रात्रीच्या जेवणासाठी घरी बनवा गावराण स्टाईल आंबट-तिखट टोमॅटोचा सार; गरमागरम भातासोबत अप्रतिम लागेल

Tomato Sar Recipe: रात्रीच्या जेवणाला काही चमचमीत खायची इच्छा असेल तर टोमॅटोचा सार तुमच्यासाठी एक उत्तम पर्याय आहे. हा आंबट-तिखट सार तुमच्या जेवणाची रंगत आणखीन वाढवेल.

(फोटो सौजन्य – Instagram)

Follow Us:

Follow Us:

अनेकांना रात्रीच जेवण हे भाताविना अपूर्ण वाटतं, ज्यामुळे जेवणात भात आणि त्यासोबत आमटी असतेच. आता तीच तीच डाळ किंवा आमटी खाऊन जर तुम्हाला कंटाळा आला असेल तर आम्ही तुम्हाला सांगतो की, तुम्ही यावेळी जेवणात टोमॅटोचा सार बनवू शकता. गावाकडे याची ख्याती फार आधीपासून पसरलेली आहे. गावाकडचा हा एक लोकप्रिय पदार्थ आहे.

उन्हाळा होईल आणखीनच स्पेशल! घरी सोप्या पद्धतीमध्ये बनवा मिक्स फळांचे फ्रूट कस्टर्ड, नोट करून घ्या रेसिपी

गरमा गरम भातासोबत आंबट-तिखट टोमॅटोचा सार किती छान लागतो याची तुम्ही कल्पनाही करू शकत नाही . भातचं काय तर भाकरीसोबतही याची चव छान लागेल. तुम्ही यात भाकरी कुस्करून याची चव घेऊ शकता. रात्रीच्या जेवणासाठी काही नवीन चविष्ट करण्याचा विचार करत असाल तर ही रेसिपी तुम्ही एकदा तरी ट्राय करायला हवी. विशेष म्हणजे यासाठी फार वेगळे असे साहित्य लागत नाही, तुम्ही घरी उपलब्ध असलेल्या सामग्रीपासून हा सार तयार करू शकता आणि यात तुमचा फार वेळही जाणार नाही. चला तर मग जाणून घेऊया यासाठी लागणारे साहित्य आणि कृती.

साहित्य

• ३ टोमॅटो
• ५ लसूण
• १ हिरवी मिरची
• २ चमचे नारळाचा किस
• १ चमचा लाल मिरची पावडर
• १/४ चमचा हळद
• १ चमचा धणे पावडर
• १ चमचा मीठ
• २ चमचा तेल
• २ चमचा मोहरी
• १/२ चमचा जिरे
• १/४ चमचा हिंग
• कढीपत्ता
• धणे पाने
• चिंच

 

View this post on Instagram

 

A post shared by Manali Choubisa (@udaipur_food_zone)

Weight Loss Tips: भिजवलेले की शिजवलेले… वजन कमी करण्यासाठी कोणत्या प्रकारे करावे Oats चे सेवन?

कृती

• टोमॅटोचा चविष्ट सार बनवण्यासाठी सर्वप्रथम टोमॅटो पाण्याने स्वछ धुवून घ्या
• मग या टोमॅटोचे बारीक काप करा
• यानंतर टोमॅटो हे तुकडे गरम पाण्यात घाला आणि व्यवस्थित शिजवून घ्या
• टोमॅटो पाण्यात नरम झाले की त्यांना बाहेर काढा आणि थंड करा
• आता एका मिक्सच्या भांड्यात टोमॅटोचे तुकडे, हिरवी मिरची, लसूण, नारळाचा किस, लाल मिरची पावडर, हळद,
• धणे पावडर, चिंच घाला आणि बारीक वाटून घ्या
• यानंतर गॅसवर एक पॅन ठेवा आणि यात तेल टाका
• तेल गरम झाले की यात मोहरी, जिरे, हिंग, कढीपत्ता, धणे टाकून मस्त फोडणी द्या आणि त्यात मिक्सरमध्ये बारीक
• केलेले टोमॅटोचे मिश्रण आणि थोडं पाणी घालून उकळी येऊ द्या
• शेवटी यात चिरलेली कोथिंबीर घाला आणि गॅस बंद करा
• तयार टोमॅटोचा सार गरमा गरम खाण्यासाठी सर्व्ह करा
• सोशल मीडियावर हा व्हिडीओ @udaipur_food_zone नावाच्या इंस्टाग्राम अकाऊंटवर ही रेसिपी शेअर करण्यात आली आहे

Web Title: Make tasty spicy and tangy tomato sar at home for dinner recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com