Recipe : कुरकुरीत आणि मजेदार… पार्टी स्नॅक्ससाठी एक टेस्टी पर्याय; घरी बनवा हाॅटेल स्टाईल ‘ओनियन रिंग्स’

Onion Rings Recipe : कांद्यांपासून तयार केला जाणारा हा कुरकुरीत स्नॅक्सचा प्रकार घरी आलेल्या पाहुण्यांना झटपट सर्व्ह करण्यासाठी एक उत्तम पर्याय ठरतो. तुम्ही आजवर ही डिश चाखली नसेल तर आजच ही रेसिपी घरी ट्राय करा.

• ओनियन रिंग्स हा एक लोकप्रिय स्टार्टरचा प्रकार आहे.
• यात कांद्याच्या रिंग्सला बॅटरमध्ये बुडवून तेलात कुरकरीत फ्राय केले जाते.
• एकदा बनवून तर पाहा, तुम्हाला याची चव नक्कीच आवडेल.

आजकाल स्नॅक्सच्या दुनियेत ओनियन रिंग्सला खास स्थान मिळालं आहे. बाहेरून खुसखुशीत आणि आतून मऊ, गोडसर कांद्याची चव हीच या डिशची खासियत आहे. पूर्वी फक्त रेस्टॉरंट किंवा फास्ट फूड आउटलेटमध्ये मिळणारी ही डिश आता घरीही सहज बनवता येते. खास करून संध्याकाळच्या चहासोबत किंवा पार्टी स्नॅक म्हणून ऑनियन रिंग्स एकदम परफेक्ट ठरतात.

Recipe : तेच तेच खाऊन कंटाळलात? संध्याकाळच्या नाश्त्याला घरी बनवा कुरकरीत आणि मसालेदार ‘मटर करंजी’

घरी बनवलेले ऑनियन रिंग्स अधिक ताजे, स्वच्छ आणि आपल्या आवडीप्रमाणे मसाल्यांमध्ये बदल करून तयार करता येतात. या रेसिपीत आपण अगदी सोप्या पद्धतीने, कमी साहित्य वापरून, बाहेरसारखे कुरकुरीत ऑनियन रिंग्स कसे बनवायचे ते पाहणार आहोत.

साहित्य:

• 2 मोठे कांदे
• 1 कप मैदा
• 2 टेबलस्पून कॉर्नफ्लोअर
• 1 टीस्पून लाल तिखट
• 1/2 टीस्पून काळी मिरी पावडर
• 1/2 टीस्पून बेकिंग पावडर
• चवीनुसार मीठ
• पाणी (बॅटरसाठी)
• ब्रेडक्रम्ब्स (कोटिंगसाठी)
• तळण्यासाठी तेल

उन्हाळ्यात रोगप्रतिकारशक्ती वाढवण्यासाठी झटपट बनवा पौष्टिक नाचणीचा हलवा, हाडांना मिळेल भरपूर पोषण

कृती:

• यासाठी सर्वप्रथम  कांद्याचे गोल-गोल जाड स्लाइस कापून त्याचे रिंग्स वेगळे करून घ्या.
• एका बाऊलमध्ये मैदा, कॉर्नफ्लोअर, मीठ, लाल तिखट, काळी मिरी आणि बेकिंग पावडर घालून मिक्स करा.
• त्यात थोडं-थोडं पाणी घालून मध्यम घट्ट बॅटर तयार करा.
• ब्रेडक्रम्ब्स एका प्लेटमध्ये घेऊन ठेवा.
• प्रत्येक कांद्याची रिंग बॅटरमध्ये बुडवून घ्या.
• बॅटर लावलेली रिंग ब्रेडक्रम्ब्समध्ये घोळवून पूर्ण कोटिंग करा.
• कढईत तेल गरम करून मध्यम आचेवर रिंग्स सोनेरी आणि कुरकुरीत होईपर्यंत तळा.
• तळलेले ऑनियन रिंग्स टिश्यू पेपरवर काढून अतिरिक्त तेल काढा आणि गरमागरम सॉस किंवा डिपसोबत सर्व्ह करा.
• जास्त कुरकुरीत टेक्सचर हवं असल्यास डबल कोटिंग करा.
• बॅटर खूप पातळ नसावं, नाहीतर कोटिंग व्यवस्थित बसत नाही.
• तेल योग्य तापमानावर असणं खूप महत्त्वाचं आहे.