Navratri 2026: तेलकट पदार्थ खाऊन लगेच ॲसिडीटी होते? मग झटपट बनवा उपवासाचे खंमग थालीपीठ, दिवसभर पोट राहील भरलेले

Navratri 2026: उपवासाच्या दिवशी सोप्या पद्धतीमध्ये खंमग थालीपीठ बनवू शकता. हा पदार्थ चवीला अतिशय चांगला लागतो. उपाशी पोटी तेलकट पदार्थांचे सेवन केल्यामुळे ॲसिडीटी होेऊन पचनक्रिया पूर्णपणे बिघाडून जाते. त्यामुळे सहज पचन होणाऱ्या पदार्थांचे सेवन करावे.

Navratri 2026: शारदीय नवरात्री उत्सवाला सुरूवात झाली आहे. नवरात्रीच्या नऊ दिवसांमध्ये महिलांसह पुरूषसुद्दा उपवास करतात. उपवासात शरीराला ऊर्जा मिळावी यासाठी अनेक वेगवेगळ्या पदार्थांचे आहारात सेवन केले जाते. सकाळच्या नाश्त्यात वेफर्स किंवा तळलेले पदार्थ खाल्ले जातात. पण उपाशी पोटी तेलकट पदार्थांचे सेवन केल्यामुळे ॲसिडीटी होेऊन पचनक्रिया पूर्णपणे बिघाडून जाते. त्यामुळे आहारात सहज पचन होणाऱ्या पदार्थांचे सेवन करणे फार आवश्यक आहे. त्यामुळे आज आम्ही तुम्हाला सोप्या पद्दतीने उपवासाचे थालीपीठ बनवण्याची रेसिपी सांगणार आहोत. हा पदार्थ बनवण्यासाठी कोणत्याही भाजणीची अजिबात आवश्यकता नाही. अनेकदा थालीपीठ बनवल्यानंतर ते खूप जास्त कडक आणि वातड होऊन जातात. खाण्याची अजिबात ईच्छा होत नाही. त्यामुळे या पद्दतीने उपवासाचे थालीपीठ बनवू शकता. उपवासाचे थालीपीठ दही किंवा काकडीच्या कोशिंबीरसोबत मस्त लागतात. साबुदाणा,भगर आणि राजगिऱ्याचा वापर करून बनवलेला पदार्थ लहान मुंलसुद्धा आवडीने खातील. चला तर जाणून घेऊया रेसिपी. (फोटो सौजन्य – istock)

Navratri 2026: नवरात्रीच्या उपवासासाठी सोप्या पद्धतीमध्ये घरी बनवा पौष्टिक राजगिरा लाडू! नोट करा कमी साहित्यात तयार होणारी रेसिपी

साहित्य:

• साबुदाणा
• भगर
• राजगिरा
• जिरे
• कच्चा बटाटा
• भाजलेल्या शेंगदाण्याचा कूट
• हिरवी मिरची पेस्ट
• ओल्या खोबऱ्याचा किस
• कोथिंबीर
• साजूक तूप
• मीठ

Recipe : १ कप तांदळापासून बनवा मऊ आणि दानेदार मिठाई! मावा आणि मिल्क पावडरशिवाय तयार होते रेसिपी

कृती

• उपवासाचे थालीपीठ बनवण्यासाठी, साबुदाणा, भगर, राजगिरा आणि जिरे कढईमध्ये मंद आचेवर वेगवेगळे करून भाजा.
• भाजलेले सर्व मिश्रण थंड करण्यासाठी ठेवून द्या.
• थंड झालेले साहित्य मिक्सरच्या भांड्यात ओतून बारीक पावडर करा. तयार केलेली पावडर हवा बंद डब्यात भरून ठेवावी.
• मोठ्या वाटीमध्ये तयार केेलेली उपवास भाजणी घेऊन त्यात किसलेला कच्चा बटाटा, शेंगदाण्याचा कूट, हिरवी मिरची पेस्ट, ओल्या खोबऱ्याचा किस, कोथिंबीर, चवीनुसार मीठ घालून सर्व मिश्रण व्यवस्थित मिक्स करून घ्या.
• आवश्कता वाटल्यास पाणी घालावा. अन्याथा पाण्याचा वापर अजिबात करू नये. तयार केलेल्या पिठाचा छोटा गोळा करून ओल्या सुती रूमालावर पातळ थालीपीठ थापून घ्यावे.
• तयार केलेले थालिपीठ तव्यावर सोडून  मंद आचेवर तूप टाकून भाजून घ्या.
• तयार आहे सोप्या पद्धतीमध्ये बनवलेले उपवासाचे थालीपीठ.