World Health Day: दिल्लीमध्ये दररोज होतो सरासरी २० बालकांचा मृत्यू! समोर आले बालकांच्या मृत्यूचे धक्कादायक कारणं

राजधानी दिल्लीमध्ये नवजात बालकांच्या मृत्यूचे प्रमाण वाढू लागल्यामुळे चिंता व्यक्त केली जात आहे. जन्माला आल्यानंतर वर्षभराच्या आतमध्ये जवळपास एका दिवसाला २० पेक्षा जास्त बालकांचा मृत्यू होतो. बालकांच्या मृत्यूची नोंद देखील करण्यात आली आहे. गर्भधारणेदरम्यान अयोग्य विकास, कुपोषण, न्यूमोनिया आणि सेप्टिसीमिया इत्यादी आजारांची लागण बालकांना होण्याची शक्यता असते. आईच्या गर्भात बाळाचा योग्य विकास न झाल्यामुळे बालकांच्या मृत्यूचे प्रमाण वाढले आहे. या आकडेवारीमध्ये दिवसेंदिवस वाढ होत चालली आहे, मात्र अजूनही गरजूंपर्यंत कोणत्याही सुविधा पुरवण्यात आलेल्या नाहीत.

आईच्या गर्भात बाळाचा योग्य विकास न होणे, रुग्णालयातील अपुऱ्या सोयीसुविधा इत्यादी अनेक कारणांमुळे बाळाच्या आरोग्याला धोका पोहचण्याची शक्यता असते. त्यामुळे नवजात बालकांचे प्राण वाचवण्यासाठी आरोग्यसुविधा पुरवणे आवश्यक आहे. बाळाच्या निरोगी आरोग्यासाठी गर्भाशयतच बाळाची काळजी घेणे आवश्यक आहे. बालकांचा मृत्यूदर कमी करण्यासाठी यंदाच्या वर्षीच्या थीममध्ये जास्त भर दिला जाईल.

गर्भवती मातांच्या प्रसूतीमध्ये 95.58  टक्क्यांपर्यंत वाढ झाल्यामुळे माता मृत्युदर 0.50 पेक्षा कमी झाला आहे.पण 2023 मध्ये 142 गर्भवती महिलांचा मृत्यू झाला होता. त्यामुळे दिल्लीच्या आरोग्य यंत्रणेवर नवजात बालक आणि अर्भक मृत्यू दर कमी करण्यासाठी अनेक प्रयत्न केले जात आहेत. बालकांच्या आकडेवारीचा दर वाढल्यामुळे चिंता व्यक्त केली जात आहे. मागील चार वर्षांमध्ये बालकांच्या मृत्यूचे प्रमाण मोठ्या संख्येने वाढले आहे.

वाढत्या उष्णतेपासून शरीराचे रक्षण करण्यासाठी रोजच्या आहारात करा ‘या’ फळांच्या रसाचे सेवन, शरीर राहील थंड

अमेरिकेमध्ये गर्भवतीच्या मातांच्या प्रसूतीमध्ये वाढ झाली आहे. दिल्लीसह संपूर्ण देशात माता आणि बालमृत्यूचे प्रमाण दीड ते दोन दशकांपूर्वीच्या तुलनेत कमी झाले आहे, पण यादरात काहीशी वाढ होताना दिसून आली आहे. त्यामुळे यामध्ये सुधारून करून बालकांचे जीव वाचवण्यावर भर देणे जास्त गरजेचे आहे.अमेरिकेमध्ये 1000 बालकांच्या जन्म झाल्यानंतर 5 किंवा 6 बालकांच्या मृत्यूची नोंद होते. या तुलनेत अमेरिकेमध्ये बालकांचा मृत्यूदर जास्त आहे.

संबंधित बातम्या