Bengali chaat: 10 मिनिटांमध्ये झटपट बनवा आंबट गोड चवीचे बंगाली चाट चूरमूर, पाहताच क्षणी सुटेल तोंडाला पाणी

कायमच शेवपुरी, पाणीपुरी खाऊन कंटाळा आल्यास तुम्ही सोप्या पद्धतीमध्ये बंगाली चाट चुरमूर बनवू शकता. हा पदार्थ १५ मिनिटांमध्ये झटपट तयार होतो. चला तर जाणून घेऊया बंगाली चाट चुरमूर बनवण्याची सोपी रेसिपी.

भारताच्या वेगवेगळ्या राज्यांमध्ये बनवले जाणारे चविष्ट पदार्थ चाखण्यासाठी जगभरातून लाखो पर्यटक भारतात येतात. भेळ, शेवपुरी, आलू चाट, पापडी चाट इत्यादी अनेक पदार्थ खायला सगळ्यांचं खूप जास्त आवडतात. त्यात बंगालमधील अतिशय फेमस पदार्थ म्हणजे चूरमूर. चूरमूर चाट खायला खवय्यांची मोठी गर्दी असते. आंबट गोड चवीचे बंगाली चूरमूर लहान मुलांपासून मोठ्यांपर्यंत सगळ्यांचं खूप जास्त आवडते. या पदार्थाची चव आंबट खारट आणि काहीशी तिखट असते. बंगालमधील मसालेदार चाट बनवण्यासाठी पाणीपुरीच्या पुऱ्यांचा चुरा, चणे, उकडलेले बटाटे, कांदा इत्यादी अनेक पदार्थ वापरून चाट बनवले जाते. बऱ्याचदा संध्याकाळच्या वेळी काहींना काही चविष्ट आणि चटपटीत पदार्थ खाण्याची इच्छा होते. कोलकात्याच्या रस्त्यांवर आणि छोट्या गल्लीमध्ये चूरमूर चाट मिळते. चला तर जाणून घेऊया बंगाली चूरमूर चाट बनवण्याची सोपी रेसिपी.(फोटो सौजन्य – pinterest)

फॅमिली पार्टीसाठी करा चमचमीत बेत! सोप्या पद्धतीने घरी बनवा हॉटेल स्टाईल व्हेज तवा पुलाव, नोट करून घ्या रेसिपी

साहित्य:

• पाणीपुरीच्या पुऱ्या
• उकडलेला बटाटा
• काळे चणे
• कोथिंबीर
• चिंच
• कांदा
• हिरवी मिरची
• लाल तिखट
• मीठ
• कबुली चणे
• गूळ
• चाट मसाला
• लाल तिखट

चायनीज लव्हर्स आहात? मग बाहेरून कशाला यंदा घरीच बनवा चविष्ट अशी ‘सोया चिली’

कृती:

• चूरमूर चाट बनवण्यासाठी सर्वप्रथम, बटाटे, काळे चणे आणि कबुली चणे कुकरमधून शिजवून घ्या. शिजवून घेतलेले पदार्थ थंड करा.
• वाटीमध्ये गरम पाणी घेऊन त्यात चिंच भिजत ठेवा. चिंच भिजल्यानंतर त्यातील गर काढून घ्या.
• मोठ्या वाटीमध्ये पाणीपुरीच्या पुऱ्या हाताने बारीक करून घ्या. त्यानंतर त्यात शिजवलेला बटाटा घालून मिक्स करा.
• तयार केलेल्या मिश्रणात लिंबाचा रस, काळे चणे, कबुली चणे, लाल तिखट, चाट मसाला, चिंचा गर आणि किसून घेतलेले गूळ टाकून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेले बंगाली चूरमूर चाट. हा पदार्थ घरातील सगळ्यांचं खूप जास्त आवडेल.