संध्याकाळच्या चहासोबत खाण्यासाठी पदार्थ शोधताय? मग उरलेल्या पोळीपासून बनवा चविष्ट भाकरवडी

संध्याकाळच्या नाश्त्यात नेहमी नेहमी काय खावं सुचत नाही. अशावेळी तुम्ही दुपारच्या जेवणात उरलेल्या पोळ्यांपासून खमंग कुरकुरीत भाकरवडी बनवू शकता. चला तर जाणून घेऊया भाकरवडी बनवण्याची सोपी रेसिपी.

संध्याकाळच्या चहासोबत किंवा छोटी मोठी भूक लागल्यानंतर काहींना काही खाण्याची इच्छा होते. अशावेळी नेमकं काय बनवावं? हेच सुचत नाही. अनेकदा संध्याकाळच्या नाश्त्यात शेवपुरी, पाणीपुरी इत्यादी अनेक पदार्थ विकत आणून खाल्ले जातात. मात्र नेहमी नेहमी बाहेरून विकत आणलेले पदार्थ खाणे आरोग्यासाठी अतिशय हानिकारक आहे. लहान मुलांना सतत बाहेरचे पदार्थ खाण्यास देऊ नये. कारण याचा गंभीर परिणाम मुलांच्या आरोग्यावर होण्याची शक्यता असते. अशावेळी लहान मुलांसह मोठ्यांना चहासोबत भाकरी वडी खाण्यास द्यावी. बाहेरून विकत आणलेली भाकरवडी खाण्यापेक्षा घरी बनवलेली भाकरवडी चवीला अतिशय सुंदर लागते. चला तर जाणून घेऊया भाकरवडी बनवण्याची सोपी रेसिपी.(फोटो सौजन्य – iStock)

नवनवीन बातम्यांसाठी इथे क्लिक करा

साहित्य:

• तांदळाचे पीठ
• उरलेल्या पोळ्या
• बेसन
• मीठ
• आलं मिरचीची पेस्ट
• लाल मिरची पावडर
• धणे पावडर
• जिरे पावडर
• आमचूर पावडर
• बारीक चिरलेली कोथिंबीर
• पाणी
• तेल

नवनवीन बातम्यांसाठी इथे क्लिक करा

कृती:

• भाकरवडी बनवण्यासाठी सर्वप्रथम, कढईमध्ये बेसन,तांदळाचे पीठ, चवीनुसार मीठ, धणे पावडर, जिरे पावडर, आमचूर पावडर, बारीक चिरलेली कोथिंबीर इत्यादी सर्व साहित्य व्यवस्थित मिक्स करून घ्या.
• त्यानंतर तयार करून घेतलेले सारण चपातीला व्यवस्थित लावून रोल करून घ्या.
• नंतर टोपात पाणी गरम करून त्यावर चाळण ठेवा आणि त्यात तयार करून घेतलेले भाकरवडीचे रोल ठेवून वाफवून घ्या.
• वाफवून थंड करून घेतलेल्या भाकरवडीचे छोटे छोटे तुकडे करून तेलात तळून घ्या.
• तयार आहे सोप्या पद्धतीमध्ये बनवलेली खमंग आणि चविष्ट भाकरवडी.