थंडीमध्ये सकाळच्या नाश्त्यासाठी बनवा बीटरूटचा पौष्टिक चिला, पोट राहील दीर्घकाळ भरलेले

सकाळच्या नाश्त्यामध्ये नेमका काय पदार्थ बनवावा? सुचत नाही. अशावेळी तुम्ही नाश्त्यात बीटरूट चिला बनवू शकता. बीटरूट चिला आरोग्यासाठी अतिशय पौष्टीक आणो गुणकारी आहे. चला तर जाणून घेऊया चिला बनवण्याची सोपी रेसिपी.

बीटचा चिला बनवण्याची सोपी रेसिपी

Follow Us:

Follow Us:

सकाळच्या वेळी सगळ्यांचं पौष्टिक आणि आरोग्यदायी नाश्ता हवा असतो. नाश्त्यामध्ये अनेकदा घरात पोहे, उपमा, शिरा किंवा इडली डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये बीटरूट चिला बनवू शकता. बीट खाणे आरोग्यासाठी अतिशय पौष्टीक आहे. पण सहसा लहान मुलांपासून मोठ्यांपर्यंत अनेकांना बीट खायला आवडत नाही. तुरट चवीचे बीट खाण्यास नकार दिला जातो. पण बीट खाल्यामुळे शरीरातील लोहाची कमतरता दूर होते आणि रक्त वाढण्यास मदत होते. बीटमध्ये अनेक पोषक घटक आढळून येतात. त्यामुळे नियमित जेवणात किंवा नाश्त्यामध्ये बीटचे सॅलड किंवा इतर पदार्थ बनवून खावेत. बीट खाण्यास लहान मुलांनी नकार दिल्यानंतर तुम्ही त्यांना बीटचा चिला बनवून देऊ शकता. चला तर जाणून घेऊया बीटचा चिला बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे किल्क करा

साहित्य:

• बीट
• मीठ
• बेसन
• हिरवी मिरची
• कोथिंबीर
• आलं
• लाल तिखट
• जिरे पावडर
• रवा
• पाणी
• तेल

नवनवीन रेसिपीसाठी इथे किल्क करा

कृती:

• बीटचा चिला बनवण्यासाठी सर्वप्रथम, बीटरूट स्वच्छ धुवून साल काढून बारीक किसून घ्या.
• टोपामध्ये किसून घेतलेला बीट, बारीक चिरलेली हिरवी मिरची, चवीनुसार मीठ, जिरे पावडर टाकून मिक्स करून घ्या.
• नंतर त्यात बेसन, रवा, लाल तिखट, कोथिंबीर टाकून मिक्स करा. त्यानंतर त्यात आवश्यकतेनुसार पाणी घालून मिक्स करून घ्या.
• चिला बनवण्यासाठी पॅन गरम करायला ठेवा. त्यानंतर त्यात तेल टाकून पसरवा. नंतर त्यात तयार केलेले मिश्रण टाकून सगळीकडून पसरवून घ्या.
• दोन्ही बाजूने व्यवस्थित भाजून झाल्यानंतर तयार आहे सोप्या पद्धतीमध्ये बनवलेला बीटरूट चिला.

Web Title: How to make beetroot chilla at home morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com