Anda Ghotala Recipe: सुरतची सुप्रसिद्ध डिश अंडा घोटाळा कधी खाल्ला आहे का? नाही… तर लगेच नोट करा रेसिपी

तेच तेच अंड्याचे पदार्थ खाऊन कंटाळा आला असेल तर एकदा सुरतचा हा फेमस पदार्थ नक्की बनवून पहा. अंडी, कांदा, टोमॅटो आणि मसाल्यांपासून तयार केलेला हा पदार्थ पाव अथवा चपाती-भाकरीसह खाण्यासाठी सर्व्ह केला जातो.

(फोटो सौजन्य: Tastes Recipe)

Follow Us:

Follow Us:

अंडा घोटाळा हा एक भारतीय पदार्थ आहे जो सुरतमध्ये खास करून खूप लोकप्रिय आहे. हा पदार्थ अंडी, कांदा, टोमॅटो आणि मसाल्यांपासून बनवला जातो. या पदार्थात सर्व साहित्य एकत्र करून त्यांचे मिश्रण तयार केले जाते ज्यामुळे त्याला घोटाळा म्हणजेच गोंधळ असे नाव देण्यात आले आहे. अंडा घोटाळा ही एक स्वादिष्ट आणि प्रोटीनने भरलेली डिश आहे.

दिवसाची सुरुवात होईल आनंदी! १० मिनिटांमध्ये झटपट तयार होतील नाचणीच्या पिठाचे पौष्टिक आप्पे

अंड्यापासून अनेक नवनवीन पदार्थ बनवले जातात मात्र तुम्हाला तेच तेच जुने पदार्थ खाऊन कंटाळा आला असेल तर तुम्ही अंड्याची ही हटके रेसिपी नक्कीच ट्राय करू शकता. मसाल्यांमध्ये मिसळेल अंड्याचा किस आणि त्यांचे संमिश्र चवीला फार अप्रतिम लागते.अंडा घोटाळा तुम्ही भाकरी, पोळी किंवा पावासोबत खाऊ शकता. ही रेसिपी खास करून रात्रीच्या जेवणासाठी किंवा पार्टीत चमचमीत काही हवे असेल तर उत्तम पर्याय आहे. चला तर मग त्वरित जाणून घेऊया यासाठी लागणारे साहित्य आणि कृती.

साहित्य:

• ४ उकडलेली अंडी
• २ कच्ची अंडी
• २ मध्यम कांदे (बारीक चिरलेले)
• २ मध्यम टोमॅटो (बारीक चिरलेले)
• १ चमचा आले-लसूण पेस्ट
• २ हिरव्या मिरच्या (बारीक चिरलेल्या)
• १ चमचा लाल तिखट
• ½ चमचा हळद
• १ चमचा गरम मसाला
• १ चमचा धणे-जिरे पावडर
• मीठ चवीनुसार
• २ चमचे तेल
• थोडी कोथिंबीर

स्पेशल पार्टीसाठी, स्पेशल नाश्ता! घरी बनवा डॉमिनोज स्टाईल Pizza Pocket; चव चाखताच सर्व होतील खुश

कृती:

• अंडा घोटाळा तयार करण्यासाठी सर्वप्रथम कढईत तेल गरम करून त्यात चिरलेला कांदा घालून तो सोनेरी रंगाचा होईपर्यंत परतून घ्या
• त्यानंतर आता त्यात आले-लसूण पेस्ट आणि हिरव्या मिरच्या घालून २ मिनिटं परतून घ्या
• टोमॅटो घालून मिक्स करा आणि झाकण ठेवून टोमॅटो मऊ होईपर्यंत शिजवा
• नंतर हळद, लाल तिखट, धणे-जिरे पावडर, गरम मसाला आणि मीठ घालून मसाला चांगला परतून घ्या
• त्यात एक उकडलेली अंडी किसून यात घाला आणि मसाल्यांमध्ये छान परतून घ्या
• नंतर कढईच्या एका बाजूला जागा करून कच्ची अंडी फोडून घाला आणि हलक्या हाताने भुर्जी करा
• भुर्जी तयार झाल्यावर सगळं एकत्र मिक्स करा
• थोडं पाणी घालून गरमागरम अंडा घोटाळा २-३ मिनिटं शिजू द्या आणि मग गॅस बंद करा
• शेवटी वरून कोथिंबीर घाला आणि तयार अंडा घोटाळा खाण्यासाठी सर्व्ह करा
• हा अंडा घोटाळा पावासोबत खूपच छान लागतो. हव असल्यास त्यात थोडं चीजही घालू शकता.

Web Title: Make surat special anda ghotala at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com