Pav Bhaji: बटरचा फुल्ल तडका अन् मसाल्याची झणझणीत चव! घरच्या घरी बनवा स्ट्रीट स्टाइल पावभाजी, वाचा रेसिपी

Street Style pav Bhaji Recipe: पावसाळ्यात कुटुंबासोबत गरमागरम पावभाजीचा आस्वाद घ्यायचा असेल, तर ही स्ट्रीट स्टाइल पावभाजीची सोपी रेसिपी नक्की करून पाहा.

• घरच्या घरी बनवा स्ट्रीट स्टाइल पावभाजी
• ‘या’ टिप्स फॉलो केल्या तर चव लागेल भन्नाट
• बाहेरची पावभाजी विसराल

पावसाळ्यात बाहेर रिमझिम सरी सुरू असताना गरमागरम, मसालेदार आणि बटरमध्ये भाजलेली पावभाजी खाण्याची मजाच काही वेगळी असते. मात्र प्रत्येक वेळी बाहेर जाऊन पावभाजी खाण्याची गरज नाही. अगदी सोप्या पद्धतीने घरच्या घरीही स्ट्रीट स्टाइल पावभाजी तयार करता येते. ताजी भाजी, योग्य मसाले, चांगले बटर आणि गरम पाव यामुळे तिची चव अगदी रस्त्यावरील गाडीवर मिळणाऱ्या पावभाजीसारखी लागते. चला तर माग जाणून घेऊयात घरच्या घरी स्ट्रीट स्टाइल पावभाजी बनवण्याची सोपी रेसिपी.

Festive Look: सणासुदीला परफेक्ट लुक, ५ संकेतांकडे दुर्लक्ष पडू शकतं महाग; कसे ओळखाल?

पावभाजीसाठी लागणारे साहित्य

• २ बटाटे
• १ गाजर
• १ कप फ्लॉवर
• १ कप हिरवे वाटाणे
• ½ कप फरसबी
• बीट
• १ बारीक चिरलेला कांदा
• २ ते ३ चिरलेले टोमॅटो
• आले-लसूण-हिरवी मिरचीची पेस्ट
• पावभाजी मसाला
• धणेपूड
• लाल तिखट
• काश्मिरी लाल तिखट
• गरम मसाला
• काळी मिरी
• जिरे
• मीठ
• बटर
• कोथिंबीर
• लादी पाव

कृती:

सर्वप्रथम बटाटा, गाजर, फ्लॉवर, वाटाणे, फरसबी आणि थोडे बीट कुकरमध्ये घ्या. त्यात हळद, जिरेपूड, लाल तिखट, मीठ आणि थोडे पाणी घालून २ शिट्ट्या करून घ्या. भाज्या मऊ झाल्यानंतर त्या मॅशरने व्यवस्थित कुस्करून घ्या. बीटमुळे भाजीला आकर्षक रंगही मिळतो. कढईत बटर गरम करून त्यात जिरे घाला. त्यानंतर आले-लसूण-हिरवी मिरचीची पेस्ट, चिरलेला कांदा आणि टोमॅटो घालून चांगले परतून घ्या. आता पावभाजी मसाला, धणेपूड, गरम मसाला, काश्मिरी लाल तिखट, किचन किंग मसाला आणि थोडी काळी मिरी घाला. मसाल्यातून बटर सुटेपर्यंत तो व्यवस्थित परतणे महत्त्वाचे आहे. आता कुस्करलेल्या भाज्या कढईतील मसाल्यात घाला. आवश्यकतेनुसार थोडे पाणी टाकून मॅशरने भाजी पुन्हा एकजीव करा. काही मिनिटे मंद आचेवर शिजवल्याने मसाला भाज्यांमध्ये छान मुरतो. शेवटी ताजी कोथिंबीर आणि थोडे बटर घाला.तव्यावर बटर टाकून लादी पाव दोन्ही बाजूंनी हलका सोनेरी होईपर्यंत भाजून घ्या. गरम पाव, मसालेदार भाजी, बटर आणि बारीक चिरलेला कांदा यांसोबत पावभाजी सर्व्ह करा.

स्ट्रीट स्टाइल चवीसाठी खास टिप्स

भाजी शक्य तितकी मऊ आणि एकजीव मॅश करा.

मसाला बटरमध्ये व्यवस्थित परतल्याने छान चव लागते.

पाव भाजताना जास्त बटर वापरा. यामुळे स्ट्रीट स्टाइल स्वाद मिळतो.

भाजी तयार झाल्यावर थोडे बटर आणि कोथिंबीर घातल्यास सुगंध वाढतो.

Rakshabandhan: Glowing Skin मिळविण्यासाठी हजारो रुपयांची गरज नाही, घरीच करा नैसर्गिक फेशियल