बिस्कीट खाऊन कंटाळा आला आहे? मग लहान मुलांसाठी सकाळच्या नाश्त्यात बनवा चवदार रोटी पिझ्झा

लहान मुलांना सतत चपाती खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते. अशावेळी तुम्ही मुलांसाठी चपातीपासून रोटी पिझ्झा बनवू शकता. चला तर जाणून घेऊया रेसिपी.

सकाळच्या नाश्त्यात मोठ्यांसह लहान मुलांना नाश्त्यामध्ये काय द्यावं? हा प्रश्न सर्वच महिलांना पडतो. अशावेळी अनेकदा मुलांना दूध बिस्कीट किंवा चहासोबत बिस्कीट खाण्यास दिले जाते. पण जास्त बिस्किटांचे सेवन करणे आरोग्यासाठी हानिकारक आहे. यामुळे पचनासंबंधित समस्या उद्भवण्याची शक्यता असते. त्यामुळे मुलांना जास्त प्रमाणात बिस्कीट खाण्यास देऊ नये. घरी बनवलेली चपाती भाजी खाण्यास मुलं बऱ्याच वेळा नकार देतात. सतत चपाती भाजी खाऊन कंटाळा आल्यानंतर मुलांना काहींना काही नवीन पदार्थ खाण्याची इच्छा होते. अशावेळी तुम्ही मुलांना रोटी पिझ्झा बनवून देऊ शकता. घरगुती पदार्थांचा वापर करून बनवलेला पिझ्झा लहान मुलांसह मोठ्यांसुद्धा नक्की आवडेल. सतत बाजारात विकत मिळणाऱ्या पदार्थांचे सेवन करण्याऐवजी घरी बनवलेल्या पौष्टिक पदार्थांचे सेवन करावे. यामुळे आरोग्याला अनेक फायदे होतात. चला तर जाणून घेऊया रोटी पिझ्झा बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• चपाती
• पिझ्झा सॉस
• कांदा
• टोमॅटो
• शिमला मिरची
• ओरेगॅनो
• चिली फ्लेक्स
• मोझेरेला चीज
• मक्याचे दाणे
• पनीर
• चीज
• बटर

नवनवीन रेसिपीसाठी इथे क्लिक करा

कृती:

• पोटी पिझ्झा बनवण्यासाठी सर्वप्रथम, तव्यावर चपाती व्यवस्थित कुरकुरीत भाजून घ्या.
• त्यानंतर मोठ्या वाटीमध्ये बारीक चिरून घेतलेला कांदा, टोमॅटो, शिमला मिरची, मक्याचे दाणे इत्यादी सर्व पदार्थ व्यवस्थित मिक्स करा.
• त्यानंतर त्यात ओरेगॅनो,चिली फ्लेक्स आणि चवीनुसार मीठ टाकून मिक्स करून घ्या.
• भाजून घेतलेल्या चपातीवर पिझ्झा सॉस आणि टोमॅटो सॉस टाकून व्यवस्थित पसरवून घ्या.
• त्यानंतर वरून सर्व मिक्स करून घेतलेल्या भाज्या टाकून चीझ आणि मोझेरेला चीज टाकून पसरवा.
• चवीसाठी वरून चिली फ्लेक्स आणि ओरेगॅनो टाकून पिझ्झा पॅनवर गरम होण्यासाठी ठेवा.
• तयार आहे सोप्या पद्धतीमध्ये बनवलेला रोटी पिझ्झा.