Recipe : मऊ, स्वादिष्ट… सर्वांच्या आवडीची रेस्टॉरंट स्टाईल ‘पनीर नान’ बनवा घरच्या घरी, आजच नोट करा रेसिपी

Panner Naan Recipe : मऊ, खमंग तूपात भाजलेला नान लहानांपासून मोठ्यांपर्यंत सर्वांनाच खायला फार आवडतो. आज आपण भट्टीशिवाय तव्यावर लज्जतदार पनीर नान कसा तयार करायचा ते जाणून घेणार आहोत.

(फोटो सौजन्य: Pinterest)

Follow Us:

Follow Us:

• रेस्टॉरंटमध्ये गेल्यावर खमंग तूपात भाजलेला नान आवर्जून ऑर्डर केला जातो.
• नान अनेक प्रकारे बनवला जातो आणि चवीलाही छान लागतो.
• आज आपण पनीर नान घरी कसा तयार करायचा याची रेसिपी जाणून घेणार आहोत.

गुजरातचा फेमस पदार्थ ‘हांडवो’ तुम्ही कधी खाल्ला आहे का? खमंग चवीचा हा पदार्थ सकाळच्या नाश्त्यासाठी आहे उत्तम पर्याय

गरमागरम पनीर नान बटर, दही, पनीर बटर मसाला किंवा कोणत्याही ग्रेव्हीसोबत खायला अप्रतिम लागतो. खास पाहुण्यांसाठी किंवा वीकेंड स्पेशल जेवणासाठी ही एक परफेक्ट डिश आहे. गॅसच्या तुटवड्यामुळे अनेक रेस्टाॅरंटमध्ये निवडक पदार्थ सर्व्ह केला जात आहेत. अशात रेस्टाॅरंटमध्ये कशाला घरीच तुम्ही पनीर नान बनवून खाऊ शकता. चला तर मग, रेस्टॉरंटसारखा पनीर नान बनवण्याची सोपी रेसिपी जाणून घेऊया.

साहित्य:

नानसाठी पीठ:

• 2 कप मैदा
• ½ कप दही
• 1 चमचा साखर
• ½ चमचा मीठ
• 1 चमचा बेकिंग पावडर
• 1 चमचा तेल
• पाणी (मळण्यासाठी)

• 1 कप किसलेले पनीर
• 2 हिरव्या मिरच्या (बारीक चिरलेल्या)
• 1 चमचा कोथिंबीर
• ½ चमचा गरम मसाला
• मीठ चवीनुसार

कृती:

• एका भांड्यात मैदा, मीठ, साखर, बेकिंग पावडर आणि दही घालून मऊ पीठ मळून घ्या.
• त्यावर थोडे तेल लावून झाकून 1-2 तास विश्रांतीसाठी ठेवा.
• दरम्यान, स्टफिंगसाठी एका बाऊलमध्ये पनीर, हिरव्या मिरच्या, कोथिंबीर, गरम मसाला आणि मीठ एकत्र मिसळा.
• पीठाचे लहान गोळे करून त्यात पनीरचे मिश्रण भरून हलक्या हाताने लाटून घ्या.
• तवा गरम करून त्यावर नान ठेवा आणि वरून थोडी चिरलेली कोथिंबीर लावा.
• आता तवा उलटा करून नान थेट गॅसच्या फ्लेमवर भाजा, त्यामुळे नान फुलून येईल.
• तयार नानवर बटर लावून गरमागरम सर्व्ह करा.
• पनीर नान पनीर बटर मसाला, दाल मखनी किंवा कोणत्याही आवडीच्या भाजीसोबत सर्व्ह करा.

Web Title: Make restaurant style paneer naan at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com