हिवाळ्यात सकाळच्या नाश्त्यासाठी सोप्या पद्धतीमध्ये बनवा गरमागरम धिरडे, वाचा सोपी रेसिपी

सकाळी उठल्यानंतर नाश्त्यामध्ये काय बनवावं सुचत नाही. मग अशावेळी नाश्त्यासाठी सोप्या पद्धतीमध्ये आणि कमीत कमी साहित्यामध्ये बनवा तांदळाच्या पिठाचे धिरडे. चला तर जाणून घेऊया रेसिपी.

रविवार म्हणजे सुट्टीचा वार. यादिवशी कुटुंबातील सर्व लोक घरी असतात. अशावेळी सकाळच्या नाश्त्यासाठी नेमकं काय बनवावं? हे सुचत नाही. घरातील प्रत्येक वेगवेगळा नाश्त्यातील पदार्थ लागतो. त्यामुळे नाश्त्यात नेमकं काय करावं हे सुचत नाही. त्यामुळे आज आम्ही तुम्हाला सकाळच्या नाश्त्यासाठी एक सोपी रेसिपी सांगणार आहोत. हा पदार्थ कमीत कमी साहित्यामध्ये झटपट तयार होतो. बऱ्याचदा घरी असल्यानंतर नाश्त्यामध्ये कांदापोहे, उपमा, शिरा, थालीपीठ किंवा आंबवलेल्या पदार्थांमध्ये इडली डोसा बनवला जातो. पण सतत इडली किंवा डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं निर्माण होते. अशावेळी तुम्ही नाश्त्यामध्ये धिरडे बनवू शकता. धिरडे बनवण्यासाठी खूप कमी साहित्य लागत. शिवाय हा पदार्थ घरातील सगळ्यांना नक्की आवडेल. चला तर जाणून घेऊया धिरडे बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• तांदळाचे पीठ
• दही
• कांदा
• मीठ
• तेल
• पाणी
• रवा
• हिरवी मिरची
• साखर

नवनवीन रेसिपीसाठी इथे क्लिक करा

कृती:

• धिरडे बनवण्यासाठी सर्वप्रथम, मोठ्या टोपामध्ये चाळून घेतलेले तांदळाचे पीठ घेऊन त्यात कांदा मिक्स करून घ्या.
• नंतर त्यात रवा, दही, बारीक चिरून घेतलेली हिरवी मिरची, चवीनुसार मीठ, साखर टाकून व्यवस्थित मिक्स करून घ्या.
• नंतर त्यात आवश्यकतेनुसार पाणी घालून मिश्रण तयार करा. यामध्ये जास्त पाणी घालू नये.
• तयार केलेले पीठ 5 ते6 तास ठेवल्यानंतर आंबले जाईल. आंबवलेल्या पिठाचे धिरडे चवीला छान लागतात.
• गॅसवर पॅन गरम करायला ठेवावा. पॅन गरम झाल्यानंतर त्यात थोडंसं तेल टाकून सगळीकडे व्यवस्थित पसरवून घ्या.
• तयार मिश्रण पॅनवर टाकून दोन्ही बाजूने धिरडे व्यवस्थित भाजा.
• तयार आहेत सोप्या पद्धतीमध्ये बनवलेले तांदळाच्या पिठाचे धिरडे.