Health Update: शस्त्रक्रियेत मज्जातंतूंवर नजर; इजा होताच इशारा! पालिका रुग्णालयांत अत्याधुनिक ‘नर्व्ह मॉनिटरिंग’ प्रणाली

Health Update: थायरॉईडच्या शस्त्रक्रियेदरम्यान स्वरयंत्राशी संबंधित मज्जातंतूला इजा झाल्यास आवाजात बदल होऊ शकतो. त्याचप्रमाणे मेंदू आणि मणक्याच्या काही शस्त्रक्रियांमध्ये मज्जातंतूंच्या कार्यावर परिणाम झाल्यास रुग्णाच्या हालचाली किंवा इतर शारीरिक कार्यावर परिणाम होण्याची शक्यता असते.

Health Update: शस्त्रक्रिया करताना महत्त्वाच्या मज्जातंतूंना इजा होण्याचा धोका असलेल्या रुग्णांसाठी मुंबई महापालिका रुग्णालयांमध्ये आता तंत्रज्ञानाची मदत मिळणार आहे. ऑपरेशन सुरू असतानाच मज्जातंतूंच्या कार्यावर सातत्याने लक्ष ठेवून त्यात होणारा बदल तात्काळ शल्यचिकित्सकांच्या निदर्शनास आणून देणारी आयओएनएम म्हणजे इंट्रा ऑपरेटिव्ह नर्व्ह मॉनिटरिंग प्रणाली पालिका रुग्णालयांमध्ये उपलब्ध करून देण्याची प्रक्रिया सुरू करण्यात आली आहे. या प्रणालीमुळे शस्त्रक्रियेदरम्यान मज्जातंतूंच्या कार्यात अचानक बदल झाल्यास तो केवळ शस्त्रक्रियेनंतर लक्षात येण्याऐवजी ऑपरेशन सुरू असतानाच डॉक्टरांच्या निदर्शनास येण्याची शक्यता वाढणार आहे.

Colorectal Cancer: आतड्यांच्या कॅन्सरपासून कायमच राहाल लांब! रोजच्या आहारात करा ‘या’ भाज्या आणि फळांचा समावेश, शरीर राहील स्वच्छ

मेंदू, मणका, थायरॉईड तसेच कान-नाक-घसा आणि न्यूरोसर्जरीशी संबंधित काही गुंतागुंतीच्या शस्त्रक्रियांमध्ये महत्त्वाच्या मज्जातंतूंच्या अगदी जवळ शस्त्रक्रिया करावी लागते. अशा वेळी मज्जातंतूवर ताण येणे किंवा त्याला इजा होण्याची शक्यता असते. मात्र, शस्त्रक्रिया सुरू असताना मज्जातंतूचे कार्य नेमके कसे आहे, यावर सातत्याने लक्ष ठेवता आल्यास संभाव्य धोका वेळीच ओळखणे शक्य होणार आहे.

निविदा प्रक्रिया झाली सुरू:

मुंबई महापालिकेच्या रुग्णालयांमध्ये मोठ्या संख्येने शस्त्रक्रिया केल्या जातात. त्यातील काही शस्त्रक्रिया मज्जातंतूंच्या अतिशय जवळ कराव्या लागतात.अशा शस्त्रक्रियांमध्ये संभाव्य धोका कमी करण्यासाठी आयओएनएम प्रणाली उपलब्ध करून देण्याचा निर्णय घेण्यात आला आहे. यासाठी निविदा प्रक्रिया सुरू असून यंत्रणा उपलब्ध करून देण्याच्या दिशेने प्रशासनाकडून कार्यवाही सुरू आहे.

Gut Health: आतड्यांमध्ये कुजलेली घाण होईल मुळांपासून स्वच्छ! गुळासोबत करा ‘या’ पिवळ्या पदार्थाचे सेवन, पोटावरची चरबी होईल कमी

विद्युत संकेतांवर सतत लक्ष:

आयओएनएम प्रणाली मज्जातंतूंमधून निर्माण होणाऱ्या विद्युत संकेतांचे शस्त्रक्रियेदरम्यान सतत निरीक्षण करते. या संकेतांमध्ये बदल झाल्यास शल्यचिकित्सकांना तत्काळ सूचना मिळते. त्यानुसार शस्त्रक्रियेची पद्धत बदलणे किंवा मज्जातंतूवरील ताण कमी करण्यासाठी आवश्यक खबरदारी घेणे शक्य होते. थायरॉईडच्या शस्त्रक्रियेदरम्यान स्वरयंत्राशी संबंधित मज्जातंतूला इजा झाल्यास आवाजात बदल होऊ शकतो. त्याचप्रमाणे मेंदू आणि मणक्याच्या काही शस्त्रक्रियांमध्ये मज्जातंतूंच्या कार्यावर परिणाम झाल्यास रुग्णाच्या हालचाली किंवा इतर शारीरिक कार्यावर परिणाम होण्याची शक्यता असते. त्यामुळे अशा संवेदनशील शस्त्रक्रियांमध्ये मज्जातंतूंच्या कार्यावर सतत देखरेख ठेवणारी प्रणाली महत्त्वाची ठरणार आहे.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.