विकेंड स्पेशल काही चमचमीत बनवण्याचा प्लॅन आहे? मग घरी बनवा सर्वांच्या आवडीची Hyderabadi Chicken Biryani

निजामांच्या काळात हैदराबादमध्ये बिर्याणीचा उगम झाला आणि आजही याची चव भारतात लोकप्रिय आहे. खास मसाले आणि मंद आचेवर शिजवून या बिर्याणीला तयार केले जाते. याची चव तुमच्या विकेंडची मजा आणखीन वाढवेल.

नॉनव्हेज लव्हर्ससाठी विकेंडचा दिवस आणखीन खास! या दिवशी अनेकांच्या घरी मांसाहारी जेवणाचा बेत असतो. त्यातही मांसाहारी खाद्यपदार्थांतील सर्वांच्या आवडीचा आणि लोकप्रिय पदार्थ म्हणजे बिर्याणी. या पदार्थाला कोणाचा तोड नाही. खास प्रसंगी किंवा विकेंडवेळी याला आवर्जून बनवले जाते. लहानांपासून मोठ्यांपर्यंत सर्वांनाच याची चव फार आवडते आणि लोक आवडीने बिर्याणीचा आस्वाद घेतात.

रविवारचा स्पेशल नाश्ता! घरीच बनवा स्ट्रीट स्टाईल Bombay Sandwich; चवीबरोबरच आरोग्यासाठीही फायदेशीर

आता बिर्याणी म्हटलं की त्यातही आले बिर्याणी निरनिराळे प्रकार, या प्रत्येकाची चव काहीशी वेगळी… अशात आज आम्ही तुमच्यासाठी हैदराबादी बिर्याणीची एक चविष्ट आणि सोपी अशी रेसिपी घेऊन आलो आहोत. निजामांच्या काळात हैदराबादमध्ये बिर्याणीचा उगम झाला. खास मसाले आणि दम देऊन या बिर्याणीला तयार केले जाते. ही व्हेज, नॉनव्हेज दोन्ही प्रकारे बनवली जाते. आज मात्र आम्ही तुमच्यासाठी हैदराबादी चिकन बिर्याणीची रेसिपी घेऊन आलो आहोत. चला तर मग जाणून घेऊया यासाठी लागणारे साहित्य आणि कृती.

साहित्य

• बासमती तांदूळ – २ कप
• चिकन – ५०० ग्रॅम (धुतलेले आणि स्वच्छ केलेले)
• कांदे – २ मोठे (स्लीस केलेले)
• दही – १ कप
• आले-लसूण पेस्ट – २ टेबलस्पून
• हिरव्या मिरच्या – २-३ (लांब चिरलेल्या)
• धणे पूड – १ टीस्पून
• जिरे पूड – १ टीस्पून
• लाल तिखट – १ टीस्पून
• हळद – ½ टीस्पून
• गरम मसाला – १ टीस्पून
• बिर्याणी मसाला – १ टेबलस्पून (ऐच्छिक)
• मीठ – चवीनुसार
• कोथिंबीर आणि पुदिना – थोडीशी (सुवासिक करण्यासाठी)
• दूध – ¼ कप
• केशर – काही कणके (दुधात भिजवून ठेवलेले)
• तूप/तेल – ४ टेबलस्पून
• पाणी
• मीठ – १ टीस्पून
• तमालपत्र,
• लवंग
• वेलदोडे
• दालचिनी

रविवार होईल आणखीनच खास! सकाळच्या नाश्त्यात झटपट बनवा वेट लॉस ब्रेड पिझ्झा, वाढणार नाही अतिरिक्त वजन

कृती

• हैदराबादी चिकन बिर्याणी तयार करण्यासाठी सर्वप्रथम चिकनमध्ये दही, आले-लसूण पेस्ट, लाल तिखट, हळद, मीठ, बिर्याणी मसाला, गरम मसाला, कोथिंबीर, पुदिना आणि हिरव्या मिरच्या घालून मिक्स करा
• हे मिश्रण किमान १ तास मॅरिनेट करा (रात्रीभर ठेवल्यास अजून चांगले)
• एका मोठ्या भांड्यात पाणी उकळवा, त्यात मीठ आणि गरम मसाले घाला
• बासमती तांदूळ त्यात टाका आणि ७०-८०% शिजवून गाळून घ्या
• एका पॅनमध्ये तूप/तेल गरम करून कांद्याचे तुकडे खरपूस ब्राऊन रंगाचे होईपर्यंत तळा
• हे तळलेले कांदे नंतर सजावटीसाठी वापरावेत
• एका जाड बुडाच्या भांड्यात प्रथम थोडं तूप घाला
• त्यावर मॅरिनेट केलेले चिकन टाका
• त्यावर अर्धवट शिजवलेले तांदूळ टाका
• नंतर केशरयुक्त दूध, तळलेले कांदे, पुदिना, कोथिंबीर टाका
• झाकण लावून त्यावर एक वजन ठेवा
• प्रथम ५ मिनिटे मध्यम आचेवर आणि नंतर २५-३० मिनिटे मंद आचेवर दम देऊन शिजवा
• हैदराबादी बिर्याणी गरमागरम रायता, सालन किंवा दहीबरोबर खाण्यासाठी सर्व्ह केली जाते
• ही बिर्याणी अंडा, मटण किंवा व्हेज पद्धतीने देखील तयार करता येते
• तांदूळ शिजवताना ते फार मऊ होऊ देऊ नका