Ganeshotsav 2026: कमी साहित्यात गणपती बाप्पासाठी बनवा बेसन मावा मोदक, पारंपरिक मोदकाला द्या शाही ट्विस्ट

Ganeshotsav 2026: आज आम्ही तुम्हाला सोप्या पद्धतीमध्ये शाही बेसन मावा मोदक बनवण्याची कृती सांगणार आहोत. हा पदार्थ कमीत कमी साहित्यात झटपट तयार होतो. चला तर जाणून घेऊया शाही बेसन मावा मोदक.

Ganeshotsav 2026: गणपती बाप्पाच्या स्वागताची सगळीकडे जोरदार तयारी केली जात आहे. ११ दिवस सगळीकडे आनंद आणि उत्साहाचे वातावरणात असते. या दिवसांमध्ये बाप्पाच्या नैवेद्यात वेगवेगळे पदार्थ बनवले जातात. उकडीचे मोदक, तळणीचे मोदक, सुका मेवा मोदक इत्यादी वेगवेगळ्या प्रकारचे मोदक बनवले जातात. पण आज आम्ही तुम्हाला लाडक्या बाप्पासाठी शाही बेसन मावा मोदक बनवण्याची सोपी रेसिपी सांगणार आहोत. हे मोदक दोन ते तीन आठवडे व्यवस्थित टिकून राहतात. सणावारांच्या दिवसांमध्ये सगळ्यांचं खूप जास्त घाई असते. घाईच्या वेळी प्रसादामध्ये नेमकं काय बनवावं, बऱ्याचदा सुचत नाही. अशावेळी वाटीभर बेसन आणि सुका मेवा वापरून झटपट तुम्ही मोदक बनवू शकता. लहान मुलांपासून ते अगदी मोठ्यांपर्यंत सगळ्यांचं मोदक खायला खूप जास्त आवडतात. चला तर जाणून घेऊया लाडक्या बाप्पासाठी शाही बेसन मावा मोदक बनवण्याची सोपी रेसिपी.(फोटो सौजन्य – pinterest)

Ganeshotsav 2026 : गणेशाच्या नैवेद्यासाठी बनवा हेल्दी आणि टेस्टी ‘ड्रायफ्रुट्स मोदक’, काही मिनिटांची रेसिपी

साहित्य:

• बेसन
• मावा
• पिठीसाखर
• तूप
• दूध
• केशर
• वेलची पावडर
• डेसिकेटेड कोकोनट
• सुका मेवा

Beetroot Oats Appe: बीट खायला अजिबात आवडत नाही? मग रक्त वाढवण्यासाठी सोप्या पद्धतीमध्ये बनवा बीट ओट्स आप्पे, नोट करा रेसिपी

कृती:

• बेसन मावा मोदक बनवण्यासाठी सर्वप्रथम, कढईमध्ये तूप गरम करून त्यात वाटीभर बेसन घालून मंद आचेवर लालसर होईपर्यंत भाजून घ्या. बेसनला तूप सुटेपर्यंत भाजा.
• भाजून घेतलेल्या बेसनमध्ये साखर, केशर दूध आणि वेलची पावडर घालून व्यवस्थित मिक्स करा. सर्व साहित्य चमच्याने सतत ढवळत राहा.
• वाटीमध्ये बारीक करून घेतलेला सुका मेवा, मावा, वेलची पावडर, डेसिकेटेड कोकोनट आणि थोडी पिठीसाखर घालून व्यवस्थित मिक्स करा.
• मोदकाच्या साच्याला आतून तूप लावून घ्या. त्यानंतर बेसनाचे मिश्रण एकसमान साच्यात पसरवून त्यामध्ये सुक्या मेव्याचे मिश्रण भरून मोदक व्यवस्थित बंद करा.
• तयार केलेल्या मोदकांना सोन्याचा किंवा चांदीचा वर्ख लावून सजावट करा.
• तयार आहेत गणपती बाप्पासाठी बनवलेले शाही बेसन मावा मोदक.