Recipe : स्ट्रीट स्टाईल आंबट-गोड अन् चटकदार ‘चिंचेची चटणी’ बनवा घरच्या घरी, रेसिपी आहे फार झटपट

Tamarind Chutney Recipe : अनेक पदार्थांमध्ये चिंचेच्या चटणीचा हमखास वापर केला जातो. ही चटणी चवीला जितकी रुचकर तितकीत ती फार सहज आणि झटपट तयार केली जाते. चला याची रेसिपी नोट करुन घेऊयात.

• पाणीपुरी, भेळपुरी, समोसे यासोबत चिंचेची चटणी आवर्जून सर्व्ह केली जाते.
• ही चटणी एकदाच बनवली की अनेक दिवस साठवून ठेवली जाऊ शकते.
• तुम्ही सोप्या रेसिपीने घरच्या घरीच स्ट्रीट स्टाईल चटकदार चिंचेची चटणी तयार करु शकता.

चिंचेची चटणी ही भारतीय स्वयंपाकघरातील एक पारंपरिक आणि अतिशय लोकप्रिय चव आहे. गोड, आंबट आणि हलकी तिखट अशी तिची चव कोणत्याही साध्या पदार्थालाही खास बनवते. महाराष्ट्रात भेळ, पाणीपुरी, समोसा, दहीवडा किंवा विविध चाट पदार्थांमध्ये चिंचेची चटणी एक महत्त्वाचा घटक मानली जाते. चिंच ही नैसर्गिकरित्या आंबट असल्यामुळे पचनासाठीही उपयुक्त ठरते, आणि त्यात गूळ किंवा साखर घातल्यामुळे तिचा स्वाद अधिक संतुलित होतो.

घरच्या घरी बनवलेली चिंचेची चटणी बाजारातील तयार चटणीपेक्षा अधिक ताजी, स्वच्छ आणि चविष्ट असते. शिवाय, आपण आपल्या आवडीनुसार यात गोडवा किंवा तिखटपणा कमी-जास्त करू शकतो. याव्यतिरिक्त याचा आणखी एक फायदा म्हणजे, चिंचेची चटणी एकदाच बनवून अनेक दिवसांपर्यंत साठवून ठेवता येऊ शकते. चला तर मग घरच्या घरी चटपटीत चिंचेची चटणी कशी बनवायची याची रेसिपी जाणून घेऊया.

हेल्दी पण चविष्ट असं काही खायचंय? मग आपल्या डाएटमध्ये समाविष्ट करा ‘मलाई ब्रोकली’, रेसिपी आहे फार सोपी

साहित्य

• चिंच – १ कप
• गूळ – ३/४ कप
• लाल तिखट – १ टीस्पून
• जिरेपूड – १ टीस्पून
• काळं मीठ – १/२ टीस्पून
• मीठ – चवीनुसार
• पाणी – आवश्यकतेनुसार

बंगाली मिठाईने करा पाहुण्यांचे स्वागत! पिकलेल्या रसाळ आंब्याचा वापर करून झटपट बनवा Mango Bhapa Doi

कृती

• सर्वप्रथम चिंच एका भांड्यात घेऊन त्यात गरम पाणी घाला आणि १५-२० मिनिटे भिजत ठेवा.
• चिंच मऊ झाल्यावर ती चांगली मॅश करून तिचा कोळ गाळून घ्या.
• गाळलेला चिंचेचा कोळ एका कढईत घाला आणि मध्यम आचेवर गरम करायला ठेवा.
• त्यात गूळ घालून सतत ढवळत रहा, जेणेकरून गूळ पूर्णपणे विरघळेल.
• आता त्यात लाल तिखट, जिरेपूड, काळं मीठ आणि साधं मीठ घाला.
• मिश्रण थोडं घट्ट होईपर्यंत शिजवा.
• गॅस बंद करून चटणी थंड होऊ द्या आणि नंतर हवाबंद डब्यात साठवा.
• ही चिंचेची चटणी तुम्ही चाट, स्नॅक्स किंवा रोजच्या जेवणासोबतही सर्व्ह करू शकता.