दूध, खव्याचा वापर न करता उपवासासाठी बनवा खोबरं शेंगदाण्याची बर्फी! १५ दिवस व्यवस्थित टिकून राहील पदार्थ

उपवासाच्या दिवशी घरात विविध पदार्थ बनवले जातात. पण कायमच तेलकट पदार्थ खाऊन कंटाळा आल्यास झटपट तुम्ही खोबर शेंगदाण्याची बर्फी बनवू शकता. हा पदार्थ सगळ्यांचं खूप जास्त आवडेल आणि चव सुद्धा मस्त लागेल.

श्रावण महिना सणांचा महिना म्हणून ओळखला जातो. याच महिन्यात विविध मराठमोळे सण असतात. उपवासाच्या दिवशी घरात विविध पदार्थ बनवले जातात. साबुदाण्याची खीर तर कधी साबुदाणा थालीपीठ बनवले जाते. पण नेहमीच तेलकट पदार्थ खाऊन कंटाळा आल्यानंतर काहींना काही हेल्दी आणि झटपट तयार होणारा पदार्थ महिला शोधत असतात. अशावेळी तुम्ही सोप्या पद्धतीमध्ये सुकं खोबर शेंगदाण्याची बर्फी बनवू शकता. हा पदार्थ घरातील सगळ्यांचं खूप जास्त आवडेल आणि चव सुद्धा मस्त लागेल. शेंगदाणे शरीरासाठी खूप जास्त फायदेशीर ठरतात. दैनंदिन आहारात शेंगदाण्याचे सेवन केल्यास शरीराला तात्काळ ऊर्जा मिळ्वण्यासोबतच आरोग्य सुद्धा चांगले राहील. उपवासाच्या दिवशी शरीराला तात्काळ ऊर्जा मिळावी म्हणून शेंगदाण्याची बर्फी तुम्ही खाऊ शकता. यामुळे पोट भरलेले राहील आणि लवकर भूक लागणार नाही. चला तर जाणून घेऊया खोबर शेंगदाणा बर्फी बनवण्याची सोपी रेसिपी.(फोटो सौजन्य – pinterest)

श्रावणातील सणांसाठी १० मिनिटांमध्ये बनवा भाजलेल्या चण्यांचे मलाईदार पेढे, विकतचे गोड पदार्थ खाणे कायमचे जाल विसरून

साहित्य:

• गूळ
• शेंगदाणे
• सुक खोबर
• तूप
• सुका मेवा

Recipe : साध्या चपातीला बनवा चवदार, तुम्ही कधी खाल्ली आहे का ‘मिस्सी रोटी’? , रेसिपी नोट करा

कृती:

• खोबरं शेंगदाण्याची बर्फी बनवण्यासाठी सर्वप्रथम, सुक खोबर किसून घ्या. अन्यथा खोबऱ्याचे बारीक तुकडे करून मिक्सरमधून सुद्धा खोबर बारीक करू शकता.
• पॅन गरम करून त्यात शेंगदाणे घाला आणि मंद आचेवर लालसर होईपर्यंत भाजून घ्या. त्यानंतर शेंगदाणे काढून थंड करण्यासाठी ठेवा.
• त्याच पॅनमध्ये किसून घेतलेलं खोबर घालून लालसर होईपर्यंत भाजून घ्या. भाजून घेतलेल्या शेंगदाण्याची साल काढून मिक्सरमध्ये बारीक वाटून घ्या.
• वाटून घेतलेला शेंगदाण्याचा कूट खोबऱ्याच्या मिश्रणात टाकून व्यवस्थित मिक्स करून घ्या आणि हाताने मिक्स करा.
• कढईमध्ये गूळ आणि पाणी घालून पाक तयार करा. पाक तयार करताना त्यात वेलची पावडर घाला.
• तयार केलेल्या मिश्रणात भाजून घेतलेला सुका मेवा घालून व्यवस्थित मिक्स करा. तयार केलेल्या पाकात खोबऱ्याचे मिश्रण घालून व्यवस्थित मिक्स करा.
• तूप लावून घेतलेल्या ताटात तयार केलेले मिश्रण ओतून एकसमान पसरवून घ्या आणि वरून सुक्या गुलाबाच्या पाकळ्या, सुका मेवा घाला.
• १० ते १५ मिनिटं ठेवल्यानंतर तुमच्या आवडीनुसार वड्या करून घ्या.
• तयार आहे झटपट बनवलेली खोबर शेंगदाण्याची बर्फी.