गुढीपाडवा सणाचा गोडवा वाढवण्यासाठी सोप्या पद्धतीमध्ये घरीच बनवा बदाम केशर श्रीखंड, नोट करून घ्या रेसिपी

आज आम्ही तुम्हाला सोप्या पद्धतीमध्ये बदाम केशर श्रीखंड बनवण्याची सोपी रेसिपी सांगणार आहोत. या पद्धतीमध्ये बनवलेले श्रीखंड दोन ते तीन दिवस व्यवस्थित टिकून राहते. चला तर जाणून घेऊया रेसिपी.

हिंदू नवीन वर्षात येणारा पहिला सण म्हणजे गुढीपाडवा. मोठ्या आनंदात आणि ढोल ताशांच्या गजरात मराठी सण साजरा केला जातो. घरात गुढी उभारून पूजा केली जाते. त्यानंतर गुढीला गोड पदार्थांचा नैवेद्य दाखवला जातो. मराठमोळ्या सणांच्या दिवशी पुरणपोळीचा नैवेद्य कायमच बनवला जातो. तर काही भागांमध्ये श्रीखंड पुरी बनवली जाते. घरात श्रीखंड तयार करणे अनेकांना वेळ खाऊ वाटते. पण नेहमीच बाजारात विकत मिळणारे श्रीखंड आणून खाण्यापेक्षा घरीच श्रीखंड बनवावे. आज आम्ही तुम्हाला सोप्या पद्धतीमध्ये बदाम केशर श्रीखंड बनवण्याची सोपी रेसिपी सांगणार आहोत. या पद्धतीने बनवलेले श्रीखंड दोन ते तीन दिवस व्यवस्थित टिकून राहील. सणावाराच्या दिवसांमध्ये दुधाचे पदार्थ बनवताना मोठ्या प्रमाणावर भेसळ केली जाते. त्यामुळे भेसळ युक्त पदार्थांचे सेवन करण्याऐवजी घरी बनवलेले श्रीखंड खावे. चला तर जाणून घेऊया बदाम केशर श्रीखंड बनवण्याची सोपी रेसिपी.(फोटो सौजन्य – pinterest)

हेल्दी पदार्थाने करा दिवसाची सुरुवात! १० मिनिटांमध्ये झटपट बनवा चविष्ट ब्रोकोली पराठा, नोट करून घ्या रेसिपी

साहित्य:

• दही
• पिठीसाखर
• वेलची पावडर
• बदाम
• केशर

Summer Special : सीजनच्या कैऱ्या आल्या बाजारात, वेळ कसली पाहता आजच घरी बनवा आंबट-गोड चवीचा ‘मुरांबा’

कृती:

• बदाम केशर श्रीखंड बनवण्यासाठी सर्वप्रथम, टिश्यू पेपरमध्ये केशर काड्या घेऊन तव्यावर हलक्याशा गरम करून घ्या. त्यानंतर वाटीमध्ये थोडस दूध टाकून त्यात केशर काड्या भिजवून ठेवा.
• कॉटनच्या सुती कपड्यावर दही ओतून गाठ मारून घ्या आणि त्यातील पाणी काढून घ्या. त्यानंतर हाताने दाब देऊन किंवा काहीवेळ जड वस्तू खाली दही ठेवून त्यातील पाणी पूर्णपणे काढून घ्या.
• चाळणीमध्ये तयार केलेल्या चक्का टाकून चमच्याने गाळून घ्या. यामुळे दह्यातील गुठळ्या फुटून जातील आणि एकसमान होतील.
• तयार केलेले मिश्रण चमच्याने व्यवस्थित मिक्स करून झाल्यानंतर त्यात चवीनुसार पिठीसाखर आणि वेलची पावडर घालून मिक्स करा.
• त्यानंतर त्यात केशरचे दूध आणि बदामाचे तुकडे घालून श्रीखंड व्यवस्थित मिक्स करा.
• तयार आहे सोप्या पद्धतीमध्ये बनवलेले बदाम केशर श्रीखंड.