कार्तिकी एकादशीच्या उपवासानिमित्त १० मिनिटांमध्ये बनवा शेंगदाण्याचे चविष्ट लाडू, नोट करून घ्या पारंपरिक रेसिपी

उपवासाच्या दिवशी कायमच साबुदाणे खाल्ले जातात. पण आज आम्ही तुम्हाला १० मिनिटांमध्ये शेंगदाण्याचे पौष्टिक लाडू बनवण्याची सोपी रेसिपी सांगणार आहोत. हा पदार्थ लहान मुलांसह मोठ्यांना खूप जास्त आवडेल.

कायमच आषाढी एकादशी आणि कार्तिकी एकादशीचा उपवास न चुकता केला जातो. उपवासाच्या दिवशी कायमच साबुदाणा खिचडी, बटाट्याची भाजी, वरीचा भात इत्यादी ठराविक पदार्थ कायमच बनवले जातात. पण उपाशी पोटी साबुदाण्याचे सेवन केल्यास पचनक्रिया बिघडण्याची शक्यता असते. म्हणूनच आज आम्ही तुम्हाला उपवासानिमित्त शेंगदाण्याचे पौष्टिक लाडू बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांच्या आरोग्यासाठी अतिशय गुणकारी आहे. उपवासाच्या दिवशी शेंगदाणे आणि गूळ आवडीने खाल्ले जाते. शेंगदाणे खाल्यामुळे शरीराला भरमसाट फायदे होतात. वाढत्या वयात हाडांमध्ये वाढलेल्या वेदना आणि सांधेदुखीपासून आराम मिळवण्यासाठी शेंगदाण्याचे सेवन केले जाते.शेंगदाण्यांमध्ये भरपूर प्रमाणात लोह आढळून येते, ज्यामुळे रक्ताची कमतरता भरून निघते. सकाळी उठल्यानंतर नियमित एक लाडू खाल्ल्यास हाडांच्या वेदनांपासून आराम मिळेल आणि शरीर कायमच हेल्दी राहील. चला तर जाणून घेऊया शेंगदाण्याचे पौष्टिक लाडू बनवण्याची सोपी रेसिपी.(फोटो सौजन्य – pinterest)

Weekend Special : सुगंधित अन् मसालेदार… अवघ्या 30 मिनिटांतच बनवा मंगलोरीयन स्टाईल ‘चिकन घी रोस्ट’

साहित्य:

• शेंगदाणे
• गूळ
• तूप
• वेलची पावडर
• सुका मेवा

Egg Recipe : तुम्ही कधी अंडा तवा फ्राय खाल्ला आहे का? नसेल तर ही आगळीवेगळी झणझणीत रेसिपी कुटुंबाला नक्की खाऊ घाला

कृती:

• शेंगदाण्याचे लाडू बनवण्यासाठी सर्वप्रथम, तवा गरम करून त्यावर शेंगदाणे लाल होईपर्यंत भाजून घ्या. भाजलेले शेंगदाणे थंड होण्यासाठी ठेवा.
• शेंगदाणे थंड झाल्यानंतर त्यांची साल काढून मिक्सरच्या भांड्यात टाका आणि जाडसर बारीक वाटून घ्या.
• कढईमध्ये तूप गरम करून त्यात किसून घेतलेला गूळ घाला आणि चमच्याने सतत मिक्स करून गूळ पूर्णपणे वितळवून घ्या.
• त्यानंतर त्यात तयार केलेला शेंगदाण्याचा कूट, वेलची पावडर आणि बारीक केलेला सुका मेवा घालून व्यवस्थित मिक्स करा.
• मिश्रण हलकेसे थंड झाल्यानंतर हातांना तूप लावून लाडू बनवून घ्या. तयार केलेले लाडू काहीवेळ थंड होण्यासाठी ठेवा.
• तयार आहेत सोप्या पद्धतीमध्ये बनवलेले शेंगदाण्याचे लाडू. हे लाडू सकाळी उठल्यानंतर नियमित खाल्ल्यास रक्ताची कमतरता दूर होईल.