रेस्टाॅरंट कशाला… घरीच बनवा तोंडाला पाणी आणणारं ‘हरियाली चिकन टिक्का’, पार्टी स्नॅक्ससाठीचा परफेक्ट पर्याय

Hariyali Chicken Tikka Recipe : चिकन टिक्का तर आपण खाल्ला असेल पण आज आम्ही तुम्हाला हरियाली चिकन टिक्काची रेसिपी सांगत आहोत जी चवील लाजवाब लागते. विकेंड स्पेशल तुम्ही घरी ही रेसिपी ट्राय करु शकता.

• चिकन म्हणजे नाॅनव्हेज प्रमींच जीव की प्राण.
• चिकनपासून अनेक पदार्थ बनवले जातात.
• आज आपण चिकन टिक्काची रेसिपी जाणून घेणार आहोत.

भारतीय स्वयंपाकात हिरव्या मसाल्यांचा वापर हा केवळ चवीसाठीच नाही तर आरोग्यासाठीही खूप महत्त्वाचा मानला जातो. हरियाली चिकन टिक्का ही अशीच एक स्वादिष्ट आणि सुगंधी डिश आहे जी कोथिंबीर, पुदिना, हिरव्या मिरच्या आणि दही यांच्या मिश्रणातून तयार केली जाते. या डिशमध्ये मसाल्यांचा तीखटपणा आणि हिरव्या पानांची ताजगी यांचा सुंदर समतोल साधलेला असतो.

गुजरातचा फेमस पदार्थ ‘हांडवो’ तुम्ही कधी खाल्ला आहे का? खमंग चवीचा हा पदार्थ सकाळच्या नाश्त्यासाठी आहे उत्तम पर्याय

ही रेसिपी खास करून पार्टी, गेट-टुगेदर किंवा संध्याकाळच्या स्नॅक्ससाठी उत्तम पर्याय ठरते. बाहेरच्या रेस्टॉरंटमध्ये मिळणाऱ्या  टिक्कापेक्षा ही घरच्या घरी बनवलेली डिश अधिक स्वच्छ, आरोग्यदायी आणि आपल्या चवीनुसार तयार करता येते. तंदूर नसला तरीही तुम्ही ही डिश ओव्हन, एअर फ्रायर किंवा तव्यावर सहज बनवू शकता.

साहित्य :

• 500 ग्रॅम बोनलेस चिकन (मध्यम तुकडे)
• 1 कप दही
• 1 कप कोथिंबीर
• ½ कप पुदिना पाने
• 2-3 हिरव्या मिरच्या
• 1 टेबलस्पून आले-लसूण पेस्ट
• 1 टीस्पून जिरे पावडर
• 1 टीस्पून धने पावडर
• ½ टीस्पून गरम मसाला
• 1 टेबलस्पून लिंबाचा रस
• मीठ चवीनुसार
• 1 टेबलस्पून तेल किंवा बटर

Recipe : मऊ, स्वादिष्ट… सर्वांच्या आवडीची रेस्टॉरंट स्टाईल ‘पनीर नान’ बनवा घरच्या घरी, आजच नोट करा रेसिपी

कृती :

• सर्वप्रथम कोथिंबीर, पुदिना, हिरव्या मिरच्या आणि थोडेसे पाणी घालून मिक्सरमध्ये बारीक पेस्ट तयार करा.
• एका मोठ्या बाउलमध्ये दही घ्या आणि त्यात तयार केलेली हिरवी पेस्ट मिसळा.
• आता त्यात आले-लसूण पेस्ट, जिरे पावडर, धने पावडर, गरम मसाला, मीठ आणि लिंबाचा रस घालून चांगले मिक्स करा.
• चिकनचे तुकडे या मॅरिनेशनमध्ये घालून नीट मिक्स करा आणि किमान 1-2 तास झाकून ठेवा (फ्रिजमध्ये ठेवले तर अधिक चवदार लागते).
• मॅरिनेट केलेले चिकन स्टीकमध्ये (skewers) लावा.
• ओव्हन 180°C वर प्रीहीट करून चिकन 15-20 मिनिटे बेक करा किंवा तव्यावर मध्यम आचेवर शेकून घ्या. मध्ये मध्ये बटर किंवा तेल लावल्यास टिक्का अधिक रसाळ होतो.
• चिकन छान शिजले की गरमागरम हरियाली चिकन टिक्का सर्व्ह करा.
• हरियाली चिकन टिक्का तुम्ही हिरवी चटणी, कांदा आणि लिंबाच्या फोडीसोबत सर्व्ह करू शकता. यासोबत थोडेसे चाट मसाला भुरभुरवल्यास चव आणखी खुलते.
• ही रेसिपी एकदा करून पाहिल्यावर तिचा ताजा, मसालेदार आणि सुगंधी स्वाद नक्कीच तुमच्या आवडीचा बनेल.