१० मिनिटांमध्ये साखरेचा वापर न करता झटपट बनवा मोरावळा, नियमित सेवन केल्यास शरीराची वाढेल रोगप्रतिकारशक्ती

थंडीत आवळ्याचे सेवन केले जाते. आज आम्ही तुम्हाला सोप्या पद्धतीमध्ये मोरावळा बनवण्याची सोपी रेसिपी सांगणार आहोत. हा पदार्थ सकाळी उठल्यानंतर खाल्ल्यास शरीराला भरपूर ऊर्जा मिळेल.

लहान मुलांपासून अगदी मोठ्यांपर्यंत सगळ्यांचं आवळा खायला खूप जास्त आवडतो. आवळ्याचे नाव ऐकल्यानंतर काहींच्या तोंडाला पाणी सुटते. चटकदार आवळ्यापासून अनेक वेगवेगळे पदार्थ बनवले जातात. थंडीच्या दिवसांमध्ये बाजरात मोठ्या प्रमाणावर आवळे उपलब्ध असतात. कच्च्या आवळ्याचे सेवन केल्यामुळे शरीराला भरमसाट फायदे होतात. थंडीत शरीराची कमकुवत झालेली रोगप्रतिकारशक्ती सुधारण्यासाठी आवळ्याचे सेवन करण्याचा सल्ला दिला जातो. यामुळे तुम्ही दीर्घकाळ निरोगी राहता. आज आम्ही तुम्हाला सोप्या पद्धतीमध्ये साखरेचा वापर न करता मोरावळा बनवण्याची सोपी रेसिपी सांगणार आहोत. सकाळी उठल्यानंतर एक मोरावळा खाल्ल्यास संपूर्ण दिवसभरात शरीरात ऊर्जा टिकून राहील आणि थकवा, अशक्तपणा जाणवणार नाही. चला तर जाणून घेऊया मोरावळा बनवण्याची सोपी कृती.(फोटो सौजन्य – istock)

डब्यात कायम त्याच ठराविक भाज्या खाऊन कंटाळा आला असेल तर झटपट बनवा गवारीचा झणझणीत ठेचा, नोट कर चटकदार रेसिपी

साहित्य:

• आवळा
• गूळ
• वेलची पावडर
• लवंग
• तूप

गरमागरम पदार्थांनी करा दिवसाची सुरुवात! १० मिनिटांमध्ये बनवा गाजर टोमॅटोचे चविष्ट सूप, नोट करून घ्या रेसिपी

कृती:

• मोरावळा बनवण्यासाठी सर्वप्रथम, आवळे स्वच्छ धुवून घ्या. त्यानंतर इडली पात्रता आवळे ठेवून वाफेवर शिजवा. यामुळे आवळे जास्त मऊ होणार नाही.
• शिजलेले आवळे थंड झाल्यानंतर त्यातील बी काढून घ्या. आवळे शिजल्यानंतर व्यवस्थित मऊ होतात.
  कढई गरम करून त्यात एक ते दोन चमचे तूप घाला. तूप गरम झाल्यानंतर त्यात किसून घेतलेला गूळ घालून व्यवस्थित वितळून घ्या.
• गुळाचा पाक तयार झाल्यानंतर चमच्याने सतत मिक्स करत राहा. यामुळे पदार्थ कढईला चिकटणार नाही.
• तयार केलेल्या गुळाच्या पाकात लवंग आणि वेलची पावडर घालून व्यवस्थित मिक्स करून घ्या. त्यानंतर शिजवून घेतलेले आवळे घालून व्यवस्थित मिक्स करा.
• तयार आहेत सोप्या पद्धतीमध्ये बनवलेले गुळाच्या पाकातील आवळे.