गुरुवार, 24 सप्टेंबर 2026
आतड्यांच्या कॅन्सरपासून कायमच राहाल लांब! रोजच्या आहारात करा 'या' भाज्या आणि फळांचा समावेश, शरीर राहील स्वच्छ
या अन्नपदार्थांच्या सेवनामुळे आतड्यांवर होतो गंभीर परिणाम:
आतड्यांचा कॅन्सर होण्याची कारणे?
आहारात कोणत्या भाज्या फळांचे सेवन करावे?
Colorectal Cancer: हल्ली कोणताही गंभीर आजार होण्यास वयाची मर्यादा राहिलेली नाही. तरुण वयातील मुलामुलींपासून ते अगदी वयस्कर वृद्धांपर्यंत सगळ्यांचं कॅन्सर, हार्ट अटॅक, रक्तदाब इत्यादी गंभीर आजार होण्याची शक्यता असते. जीवनशैलीतील बदलांचा थेट परिणाम शरीरावर झाल्यानंतर आरोग्य पूर्णपणे बिघडून जाते. पूर्वीच्या काळी वयाच्या ६० व्या किंवा ७० व्या वर्षी होणारे आजार तरुण वयात होत असल्यामुळे चिंता व्यक्त केली जात आहे. पूर्वीच्या काळी आतड्यांचा कॅन्सर वाढते वय आणि अनुवांशिकतेमुळे होणारा आजार मानला जायचा, पण जीवनशैलीत होणारे बदल, कामाचा वाढलेला तणाव आणि पोषक घटकांच्या कमतरतेमुळे कोणत्याही व्यक्तीला होण्याची जास्त शक्यता असते.(फोटो सौजन्य – istock)
आतड्यांचा कॅन्सर हा सगळ्यात घातक कॅन्सर मानला जातो. त्यामुळे सुरुवातीच्या टप्पयात दिसून येणाऱ्या लक्षणांकडे अजिबात दुर्लक्ष न करता वेळीच उपचार करणे फार आवश्यक आहे. अन्यथा शरीरसंबंधित गंभीर समस्या वाढू शकतात. अन्नपदार्थांच्या किंवा भाज्यांच्या सेवनामुळे आतड्यांच्या कॅन्सरपासून पूर्णपणे बचाव होत नाही. पण योग्य पद्धतीने शरीराची काळजी घेतल्यास आरोग्य चांगले राहू शकते. आतड्यांच्या कॅन्सरपासून बचाव करण्यासाठी आहारात करा या पदार्थांचा समावेश.
कामाच्या धावपळीमुळे किंवा सतत विकतचे जंक फूड खाण्याची सवय असणाऱ्या व्यक्तींमध्ये गंभीर आजाराचे प्रमाण वाढते. याशिवाय प्रक्रिया केलेले पदार्थ, लाल मांस, रिफाइंड कार्ब्स आणि अतिरिक्त कॅलरीज असलेल्या पदार्थांचे अतिसेवन केल्यामुळे आतड्यांचा कॅन्सर होण्याची शक्यता असते. आहारात फायबर असलेल्या पदार्थांचे सेवन केल्यामुळे आतड्यांमध्ये साचून राहिलेला विषारी मल बाहेर पडून जाण्यास मदत होते. अन्नपदार्थांमधून मिळणारी जीवनसत्त्वे आणि खनिजे संपूर्ण शरीराच्या अवयवांना पाठबळ देतात आणि आरोग्य निरोगी ठेवतात.
कॅन्सरसारख्या गंभीर आजारापासून शरीराचा बचाव करण्यासाठी आहारात बदल करणे फार आवश्यक आहे. सफरचंद, पेरू, संत्री, पेअर, बेरीज आणि पपई यांसारख्या फायबर असलेल्या पदार्थांचा आहारात समावेश करावा. पालेभाज्या, ब्रोकली, फ्लॉवर, कोबी, गाजर, बीन्स, मटार इत्यादी भाज्यांचे सेवन करावे. ओट्स, ब्राऊन राईस, गव्हाचे अन्नपदार्थ आणि भरड धान्ये इत्यादी पदार्थांमधून शरीराला आवश्यक प्रमाणात फायबर मिळते.
Ans: पालेभाज्या, ब्रोकोलीसारख्या भाज्या, गाजर, कोबी, टोमॅटो तसेच सफरचंद, बेरीज, संत्री, पेरू यांसारखी फळे संतुलित आहाराचा भाग करता येतात.
Ans: फायबरयुक्त पदार्थ पचनसंस्थेच्या आरोग्यासाठी उपयुक्त असतात आणि नियमित शौचास मदत करतात. संपूर्ण धान्ये, कडधान्ये, फळे आणि भाज्या हे फायबरचे चांगले स्रोत आहेत.
Ans: लाल मांस आणि प्रक्रिया केलेले मांस यांचे सेवन कमी ठेवण्याचा सल्ला दिला जातो. जास्त प्रमाणात मद्यपान आणि धूम्रपान यांचाही कोलोरेक्टल कॅन्सरच्या जोखमीशी संबंध आहे.
