जेवणाची वाढेल रंगत! १० मिनिटांमध्ये झटपट बनवा झणझणीत लसूण चटणी, महिनाभर व्यवस्थित टिकून राहील पदार्थ

आज आम्ही तुम्हाला सोप्या पद्धतीमध्ये लसूण चटणी बनवण्याची रेसिपी सांगणार आहोत. या पद्धतीने बनवलेली लसूण चटणी महिनाभर व्यवस्थित टिकून राहते. चला तर जाणून घेऊया रेसिपी.

जेवणाची चव वाढवण्यासाठी पदार्थ बनवताना त्यात विविध मसाल्यांचा, भाज्यांचा आणि पदार्थाचा वापर केला जातो. फोडणी देण्यासाठी कायमच लसूणचा वापर केला जातो. लसूणची फोडणी दिल्यामुळे पदार्थाला अतिशय सुंदर चव येते आणि शरीराला सुद्धा भरमसाट फायदे होतात. लसूणमध्ये असलेले गुणकारी घटक शरीरासाठी फायदेशीर ठरतात. लसूणचा वापर करून बनवले जाणारे पदार्थ दीर्घकाळ व्यवस्थित टिकून राहतात. म्हणूनच आज आम्ही तुम्हाला सोप्या पद्धतीमध्ये लसूण चटणी बनवण्याची रेसिपी सांगणार आहोत. या पद्धतीने बनवलेली लसूण चटणी घरातील प्रत्येकाला खूप जास्त आवडेल आणि चव सुद्धा भारी लागेल. लसूण चटणी गरमागरम भाकरी, भात आणि इतर सर्वच पदार्थांसोबत चांगली लागते. महाराष्ट्रीयन खाद्य संस्कृतीमध्ये चटणीचे नाव आवर्जून घेतले जाते. जेवणाच्या ताटात जर चटणी असेल तर चार घास जास्त जातात आणि पोट सुद्धा भरते. शेंगदाणा, खोबर, विविध बियांचा वापर करून चटणी बनवली जाते. चला तर जाणून घेऊया खमंग झणझणीत लसूण चटणी बनवण्याची सोपी रेसिपी.(फोटो सौजन्य – istock)

वजन कमी करायचंय? पण चवदारही खायचंय? मग आजच घरी बनवा मसालेदार ‘Quinoa Khichdi ‘

साहित्य:

• लसूण
• सुक खोबर
• लाल तिखट
• मीठ
• तेल
• पांढरे तीळ

Recipe : गॅस, ॲसिडिटी, अपचनाचा होतोय त्रास? पोटाच्या समस्यांपासून मिळेल अराम; घरी बनवा चटकदार ‘आवळा पुदिन्याची चटणी’

कृती:

• लसूण चटणी बनवण्यासाठी सर्वप्रथम, लसूण पाकळ्या सोलून घ्या. यामुळे चटणीची चव आणखीनच चांगली लागेल.
• कढईमध्ये तेल गरम करून त्यात सुक्या खोबऱ्याचे तुकडे भाजून घ्या. तेलावर खोबर व्यवस्थित भाजल्यास चटणी खराब होणार नाही.
• त्याच कढईमध्ये पांढरे तीळ सुद्धा भाजून घ्या. त्यानंतर त्यात लसूण पाकळ्या घालून हलक्याशा गरम करून घ्या.
• भाजून घेतलेले सर्व साहित्य मिक्सरच्या भांड्यात टाकून बारीक वाटून घ्या. त्यानंतर त्यात चवीनुसार मीठ, लाल तिखट घालून मिक्सरमधून वाटून घ्या.
• तयार केलेली चटणी हवाबंद डब्यात भरून ठेवा. या चटणी लवकर खराब होणार नाही.
• तयार आहे सोप्या पद्धतीमध्ये बनवलेली झणझणीत लसूण चटणी.