वाढलेले वजन कमी करण्यासाठी संध्याकाळच्या नाश्त्यात बनवा हाय प्रोटीन सॅलड, नोट करून घ्या रेसिपी

वाढलेले वजन कमी करण्यासाठी आहारात कोणत्याही तेलकट पदार्थांचे सेवन करण्याऐवजी हेल्दी आणि टेस्टी पदार्थांचे सेवन करावे. यामुळे शरीराला अनेक फायदे होतात. चला तर जाणून घेऊया हाय प्रोटीन सॅलड बनवण्याची कृती.

वजन वाढल्यानंतर शरीराला हानी पोहचण्याची शक्यता असते. वजन वाढल्यानंतर शरीरावर अनावश्यक चरबी वाढू लागते. या चरबीमुळे मधुमेह,. कोलेस्ट्रॉल वाढणे, उच्च रक्तदाब इत्यादी अनेक गंभीर समस्या उद्भवू लागतात. या समस्या उद्भवू लागल्यानंतर बऱ्याचदा शरीराकडे दुर्लक्ष केले जाते. मात्र दुर्लक्ष न करता वाढलेले वजन कमी करण्यावर भर द्यावा. वजन वाढल्यानंतर आरोग्यासंबंधित अनेक समस्या उद्भवू लागतात. अनेक महिला प्रोटीनशेक, बाजारात उपलब्ध असलेले महागडे डाएट इत्यादी अनेक गोष्टी केल्या जातात. मात्र तरीसुद्धा वाढलेले वजन कमी होत नाही. तर काही लोक सकाळचा आणि संध्याकाळचा नाश्ता करणे टाळतात. पण असे न करता नाश्ता करणे आवश्यक आहे. म्हणूनच आज आम्ही तुम्हाला वाढलेले वजन कमी करण्यासाठी हाय प्रोटीन सॅलड बनवण्याची सोपी रेसिपी सांगणार आहोत.(फोटो सौजन्य – iStock)

ब्रेडचा वापर न करता १० मिनिटांमध्ये बनवा कुरकुरीत रव्याचे सँडविच, घाईगडबडीमध्ये झटपट तयार होईल पदार्थ

साहित्य:

• काकडी
• उकडलेले चणे
• टोमॅटो
• कांदा
• हरभरे
• दही
• लिंबाचा रस
• कोथिंबीर
• पुदिन्याची पाने
• काळीमिरी पावडर
• मीठ
• चाट मसाला

डाळ खाऊन कंटाळा आला आहे? ओल्या खोबऱ्याचे वाटण लावून झटपट बनवा चविष्ट दह्यातले पालक, नोट करून घ्या रेसिपी

कृती:

• हाय प्रोटीन सॅलड बनवण्यासाठी सर्वप्रथम, काकडी स्वच्छ धुवून बारीक तुकडे करून घ्या. यासोबतच कांदा, टोमॅटोसुध्दा बारीक करून घ्या.
• मोठ्या वाटीमध्ये बारीक करून घेतलेली काकडी, कांदा, टोमॅटो, शिजवलेले हरभरे, काळे चणे, राजमा आणि मूग, मटकी घालून व्यवस्थित मिक्स करा.
• त्यानंतर त्यात लिंबाचा रस, पुदिन्याची पाने, कोथिंबीर घालून व्यवस्थित मिक्स करा.
• नंतर त्यात चाट मसाला, चवीनुसार मीठ घालून व्यवस्थित मिक्स करा. तयार आहे सोप्या पद्धतीमध्ये बनवलेले हाय प्रोटीन सॅलड.
• कडधान्य आणि पौष्टिक भाज्यांचा वापर करून बनवलेले सॅलड वाढलेले वजनच नाहीतर आरोग्य निरोगी ठेवण्यासाठी सुद्धा मदत करते.