तंदूरशिवाय घरीच बनवा रेस्टॉरंट स्टाईल अमृतसारी पनीर टिक्का, पदार्थ खाल्ल्यानंतर सगळेच करतील कौतुक

घरी आलेल्या पाहुण्यांच्या स्वागतासाठी सोप्या पद्धतीमध्ये तुम्ही अमृतसरी पनीर टिक्का बनवू शकता. हा पदार्थ खाऊन सगळेच तुमचे कौतुक करतील. चला तर जाणून घेऊया रेसिपी.

लहान मुलांपासून ते अगदी मोठ्यांपर्यंत सगळ्यांचं पनीर खायला खूप जास्त आवडते. पनीरचे नाव ऐकल्यानंतर अनेकांच्या तोंडाला पाणी सुटते. शाहाकारी पदार्थ खाणाऱ्या लोकांसाठी पनीर उत्तम मानले जाते. कारण यामध्ये असलेले प्रोटीनयुक्त घटक शरीरासाठी खूप जास्त फायदेशीर ठरतात. त्यामुळे आठवड्यातून एकदा तरी पनीरचे सेवन करावे. हॉटेलमध्ये गेल्यानंतर कायमच तंदूर पनीर किंवा तंदूर चिकन मागवले जाते. पण नेहमीच बाहेरील विकतचे तंदूर आणून खाण्यापेक्षा घरी बनवून खावे. कारण बाजारात विकत मिळणारे तंदूर बनवताना रंगाचा वापर करावा लागतो. हा रंग शरीरासाठी हानिकारक आहे. म्हणूनच आज आम्ही तुम्हाला तंदूर भट्टीचा वापर न करता घरच्या घरी अमृतसारी पनीर टिक्का बनवण्याची सोपी रेसिपी सांगणार आहोत. घरी आलेल्या पाहुण्यांच्या स्वागतासाठी किंवा घरातील पार्टीनिमित्त तुम्ही पनीर टिक्का बनवू शकता. पनीर टिक्का पुदिन्याच्या चटणीसोबत अतिशय सुंदर लागतो. चला तर जाणून घेऊया अमृतसरी पनीर टिक्का बनवण्याची सोपी रेसिपी.(फोटो सौजन्य – AI)

लग्नाच्या पंगतीमधील चमचमीत मसाला भात आता घरीच बनवा, खमंग पदार्थाने वाढेल जेवणाची चव

साहित्य:

• पनीर
• मीठ
• लाल तिखट
• हळद
• शिमला मिरची
• कांदा
• भाजलेलं बेसन
• आलं लसूण पेस्ट
• चाट मसाला
• कसुरी मेथी
• लिंबाचा रस
• दही

कडाक्याच्या उन्हाळ्यात अस्सल कोकणी पद्धतीने बनवा आंबटगोड कैरीची कढी, गरमागरम भातासोबत लागेल चविष्ट

कृती:

• अमृतसारी पनीर टिक्का बनवण्यासाठी सर्वप्रथम, मोठ्या वाटीमध्ये दही घेऊन ते व्यवस्थित फेटून घ्यावे. फेटलेल्या दह्यात भाजलेले बेसन, आले-लसूण पेस्ट, लाल तिखट, हळद आणि चवीनुसार मीठ, चाट मसाला आणि लिंबाचा रस घालून मिक्स करा.
• तयार केलेले मिश्रण व्यवस्थित मिक्स करून घ्या. त्यानंतर त्यात स्वच्छ धुवून घेतलेल्या पनीरचे तुकडे, मध्यम आकारात कापलेला कांदा, शिमला मिरची घालून हलक्या हाताने मिक्स करा.
• पनीर मसाल्यांमध्ये घातल्यानंतर अतिशय हलक्या हाताने मिक्स करावे, अन्यथा पनीरचे बारीक बारीक तुकडे होतील.
• मसाल्यांमध्ये भाज्या ४० ते ४५ मिनिटं मुरण्यासाठी ठेवाव्यात. नॉन-स्टिक तवा गरम करण्यासाठी ठेवा.
• गरम तव्यावर बटर टाकून त्यावर भाज्या आणि पनीरचे तुकडे ठेवून व्यवस्थित भाजावे.
• भाजलेल्या पनीर आणि भाज्यांना स्मोकी फ्लेवर येण्यासाठी कोळसा गरम करून त्यावर बटर टाकावे आणि १० मिनिटं झाकण मारून ठेवा.
• तयार आहे सोप्या पद्धतीमध्ये बनवलेला अमृतसरी पनीर टिक्का.