पोषकतत्वांनी भरलेला हा लाडू, विना साखर घरी बनवा स्वादिष्ट असे ‘Dryfruits Ladoo’; चव जी लहानांपासून मोठ्यांना करेल खुश

Dryfruits Ladoo Recipe : कोणताही चांगला प्रसंग असला की गोडाच्या पदार्थाने प्रसंगाची शोभा आणखी वाढवली जाते. नेहमी साखरेचे गोड पदार्थ बनवण्याऐवजी तुम्ही यंदा हेल्दी आणि टेस्टी असे ड्रायफ्रुट्सचे लाडू बनवू शकता.

• लाडू अनेक प्रकारचे बनवले जातात.
• आज आपण सुक्यामेव्याचे लाडू कसे बनवायचे ते जाणून घेणार आहोत.
• हे लाडू आपल्या आरोग्यासाठी खूप फायद्याचे ठरतात.

सणासुदीचा काळ असो वा नसो आपल्या घरात गोडधोड पदार्थांची रेलचेल असते. अशा वेळी चविष्ट आणि पौष्टिक पदार्थ बनवणे महत्त्वाचे ठरते. बाजारात मिळणाऱ्या मिठाया जरी आकर्षक दिसत असल्या तरी त्यामध्ये साखर आणि प्रिझर्वेटिव्हचे प्रमाण जास्त असू शकते. त्यामुळे घरच्या घरी बनवलेले लाडू हे नेहमीच उत्तम पर्याय ठरतात.

Recipe : परिणीती चोप्राची फेव्हरेट डिश, घरी बनवा टेस्टी आणि चीजी ‘मशरुम टोस्ट’, सकाळच्या नाश्त्यासाठी परफेक्ट पर्याय

ड्रायफ्रूट लाडू हे केवळ चवीला अप्रतिम नसून शरीरासाठीही खूप फायदेशीर असतात. बदाम, काजू, अक्रोड, खजूर यांसारख्या सुकामेव्यामुळे शरीराला ऊर्जा मिळते आणि थकवा दूर होतो. विशेष म्हणजे हे लाडू साखरेशिवायही बनवता येतात, त्यामुळे आरोग्याची काळजी घेणाऱ्यांसाठी हे उत्तम स्नॅक आहे. लहान मुलांपासून ते मोठ्यांपर्यंत सर्वांनाच आवडणारे हे लाडू तुम्ही अगदी सोप्या पद्धतीने घरच्या घरी तयार करू शकता. चला याची रेसिपी जाणून घेऊया.

साहित्य:

• १ कप बदाम
• १ कप काजू
• १/२ कप अक्रोड
• १ कप खजूर (बिया काढलेले)
• २ चमचे तूप
• १/२ कप किसलेला सुकामेवा (ऑप्शनल)
• १/२ चमचा वेलची पूड

कडाक्याच्या उन्हाळ्यात ५ मिनिटांमध्ये बनवा जिरं कोकमाची आंबटगोड कढी, पित्ताचा त्रास कमी होण्यासोबतच पोटात राहील थंडावा

कृती:

• सर्वप्रथम बदाम, काजू आणि अक्रोड हलक्या आचेवर कोरडे भाजून घ्या.
• हे भाजलेले ड्रायफ्रूट्स थंड झाल्यावर मिक्सरमध्ये जाडसर पूड करून घ्या.
• खजूर बारीक चिरून घ्या किंवा मिक्सरमध्ये थोडे फिरवून घ्या.
• कढईत तूप गरम करून त्यात खजूर घालून २-३ मिनिटे परता, तो मऊ होईपर्यंत शिजवा.
• आता त्यात तयार केलेली ड्रायफ्रूट्सची पूड घाला आणि चांगले मिसळा.
• वेलची पूड घालून मिश्रण एकजीव करा.
• गॅस बंद करून मिश्रण थोडे थंड होऊ द्या आणि हाताने लहान लाडू वळा.
• गरमागरम आणि पौष्टिक ड्रायफ्रूट लाडू तयार आहेत. हे लाडू तुम्ही एअरटाइट डब्यात ठेवून अनेक दिवस साठवूनही ठेवू शकता.