वाढत्या थंडीत शरीराची रोगप्रतिकारशक्ती वाढवण्यासाठी १० मिनिटांमध्ये बनवा पौष्टिक अळीवची खीर, नोट करून घ्या रेसिपी

थंडीत शरीराची रोगप्रतिकारशक्ती वाढवण्यासाठी सोप्या पद्धतीमध्ये तुम्ही अळीव खीर बनवू शकता. हा पदार्थ १० मिनिटांमध्ये लगेच तयार होतो. जाणून घ्या अळीव खीर बनवण्याची सोपी रेसिपी.

हिवाळा ऋतूला सुरुवात झाल्यानंतर वेगवेगळ्या पदार्थांपासून गरमागरम खीर बनवली जाते. तांदूळ, गहू, मूग इत्यादी पदार्थांपासून बनवलेली खीर चवीला अतिशय सुंदर लागते. चवीसोबतच शरीरासाठी सुद्धा पौष्टिक ठरते. पण कायमच त्याच ठराविक पदार्थांपासून बनवलेली खीर खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही सोप्या पद्धतीमध्ये अळीवाची खीर बनवू शकता. थंडीच्या दिवसांमध्ये अळीव शरीरासाठी अतिशय फायदेशीर ठरतात. यामुळे शरीरात उष्णता टिकून राहते, रोगप्रतिकारशक्ती वाढते आणि शरीराची ऊर्जा वाढण्यास मदत होते. अळीवामध्ये लोह, कॅल्शियम, विटामिन सी, अँटिऑक्सिडंट्स आणि फायटोएस्ट्रोजेन इत्यादी अनेक घटक मोठ्या प्रमाणावर आढळून येतात. अळीव खाल्ल्यामुळे हिमोग्लोबिनची पातळी वाढते. हाडांमध्ये वाढलेल्या वेदना कमी होतात आणि सांधेदुखीच्या त्रासापासून सुटका मिळते. मासिक पाळीच्या दिवसांमध्ये ओटीपोटात वाढलेल्या वेदनांपासून आराम मिळतो. चला तर जाणून घेऊया अळीव खीर बनवण्याची सोपी रेसिपी.(फोटो सौजन्य – istock)

पारंपरिक पद्धतीमध्ये हिरव्या मुगांपासून बनवा पौष्टिक लाडू, नियमित एक खाल्ल्यास तात्काळ मिळेल शरीराला ऊर्जा

साहित्य:

• अळीव बिया
• दूध
• साखर
• वेलची पावडर
• तूप
• सुका मेवा

अजिबात कडवट होणार नाहीत मेथीचे लाडू! या सोप्या टिप्स फॉलो करून बनवा हेल्दी चविष्ट लाडू, लहान मुलांसह मोठेसुद्धा खातील आवडीने

कृती:

• अळीव खीर बनवण्यासाठी सर्वप्रथम, कढईमध्ये तूप गरम करून त्यात सुका मेवा भाजून घ्या. खमंग भाजून झाल्यानंतर सुका मेवा काढून बाजूला ठेवा.
• कढईमध्ये दोन ग्लास पाणी घालून २ ते ३ चमचा अळीव बिया टाकून व्यवस्थित उकळी काढा.
• अळीव बिया शिजल्यानंतर त्यात साखर घालून मिश्रण व्यवस्थित मिक्स करा. साखर पूर्णपणे वितळवून घेतल्याशिवाय इतर कोणतेही पदार्थ घालू नये.
• त्यानंतर त्यात भाजून घेतलेला सुका मेवा घालून व्यवस्थित मिक्स करा. तयार केलेल्या खीरमध्ये हळूहळू दूध मिक्स करून चमच्याने सतत ढवळत राहा.
• खीरला उकळी आल्यानंतर त्यात वेलची पावडर आणि चमचाभर तूप घालून गॅस बंद करून खीर खाण्यासाठी सर्व्ह करा.
• तयार आहे सोप्या पद्धतीमध्ये बनवलेली अळीव खीर.