतीमध्ये बनवलेली कांद्याच्या पातीची चटणी.