कुणाल कपूर स्पेशल रेसिपी! १० मिनिटांमध्ये सकाळच्या नाश्त्यासाठी झटपट बनवा चमचमीत अचारी पराठा

सकाळच्या नाश्त्यात नेहमीच तेच तेच पदार्थ खाऊन कंटाळा आल्यानंतर तुम्ही आचारी पराठा बनवू शकता. चला तर जाणून घेऊया आचारी पराठा बनवण्याची सोपी रेसिपी. हा पदार्थ झटपट तयार होतो.

सकाळच्या नाश्त्यात नेहमी नेहमी तेलकट किंवा मसालेदार पदार्थ खाऊन कंटाळा येतो. नाश्त्यात चहा चपाती, पराठा, कांदापोहे किंवा उपमा शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. नेहमीच बटाटा किंवा भाज्या घालून बनवलेले पराठा खाण्याचा कंटाळा येत असेल तर तुम्ही १० मिनिटांमध्ये झटपट आचारी पराठा बनवू शकता. चटपटीत लोणच्यांचा वापर करून बनवलेला पराठा आरोग्यासाठी अतिशय पौष्टिक आहे. सकाळच्या नाश्त्यात नेहमी पौष्टिक आणि हेल्दी पदार्थांचे सेवन करावे. यामुळे दीर्घकाळ पोट भरलेले राहते आणि लवकर भूक लागत नाही. मात्र आपल्यातील अनेक लोक वजन वाढेल म्हणून सकाळचा नाश्ता करणे टाळतात. पण असे केल्यामुळे शरीराला धोकादायक आजाराची लागण होते. म्हणूनच आज आम्ही तुम्हाला कुणाल कपूर यांनी सांगितलेली आचारी पराठ्याची सोपी रेसिपी सांगणार आहोत. हा पराठा तुम्ही कोणत्याही चटणी किंवा सॉस सोबत खाऊ शकता.(फोटो सौजन्य – pinterest)

दुपारच्या जेवणात कोकणातील पारंपरिक पद्धतीमध्ये बनवा तिळकूट गवार, तांदळाच्या भाकरीसोबत लागेल झणझणीत

साहित्य:

• गहू ज्वारीचे पीठ
• मीठ
• लोणच्याचा खार
• आलं लसूण पेस्ट
• जिऱ्याची पावडर
• कोथिंबीर
• कांदा
• कसुरी मेथी

पावसाच्या थंड वातावरणात आता घरीच बनवा टेस्टी आणि चटकदार Veg Frankie; स्ट्रीट स्टाईल रेसिपी

कृती:

• आचारी पराठा बनवण्यासाठी सर्वप्रथम, मिक्सरच्या भांड्यात तुकडे करून घेतलेला कांदा बारीक वाटून घ्या.
• त्यानंतर मोठ्या वाटीमध्ये गहू आणि ज्वारी, बेसन पीठ एकत्र करून मिक्स करा. त्यानंतर त्यात लोणचं खार आणि कैरीच्या फोडी बारीक करून घाला.
• पीठ मिक्स केल्यानंतर त्यात तयार केलेली कांद्याची पेस्ट, जिऱ्याची पावडर, मीठ, कोथिंबीर आणि कसुरी मेथी घालून पीठ मिक्स करा.
• तयार केलेल्या मिश्रणात आवश्यकतेनुसार पाणी घालून घट्टसर पीठ मळून घ्या आणि ५ मिनिटं झाकून बाजूला ठेवा.
• त्यानंतर पिठाचे छोटे छोटे गोळे करून पराठा लाटून घ्या आणि तव्यावर दोन्ही बाजूने भाजून घ्या.
• तयार आहे सोप्या पद्धतीमध्ये बनवलेले आचारी पराठा.