५ मिनिटांमध्ये हिरव्यागार मिरच्यांपासून बनवा चटपटीत झणझणीत लोणचं, वरण भाताला येईल रंगतदार चव

झणझणीत पदार्थ खाण्याची इच्छा झाल्यास तुम्ही ५ मिनिटांमध्ये हिरव्या मिरचीचं लोणचं बनवू शकता. हिरव्या मिरचीचं लोणचं कोणत्याही पदार्थासोबत अतिशय सुंदर लागते. जाणून घ्या रेसिपी.

जेवणाच्या ताटात जर लोणचं असेल तर चार घास जास्त जातात. आंबट गोड तिखट चवीचे लोणचं खायला सगळ्यांचं खूप जास्त आवडत. लोणचं पाहिल्यानंतर अनेकांच्या तोंडाला पाणी सुटते. आंब्याचे लोणचं, गोड लोणचं, लिंबाचं लोणचं इत्यादी अनेक वेगवेगळ्या प्रकारची लोणची बनवली जातात. पण कायमच आंबट लोणचं खाऊन कंटाळा आल्यानंतर काहींना काही झणझणीत खाण्याची इच्छा होते. अशावेळी तुम्ही हिरव्यागार मिरच्यांपासून ५ मिनिटांमध्ये लोणचं बनवू शकता. जेवणाच्या ताटात मिरचीचं लोणचं असेल तर वरण भात अतिशय सुंदर लागतो. मिरचीच्या लोणच्यामुळे तोंडाची चव वाढते. कायमच बाजारात विकत मिळणारी लोणचं आणण्यापेक्षा घरी बनवलेले लोणचं चवीला अतिशय सुंदर लागते. विकतच्या लोणच्यात आंबटपणा वाढवण्यासाठी व्हिनेगरचा वापर केला जातो. पण आज आम्ही तुम्हाला कोणत्याही विकतच्या पदार्थांचा वापर न करता झणझणीत मिरचीचे लोणचं बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य – istock)

जेवणाला येईल चटकदार चव! रात्रीच्या जेवणासाठी पारंपरिक सारस्वत स्टाइलने बनवा आंबट बटाटा, चार घास जातील जास्त

साहित्य:

• हिरव्या मिरच्या
• जिरं
• मोहरी
• मेथी दाणे
• मोहरीचे तेल
• हिंग
• काळे मीठ
• लाल मिरची
• गूळ पावडर
• धणे पावडर
• पाणी

दिवसाची सुरुवात होईल आनंदी! सकाळच्या नाश्त्यात झटपट बनवा ताकातलं धिरडं, नोट करून घ्या रेसिपी

कृती:

• हिरव्या मिरचीचे झणझणीत लोणचं बनवण्यासाठी सर्वप्रथम, हिरव्या मिरच्या स्वच्छ धुवून घ्या. त्यानंतर मिरच्या पुसून घ्या.
• कढईमध्ये तेल गरम करून त्यात जिरे, मोहरी आणि मेथी दाणे घालून भाजा. त्यानंतर त्यात चिरून घेतलेल्या हिरव्या मिरच्या घाला.
• मिरच्यांचा रंग बदलल्यानंतर त्यात मीठ, हिंग, काळे मीठ, लाल मिरची पावडर, हळद, धने पावडर, जिरे पावडर घालून व्यवस्थित मिक्स करून घ्या.
• त्यानंतर त्यात गुळाची पावडर घाला. एक वाफ आल्यानंतर थोडस पाणी घालून शिजवून घ्या. त्यानंतर गॅस बंद करून घ्या.
• तयार आहे सोप्या पद्धतीमध्ये बनवलेले झणझणीत हिरव्या मिरचीचे लोणचं.