बेकरीसारखा ‘लादी पाव’ घरी कसा तयार कसायचा? जाणून घ्या सोपी रेसिपी

Ladi Pav Recipe : वडापावपासून ते भुर्जी पावपर्यंत, सकाळच्या नाश्त्यापासून ते जेवणापर्यंत मुंबईचा पाव अनेक पदार्थांमध्ये वापरला जातो. तुम्हाला माहिती आहे का? हा मऊ, लुसलुशीत पाव तुम्ही घरी देखील बनवू शकतो.

“भारतीय स्वयंपाकघरातील एक अतिशय लोकप्रिय आणि रोजच्या वापरातील पदार्थ म्हणजे लादी पाव. मुंबईच्या स्ट्रीट फूड संस्कृतीचा हा एक अविभाज्य भाग आहे. वडापाव, मिसळपाव, पावभाजी, मसाला पाव अशा असंख्य पदार्थांची जान म्हणजे हा मऊ, लुसलुशीत पाव! बाजारातून विकत आणलेले पाव चविष्ट असतात, पण त्यामध्ये प्रेझर्व्हेटिव्हज आणि रासायनिक घटक असतात. त्यामुळे घरच्या घरी तयार केलेले होममेड लादी पाव केवळ चवदारच नाहीत, तर आरोग्यदायी आणि ताजेही असतात.

सकाळच्या नाश्त्यासाठी, टिफिन तसेच प्रवासासाठी परफेक्ट आहे ‘व्हेज कोल्ड सँडविच’; जाणून घ्या रेसिपी

घरच्या ओव्हनमध्ये किंवा गॅसवरसुद्धा बेकरीसारखे लादी पाव सहज तयार करता येतात. थोडं संयम, थोडं प्रेम आणि योग्य प्रमाणात साहित्य वापरलं तर तुमच्या स्वयंपाकघरातून येणारा सुगंध सर्वांना भुरळ घालेल. या रेसिपीच्या मदतीने तुम्ही घरीच फ्रेश पाव तयार करू शकता. चला तर मग घरच्या घरी लादी पाव तयार करण्यासाठी लागणारे साहित्य आणि कृती जाणून घेऊया.

साहित्य:

• मैदा – 3 कप
• कोमट दूध – 1 कप
• साखर – 2 टेबलस्पून
• ड्राय यीस्ट (Dry yeast) – 2 टीस्पून
• मीठ – 1 टीस्पून
• बटर किंवा तेल – 3 टेबलस्पून
• कोमट पाणी – आवश्यकतेनुसार
• बटर (ब्रशिंगसाठी) – थोडेसे

चविष्ट अन् पौष्टिक; सकाळच्या नाश्त्याला बनवा हिरव्या मूगडाळीचा चिला

कृती:

• लादी पाव तयार करण्यासाठी सर्वप्रथम एका वाटीत कोमट दूध घ्या, त्यात साखर आणि ड्राय यीस्ट घाला. हलके ढवळून 10 मिनिटं झाकून ठेवा. यीस्ट फुलून आली की फसफस दिसेल, म्हणजे ती तयार आहे.
• मोठ्या भांड्यात मैदा, मीठ आणि ॲक्टिव्ह यीस्ट मिक्सचर घाला. त्यात हळूहळू कोमट पाणी किंवा दूध घालत
• मऊ कणिक मळा. नंतर त्यात बटर घालून 10-12 मिनिटं कणिक चांगली मळा, जोपर्यंत ती लवचिक व स्मूद होत नाही.
• मळलेली कणिक तेल लावलेल्या भांड्यात ठेवा, वरून झाकण ठेवा आणि ती कोमट जागी सुमारे 1 ते 1.5 तास फुलवून ठेवा. कणिक दुप्पट आकाराची झाली की ती तयार आहे.
• फुललेली कणिक हलके हाताने दाबून हवेचा बुडबुडा काढा. नंतर समान आकाराचे छोटे गोळे करा आणि बेकिंग ट्रेमध्ये (थोडं अंतर ठेवून) एकत्र ठेवा.
• हे गोळे झाकून पुन्हा 30-40 मिनिटं कोमट जागी फुलवून ठेवा.
• ओव्हन 180°C वर प्रीहीट करा आणि 20-25 मिनिटं किंवा पाव सोनेरी तपकिरी रंगाचे होईपर्यंत बेक करा.
  (जर ओव्हन नसेल तर झाकण असलेल्या जाड तळाच्या पॅनमध्ये थोडं मीठ घालून प्रीहीट करून गॅसवर बेक करता येईल.)
• बेक झाल्यानंतर लगेच वरून वितळलेलं बटर लावा आणि पाव 10 मिनिटं थंड होऊ द्या.
• यीस्ट योग्य प्रकारे फुलली नाही तर पाव मऊ होणार नाही, त्यामुळे त्या स्टेपकडे विशेष लक्ष द्या.
• कणिक जितकी चांगली मळाल जाईल तितके पाव लुसलुशीत होतील.
• पाव फुलण्यासाठी गरम नव्हे तर कोमट जागा निवडा.