हिवाळ्यात शरीरातील ऊबदारपणा कायम टिकवून ठेवण्यासाठी सोप्या पद्धतीने घरी बनवा भोपळ्याचे सूप, नोट करा रेसिपी

थंडीच्या दिवसांमध्ये सकाळच्या नाश्त्यात किंवा इतर वेळी खाण्यासाठी तुम्ही भोपळ्याचे सूप बनवू शकता. हा पदार्थ शरीरसाठी अतिशय प्रभावी आहे. जाणून घ्या भोपळ्याचे सूप बनवण्याची रेसिपी.

राज्यासह संपूर्ण देशभरात थंडीचे वारे वाहू लागले आहेत. थंडीच्या दिवसांमध्ये शरीरात उष्णता कायम टिकवून ठेवणे आवश्यक आहे. कारण वातावरणात होणाऱ्या बदलांचा परिणाम शरीरावर झाल्यानंतर आरोग्य पूर्णपणे बिघडून जाते. थंडीत काहींना वारंवार सर्दी, खोकला, ताप किंवा थकवा- अशक्तपणा वाढून आरोग्य बिघडून जाते. अशावेळी सकाळच्या नाश्त्यात कोणत्याही तेलकट पदार्थ खाण्याऐवजी शरीरात उष्णता कायम टिकवून ठेवणाऱ्या पदार्थांचे सेवन करावे. म्हणूनच आज आम्ही तुम्हाला सोप्या पद्धतीमध्ये भोपळ्याचे सूप बनवण्याची रेसिपी सांगणार आहोत. हा पदार्थ कमीत कमी साहित्यात झटपट तयार होतो. लहान मुलांसह मोठ्यांना भोपळा खायला अजिबात आवडत नाही. भोपळ्याची चव अतिशय पांचट लागते. पण भोपळ्यापासून बनवलेले पदार्थ चवीला अतिशय सुंदर लागतात. भोपळ्याचे सेवन केल्यास शरीरात हायड्रेशन टिकून राहते. पाण्याची कमतरता जाणवत नाही. चला तर जाणून घेऊया भोपळ्याचे सूप बनवण्याची सोपी रेसिपी.(फोटो सौजन्य – istock)

मार्गशीर्षमधील गुरुवारच्या उपवासानिमित्त १० मिनिटांमध्ये बनवा रताळ्याचे वेफर्स, नोट करून घ्या झटपट होणारी रेसिपी

साहित्य:

• भोपळा
• काळीमिरी पावडर
• ऑलिव्ह ऑइल
• कांदा
• लसूण
• फ्रेश क्रीम
• शिजवलेल्या भाज्यांचे पाणी

हिवाळ्यात घरी बनवा चटकदार मुळ्याची चटणी, रेसिपी आहे फार सोपी

कृती:

• भोपळ्याचे सूप बनवण्यासाठी सर्वप्रथम, भोपळ्याची साल काढून बारीक तुकडे करा. भोपळा कापून झाल्यानंतर पाण्याने स्वच्छ धुवून घ्या.
  क
• ढईमध्ये तेल गरम करून त्यात बारीक चिरलेली आलं, लसूण घालून सोनेरी होईपर्यंत शिजवा. त्यानंतर त्यात कांदा घालून लाल सोनेरी होईपर्यंत व्यवस्थित भाजा.
• त्यानंतर त्यात भोपळ्याचे तुकडे घालून मिक्स करा. मध्यम आचेवर ३ ते ४ मिनिटं भोपळा परतवून झाल्यानंतर त्यात शिजवलेल्या भाज्यांचे पाणी घालून व्यवस्थित मिक्स करा.
• उकळी आल्यानंतर त्यात चवीनुसार मीठ आणि काळीमिरी पावडर घालून मिक्स करा. भोपळा व्यवस्थित शिजल्यानंतर गॅस बंद करून थंड होण्यासाठी ठेवा.
• शिजवलेला भोपळा हँड ब्लेंडरच्या मदतीने पूर्णपणे मॅश करा. त्यानंतर आवश्यकता वाटल्यास पाणी घालून पुन्हा एकदा सूपला उकळी काढा.
• सगळ्यात शेवटी तयार केलेल्या सूपमध्ये फ्रेश क्रीम घालून व्यवस्थित मिक्स करा.
• तयार आहे सोप्या पद्धतीमध्ये बनवलेले भोपळ्याचे चविष्ट सूप.