दिवाळी होईल आणखीनच स्पेशल! सोप्या पद्धतीमध्ये घरी बनवा टेस्टी केशर बासुंदी, लहान मुलांसह मोठ्यांनाही आवडेल

आज आम्ही तुम्हाला सोप्या पद्धतीमध्ये केशर बासुंदी बनवण्याची सोपी रेसिपी सांगणार आहोत. हा पदार्थ अतिशय कमी साहित्यात आणि कमी वेळात झटपट तयार होतो. जाणून घ्या केशर बासुंदी बनवण्याची रेसिपी.

राज्यासह संपूर्ण देशभरात दिवाळी सणाचा मोठा उत्साह आहे. यंदाच्या वर्षी १७ ऑक्टोबरपासून दिवाळी सणाला सुरुवात होणार आहे. या दिवसांमध्ये घरात पाहुण्यांच्या मोठ्या प्रमाणावर ये जा असते. घरी आलेल्या पाहुण्यांसाठी कायमच काहींना काही गोड पदार्थ बनवले जातात. शेवयांची खीर, गुलाबजाम, रसगुल्ला इत्यादी ठराविक पदार्थ बनवले जातात. पण कायमच तेच पदार्थ खाऊन कंटाळा आल्यास तुम्ही सोप्या पद्धतीमध्ये केशर बासुंदी बनवू शकता. बासुंदीचे नाव ऐकल्यानंतर सगळ्यांच्या तोंडाला पाणी सुटते. दूध आणि खव्याचा वापर करून बनवलेली बासुंदी चवीला अतिशय सुंदर लागते. बासुंदी तुम्ही पुरीसोबत किंवा नुसतीच सुद्धा खाऊ शकता.कायमच फराळातील पदार्थ खाऊन सगळ्यांचं खूप जास्त कंटाळा येतो. चला तर जाणून घेऊया सोप्या पद्धतीमध्ये केशर बासुंदी बनवण्याची कृती.(फोटो सौजन्य: Pinterest)

सकाळच्या घाईमध्ये नाश्त्यासाठी काय बनवावं सुचत नाही? मग झटपट बनवा Peanut Butter Toast, नोट करा रेसिपी

साहित्य:

• केशर
• दूध
• साखर
• सुका मेवा
• वेलची पावडर
• खवा

अचानक आलेल्या पाहुण्यांच्या स्वागतासाठी १० मिनिटांमध्ये झटपट बनवा कुरकुरीत- तिखट मुगडाळ, नोट करा रेसिपी

कृती:

• केशर बासुंदी बनवण्यासाठी सर्वप्रथम, मोठ्या टोपात दूध गरम करण्यासाठी ठेवा. दुधाला उकळी आल्यानंतर गॅस मंद आचेवर ठेवून घ्या.
• कढईमधील दूध चिटकू नये म्हणून चमच्याने सतत मिक्स करत राहा. यामुळे दूध करपणार नाही.
• कढईतील दूध अर्धे झाल्यानंतर त्यात वाटीभर खवा टाकून व्यवस्थित पातळ पेस्ट तयार करून घ्या.
• त्यानंतर त्यात चवीनुसार साखर, सुका मेवा आणि वेलची पावडर टाकून मिक्स करा. बासुंदी घट्ट होईपर्यँत चमच्याने सतत ढवळत राहा.
• सगळ्यात शेवटी केशर दूध टाकून बासुंदी मिक्स करा. काहींना बासुंदी गरम खायला आवडते तर काहींना बासुंदी थंड खायला आवडते.
• तयार आहे सोप्या पद्धतीमध्ये बनवलेली केशर बासुंदी.