जेवणात तोंडी लावण्यासाठी बनवा चटकदार कच्च्या कांद्याची चटणी, लहान मुलांसह मोठेसुद्धा आवडीने खातील पदार्थ

आज आम्ही तुम्हाला सोप्या पद्धतीमध्ये कच्च्या कांद्याची चटणी बनवण्याची रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या चटणी बनवण्याची रेसिपी.

जेवणात किंवा ऑफिसच्या डब्यात कायमच त्याच ठराविक भाज्या खाऊन सगळ्यांचं खूप जास्त कंटाळा येतो. याशिवाय बऱ्याचदा लहान मुलं भाज्या खाण्यास नकार देतात. पालेभाज्या किंवा इतर कोणत्याही फळभाज्या पाहिल्यानंतर नाक मुरडतात. पण दैनंदिन आहारात शरीराला पोषण देण्यासाठी वेगवेगळ्या भाज्यांचे सेवन करणे फार आवश्यक आहे. भाजी, आमटी किंवा इतर वेगवेगळे पदार्थ बनवण्यासाठी कांद्याचा वापर केला जातो. कांद्याच्या वापराशिवाय पदार्थाला चांगली चव लागत नाही. आज आम्ही तुम्हाला जेवणात तोंडी लावण्यासाठी कच्च्या कांद्याची चटणी बनवण्याची रेसिपी सांगणार आहोत. या पद्धतीने बनवलेली कांद्याची चटणी चपाती, भाकरी किंवा गरम भातासोबत सुद्धा खाऊ शकता. यापूर्वी तुम्ही खोबऱ्याची चटणी, लसूण चटणी किंवा शेंगदाण्याची चटणी खाल्ली असेल. पण झटपट तयार होणारी कांद्याची चटणी नक्कीच बनवून पहा. कांद्याची चटणी तुम्ही लहान मुलांच्या डब्यात किंवा ऑफिसमच्या डब्यासाठी सुद्धा बनवून नेऊ शकता. चला तर जाणून घेऊया कांद्याची चटणी बनवण्याची सोपी रेसिपी.(फोटो सौजन्य – pinterest)

नाश्त्यामध्ये काहीतरी आरोग्यदायी पदार्थ हवा आहे? मग १० मिनिटांमध्ये झटपट बनवा अंड्याचा पॅनकेक रोल, नोट करा रेसिपी

साहित्य:

• कच्चा कांदा
• लसूण
• हिरवी मिरची
• लाल तिखट
• मीठ
• कोथिंबीर
• तेल

Summer Special : सिजनल फळे शरीरासाठी चांगली; उन्हाळ्यात घरी बनवा रिफ्रेशिंग ‘कलिंगडाचा ज्यूस’, रेसिपी नोट करा

कृती:

• कच्च्या कांद्याची चटणी बनवण्यासाठी सर्वप्रथम, लसूण आणि कच्चा सोलून बारीक चिरून घ्या. कांदा बारीक चिरल्यास चव सुंदर लागेल.
• खलबत्यामध्ये बारीक चिरून घेतलेला कांदा, लसूण, स्वच्छ केलेली कोथिंबीर, हिरव्या मिरच्या घालून बारीक कुटून घ्या.
• चटणी खलबत्यामध्ये कुटून बनवल्यास चव चांगली लागते आणि सर्व साहित्य व्यवस्थित मिक्स होण्यास मदत होते.
• त्यानंतर त्यात दोन ते तीन चमचे तेल, चवीनुसार मीठ आणि लाल तिखट घालून पुन्हा एकदा बारीक करा.
• तयार आहे सोप्या पद्धतीमध्ये बनवलेली कच्च्या कांद्याची चविष्ट चटणी.