उष्णतेमुळे शरीराची कमी झालेली रोगप्रतिकारशक्ती वाढवण्यासाठी घरी बनवा थंडगार कलिंगडचे सरबत

उन्हाळा वाढल्यानंतर सतत कोल्ड्रिंक पिण्याऐवजी फळांच्या रसाचे सेवन करावे. म्हणून आज आम्ही सोप्या पद्धतीमध्ये कलिंगडचे सरबत बनवण्याची सोपी रेसिपी सांगणार आहोत.

उन्हाळ्याच्या दिवसांमध्ये शरीराला थंडाव्याची आवश्यकता असते. थंड पदार्थांचे सेवन केल्यामुळे शरीरातील उष्णता कमी होऊन जाते. याशिवाय ऊन वाढल्यानंतर शरीरातील पाण्याची पातळी कमी होते आणि शरीराची रोगप्रतिकारशक्ती पूर्णपणे कमकुवत होऊन जाते. अशावेळी आहारात कलिंगडचे सेवन करावे. मात्र नेहमीच नुसताच कलिंगड खाऊन कंटाळा आल्यानंतर काहींना काही नवीन खाण्याची किंवा पिण्याची इच्छा होते, अशावेळी तुम्ही सोप्या पद्धतीमध्ये कलिंगडचे सरबत बनवू शकता. यामुळे शरीराची रोगप्रतिकारशक्ती वाढेल आणि आरोग्य सुधारण्यास मदत होईल. उन्हाळ्यात शरीर आतून थंड ठेवण्यासाठी कलिंगड खाणे उत्तम पर्याय आहे. चला तर जाणून घेऊया कलिंगड सरबत बनवण्याची सोपी रेसिपी.(फोटो सौजन्य – iStock)

यंदाच्या विकेंडला घरी बनवा कोल्हापूर स्टाईल सुक्कं मटण; पाहता क्षणीच तोंडाला पाणी सुटेल

साहित्य:

• गोंड कतिरा
• कलिंगड
• काळे मीठ
• लिंबाचा रस
• साखर
• पुदिन्याची पाने
• बर्फाचे तुकडे
• कलिंगडचे तुकडे

आलू पराठा खाऊन कंटाळा आला असेल तर सोप्या पद्धतीमध्ये बनवा कांद्याचा चविष्ट पराठा, नोट करून घ्या रेसिपी

कृती:

• कलिंगड सरबत बनवण्यासाठी सर्वप्रथम, वाटीमध्ये गोंड कतिरा घेऊन पाण्यात भिजत ठेवा.
• मिक्सरच्या भांड्यात कलिंगड टाकून बारीक वाटा आणि गाळून घ्या. बारीक करताना त्यात पाणी घालू नये.
• काचेच्या ग्लास बर्फाचे तुकडे, भिजवलेला गोंड कतिरा, मध, पुदिन्याची बारीक केलेली पाने आणि लिंबाचा रस टाकून मिक्स करा.,
• वरून कलिंगडचा रस ओतून त्यात काळे मीठ टाका. तुमच्या आवडीनुसार तुम्ही त्यात सब्जा टाकू शकता.
• तयार आहे सोप्या पद्धतीमध्ये बनवलेले कलिंगडचे सरबत.