लहान मुलांना पालक आवडत नाही? मग सकाळच्या नाश्त्यासाठी सोप्या पद्धतीमध्ये बनवा पालक चिला

सकाळच्या नाश्त्यासाठी नेहमी नेहमी काय बनवावं? हा प्रश्न सगळ्यांचं पडतो. अशावेळी तुम्ही सोप्या पद्धतीमध्ये पालक चिला बनवू शकता. पालकचा वापर करून बनवलेले पदार्थ चवीला अतिशय सुंदर लागतात. पालक चिला बनवण्याची रेसिपी.

थंडीच्या दिवसांमध्ये बाजारात मोठ्या प्रमाणावर हिरव्या पालेभाज्या उपलब्ध असतात. हिरव्या पालेभाज्यांचे सेवन केल्यामुळे शरीराला अनेक पोषक घटक मिळतात. या भाज्यांमध्ये मुबलक प्रमाणात कॅल्शियम, विटामिन, फायबर, झिंक इत्यादी अनेक घटक आढळून येतात. त्यामुळे दैनंदिन आहारात नियमित एक तरी पालेभाजीचे सेवन करावे. पण लहान मुलांसह मोठ्यांना काहीवेळा पालेभाज्या खायला आवडत नाहीत. पालकच्या भाजीचे नाव घेतल्यानंतर मुलं नाक मुरडतात. पालकची भाजी काहींना खायला आवडत नाही. अशावेळी तुम्ही लहान मुलांसह मोठ्यांसाठी सोप्या पद्धतीमध्ये पालक चिला बनवू शकता. पालक चिला लहान मुलं आवडीने खातील, याशिवाय तुम्ही मुलांना हा पदार्थ डब्यात सुद्धा देऊ शकता. चला तर जाणून घेऊया रेसिपी.(फोटो सौजन्य – iStock)

१० मिनिटांमध्ये सकाळच्या नाश्त्यासाठी सोप्या पद्धतीमध्ये बनवा सोया चंक्स पराठा, वाचा सोपी रेसिपी

See more

साहित्य:

• पालक
• बेसन
• कोथिंबीर
• कांदा
• टोमॅटो
• मीठ
• हिरवी मिरची
• जिऱ्याची पावडर
• तूप
• चीझ

महागडे कोल्ड्रिंक्स पिण्यापेक्षा घरी १५ रुपयांमध्ये बनवा ‘मिंट मोइतो क्युब्स’, महिनाभर राहतील टिकून

See more

कृती:

• पालक चिला बनवण्यासाठी सर्वप्रथम, पालक स्वच्छ साफ करून घ्या. त्यानंतर ते बारीक चिरून त्यांची पातळ पेस्ट बनवा.
• मोठ्या बाउलमध्ये बेसन घेऊन त्यात तयार करून घेतलेली पालक पेस्ट टाका.
• नंतर त्यात कांदा, टोमॅटो, बारीक चिरून घेतलेली हिरवी मिरची, चवीनुसार मीठ, जिऱ्याची पावडर टाकून मिक्स करा.
  तुम्हाला हवे असल्यास यामध्ये तुम्ही इतर मसाल्यांचा सुद्धा वापर करू शकता.
• चिला बनवण्यासाठी तवा गरम करून त्यावर तेल पसरवून घ्या. त्यानंतर वरून तयार केलेले चिल्याचे मिश्रण टाकून व्यवस्थित गोलाकार पसरवा.
• दोन्ही बाजूने व्यवस्थित भाजून झाल्यानंतर वरच्या बाजूने किसलेले चीझ टाकून खाण्यासाठी सर्व्ह करा.
• तयार आहे सोप्या पद्धतीमध्ये बनवलेला पालक चिला.