लग्नसमारंभात सर्व्ह होणारे व्हेज पॅटीस आता घरीच बनवा, नोट करा रेसिपी

लग्नसमारंभात सर्व्ह केले जाणारे व्हेज पॅटीस सर्वांच्याच आवडीचे आहेत. याची चव सर्व वयोगटातील लोकांना आवडते. चला तर मग जाणून घेऊया याची रेसिपी.

असे अनेक पदार्थ आहेत जे काही खास प्रसंगी आवर्जून सर्व्ह केले जातात आणि त्यांची चव सर्वांनाच फार आवडते. विवाह किंवा इतर खास प्रसंगी सर्व्ह होणाऱ्या स्टार्टरमधील एक लोकप्रिय पदार्थ म्हणजे वेज पॅटीस. बाहेरून कुरकुरीत आणि आतून मऊ, मसालेदार सारण असलेले हे पॅटीस सर्व वयोगटातील लोकांना आवडतात. हॉटेल्समध्ये आणि केटरिंगमध्ये मिळणारा खास चव असलेला पॅटीस घरच्या घरीही अगदी तसाच बनवता येतो.

जॅकी श्रॉफने सांगितली झटपट तयार होणारी कांदा भेंडीची चविष्ट भाजी, लहान मुलांसह मोठ्यांही आवडेल पदार्थ

तुम्हालाही हे व्हेज पॅटीस खायला फार आवडत असेल तर याची रेसिपी जाणून घ्यायची असेल तर आजचा लेख तुमच्या फायद्याचा आहे. बटाटे आणि मसाल्यांच्या संमिश्रणातून हे पॅटीस तयार केले जातात. स्टार्टससाठी किंवा घरी आलेल्या पाहुण्यांना सर्व्ह करण्यासाठी हा एक उत्तम पर्याय आहे. चला तर मग अजिबात वेळ न घालवता जाणून घेऊया यासाठी लागणारे साहित्य आणि कृती.

साहित्य

• बटाटे – ४ मध्यम (उकडून मॅश केलेले)
• कॉर्नफ्लोअर – २ टेबलस्पून
• मीठ – चवीनुसार
• लाल तिखट – ½ टीस्पून
• गरम मसाला – ½ टीस्पून
• मटार – ½ कप (उकडलेले)
• गाजर – ½ कप (बारीक चिरलेले आणि परतून घेतलेले)
• फरसबी – ¼ कप (बारीक चिरलेली)
• सुकं खोबरं – २ टेबलस्पून
• कांदा – १ मध्यम (बारीक चिरलेला)
• आलं-लसूण पेस्ट – १ टीस्पून
• हिरवी मिरची पेस्ट – १ टीस्पून
• आमचूर पावडर/लिंबू रस – १ टीस्पून
• गरम मसाला – ½ टीस्पून
• मीठ – चवीनुसार
• तेल – परतण्यासाठी व तळण्यासाठी
• मैदा – २ टेबलस्पून (पाण्यात कालवून पातळ मिश्रण तयार करावे)ब्रेडक्रंब्स – आवश्यकतेनुसार

Anda Ghotala Recipe: सुरतची सुप्रसिद्ध डिश अंडा घोटाळा कधी खाल्ला आहे का? नाही… तर लगेच नोट करा रेसिपी

कृती

• यासाठी सर्वप्रथम पॅनमध्ये थोडं तेल गरम करून त्यात कांदा, आलं-लसूण व हिरवी मिरची पेस्ट घालून परतून घ्या.
• मग त्यात गाजर, फरसबी, मटार घालून ३-४ मिनिटं शिजवा.
• नंतर त्यात खोबरं, आमचूर/लिंबू रस, मीठ, गरम मसाला घालून सर्व चांगले मिक्स करून थंड होऊ द्या.
• उकडलेल्या बटाट्यांमध्ये मीठ, तिखट, गरम मसाला आणि कॉर्नफ्लोअर घालून मळून घ्या.
• बटाट्याचे छोटे गोळे घेऊन त्यात सारण भरून पॅटीसचा आकार द्या.
• हे पॅटीस मैद्याच्या पातळ मिश्रणात बुडवून ब्रेडक्रंब्समध्ये घोळवा.
• शेवटी तयार पॅटीस गरम तेलात मध्यम आचेवर कुरकुरीत होईपर्यंत तळून घ्या

टीप

• पॅटीस डीप फ्राय किंवा शॅलो फ्राय दोन्ही प्रकारे करता येतील.
• हवे असल्यास चीजचा चुरा सारणात घालून चीज पॅटीस देखील करता येतो.
• पॅटीसला सोबत सॉस किंवा हिरवी चटणी दिल्यास चव अजून खुलते.