हेल्दी पण चविष्ट असं काही खायचंय? मग आपल्या डाएटमध्ये समाविष्ट करा ‘मलाई ब्रोकली’, रेसिपी आहे फार सोपी

Malai Broccoli Recipe: डाएटमध्ये नेहमी बेचव पदार्थ खाण्याची गरज नाही. तुम्ही स्मार्ट पद्धतीने हेल्दी पदार्थांनाही चविष्ट ट्विस्ट देऊ शकता. मलाई ब्रोकोली एक हाय प्रोटीन डिश आहे जी चवीलाही अप्रतिम लागते.

(फोटो सौजन्य: Pinterest)

Follow Us:

Follow Us:

• मलाई ब्रोकली एक टेस्टी आणि हेल्दी डिश आहे.
• यात ब्रोकोलीला क्रिमी साॅसमध्ये मॅरिनेट करुन शिजवले जाते.
• ही डिश चवीला फार अप्रतिम लागते.

आंध्रप्रदेशात प्रत्येक घरी ‘या’ पद्धतीने बनवली जाते कच्च्या कैरीची आंबटगोड पारंपरिक चटणी, उन्हाळ्यात वाढेल जेवणाची चव

मलाई ब्रोकली ही साधारणपणे रेस्टॉरंटमध्ये स्टार्टर म्हणून मिळते, पण ती थोड्या बदलांसह घरीही बनवता येते आणि अधिक हेल्दी पद्धतीने बनते.  ही रेसिपी संध्याकाळच्या स्नॅक्ससाठी, पार्टी स्टार्टरसाठी किंवा डाएटमध्ये हेल्दी पर्याय म्हणूनही उत्तम आहे. विशेष म्हणजे, ही बनवायला सोपी असून वेळही कमी लागतो.

साहित्य:

• 2 कप ब्रोकलीचे मध्यम तुकडे
• 1/2 कप हंग कर्ड (चक्का)
• 1/2 कप पनीर (किसलेले)
• 2 टेबलस्पून काजू पेस्ट
• 1 टेबलस्पून क्रीम (ऑप्शनल)
• 1 टीस्पून आले-लसूण पेस्ट
• 1/2 टीस्पून काळी मिरी पावडर
• 1/2 टीस्पून गरम मसाला
• 1 टीस्पून लिंबाचा रस
• मीठ चवीनुसार
• 1 टेबलस्पून तेल किंवा बटर

कृती:

• यासाठी सर्वप्रथम ब्रोकली स्वच्छ धुवून उकळत्या पाण्यात 2–3 मिनिटे ब्लांच करा आणि लगेच थंड पाण्यात टाका. त्यामुळे रंग आणि कुरकुरीतपणा टिकतो.
• एका बाउलमध्ये हँग कर्ड, पनीर, काजू पेस्ट आणि क्रीम एकत्र करून स्मूथ मिश्रण तयार करा.
• त्यात आले-लसूण पेस्ट, काळी मिरी, गरम मसाला, मीठ आणि लिंबाचा रस घालून चांगले मिक्स करा.
• आता पाण्यात काहीवेळ वाफवून मग ब्रोकलीला या मिश्रणात घाला आणि हलक्या हाताने मसाला यावर कोट करा. याला 10–15 मिनिटे मॅरिनेट होऊ द्या.
• पॅनमध्ये थोडं तेल किंवा बटर गरम करा. त्यात मॅरिनेट केलेली ब्रोकली मध्यम आचेवर शॅलो फ्राय करा.
• ब्रोकलीला हलका गोल्डन रंग येईपर्यंत शिजवा. मध्ये मध्ये हलवत राहा.
• गरमागरम मलाई ब्रोकली प्लेटमध्ये काढा आणि वरून थोडी काळी मिरी किंवा चाट मसाला शिंपडा.
• ही डिश ग्रीन चटणी किंवा हंग कर्ड डिपसोबत सर्व्ह केली, तर चव आणखी वाढते.
• जास्त प्रोटीनसाठी पनीरचे प्रमाण वाढवू शकता.
• ओव्हनमध्ये 200°C वर 15 मिनिटे बेक करूनही ही रेसिपी हेल्दी बनवता येते.

Web Title: Make high protein malai broccoli at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com