कडक उन्हाळ्यात शरीराला थंडावा देण्यासाठी घरी बनवा बदाम शेक, लहान मुलांस मोठेसुद्धा पितील आवडीने

संध्याकाळच्या वेळी छोटी मोठी भूक लागल्यानंतर तेलकट तिखट पदार्थ बनवून खाण्यापेक्षा सोप्या पद्धतीमध्ये तुम्ही बदाम शेक बनवू शकता. बदाम शेक चवीला अतिशय सुंदर लागतो. जाणून घ्या बदाम शेक बनवण्याची सोपी रेसिपी.

उन्हाळा ऋतूला सुरुवात झाल्यानंतर सगळेच लोक आवडीने थंड पदार्थांचे सेवन करतात. दही, ताक, आईस्क्रीम किंवा इतर थंड पेयांचे सेवन केल्यामुळे शरीराला ऊर्जा मिळते आणि शरीरात वाढलेली उष्णता कमी होऊन जाते.शरीरात वाढलेली उष्णता आरोग्यासाठी अतिशय घातक ठरते. कारण यामुळे अपचन, उलट्या किंवा आरोग्यासंबंधित इतरही समस्या उद्भवू लागतात. उन्हाळ्यात सर्वच घरांमध्ये नेहमी नारळ पाणी, लिंबू सरबत किंवा ताक प्यायले जाते. मात्र नेहमीच हेच पदार्थ खाऊन कंटाळा आल्यानंतर तुम्ही काहींना काही नवीन पदार्थ बनवू शकता. त्यामुळे आज आम्ही तुम्हाला सोप्या पद्धतीमध्ये बदाम शेक बनवण्याची सोपी रेसिपी सांगणार आहोत. बदाम खाणे आरोग्यासाठीबा अतिशय पौष्टिक आहे. बदाम खाल्यामुळेबी शरीराची रोगप्रतिकारशक्ती सुधारते आणि ऊर्जा निर्माण होते. उन्हाळ्यात सतत घाम आल्यामुळे शरीराची ऊर्जा कमी होते. अशावेळी बदाम शेकचे सेवन केल्यास शरीर निरोगी राहील.(फोटो सौजन्य – iStock)

उन्हाळा होईल आणखीनच स्पेशल! घरी सोप्या पद्धतीमध्ये बनवा मिक्स फळांचे फ्रूट कस्टर्ड, नोट करून घ्या रेसिपी

साहित्य:

• दूध
• साखर
• मध
• वेलची पावडर
• केशर
• बर्फाचे तुकडे

रात्रीच्या जेवणासाठी घरी बनवा गावराण स्टाईल आंबट-तिखट टोमॅटोचा सार; गरमागरम भातासोबत अप्रतिम लागेल

कृती:

• बदाम शेक बनवण्यासाठी सर्वप्रथम, वाटीमध्ये पाणी घेऊन त्यात १० बदाम भिजत घालावे. बदाम संपूर्ण रात्रभर भिजत ठेवावे.
• बदाम भिजल्यानंतर सकाळी त्यांची साल काढून घ्या.
• मिक्सरच्या भांड्यात गरम करून थंड केलेले दूध घेऊन त्यात भिजवलेले बदाम, मध, वेलची पावडर आणि चवीनुसार साखर घालून मिक्सरमधून बारीक पेस्ट वाटून शेक तयार करा.
• काचेच्या भांड्यात बर्फाचे तुकडे टाकून वरून बदाम शेक टाकून सर्व्ह करा.
• रोजच्या आहारात बदाम शेक प्यायल्यामुळे शरीरात अनेक सकारात्मक बदल दिसून येतात.