रविवारचा स्पेशल नाश्ता! घरीच बनवा स्ट्रीट स्टाईल Bombay Sandwich; चवीबरोबरच आरोग्यासाठीही फायदेशीर

बॉम्बे सँडविच हा मुंबईतील एक फेमस स्ट्रीट फूड आहे. लहानांपासून मोठ्यांपर्यंत याची चव सर्वांनाच फार आवडते. यंदाच्या विकेंडला सकाळच्या नाश्त्यासाठी तुम्ही हा पदार्थ घरीच तयार करू शकता. याची रेसिपी फार सोपी आहे.

(फोटो सौजन्य: Pinterest)

Follow Us:

Follow Us:

बॉम्बे सँडविच म्हणजे एक लोकप्रिय स्ट्रीट फूड, जे मुंबईमध्ये (पूर्वी बॉम्बे म्हणून ओळखले जाणारे) खूप प्रसिद्ध आहे. यामध्ये ब्रेड, चटण्या आणि भाज्यांचा वापर करून एक चविष्ट नाश्ता तयार केला जातो. या चवदार आणि खमंग पदार्थ सकाळच्या नाश्त्यासाठी एक उत्तम पर्याय आहे. रविवार म्हणजे सुट्टीचा दिवस, या दिवशी अनेकजण घरी काहीतरी नवीन चविष्ट पदार्थ बनवून या दिवसाची मजा आणखीन द्विगुणित करण्याचा विचार करतात. बहुतेकांच्या घरी विकेंडच्या दिवशी काही ना काही स्पेशल बनवलं जाताच. तसंच आता तुम्हीही या विकेंडला काही चविष्ट आणि सर्वांना आवडेल असा पदार्थ बनवण्याचा विचार करत असाल तर बॉम्बे सँडविच तुमच्यासाठी एक उत्तम पर्याय आहे.

रविवार होईल आणखीनच खास! सकाळच्या नाश्त्यात झटपट बनवा वेट लॉस ब्रेड पिझ्झा, वाढणार नाही अतिरिक्त वजन

या सँडविचमध्ये भरपूर भाज्यांचा वापर केला जातो ज्यामुळे हा पदार्थ फक्त चविष्टच ठरत नाही तर आरोग्यासाठीही पौष्टिकही ठरतो. लहान मुलांना तर सँडविच खायला फार आवडत अशात स्ट्रीट फेमस हा सँडविच घरीच बनवून तुम्ही घरातील सदस्यांची मने जिंकू शकता. याने तुमच्या सकाळची सुरुवात आणखीन बहारदार बनेल. चला तर मग लगेच जाणून घेऊया यासाठी लागणारे साहित्य आणि कृती.

साहित्य

• ब्रेड स्लाइसेस – ८
• बटाटे – २ मध्यम (उकडलेले आणि चकत्या करून कापलेले)
• काकडी – १ (पातळ चकत्या केलेली)
• टोमॅटो – १ (पातळ चकत्या केलेला)
• बीट – १ लहान (उकडून, सोलून पातळ काप केलेले – ऐच्छिक)
• कांदा – १ मध्यम (कापलेला – ऐच्छिक)
• बटर– २ टेबलस्पून
• चाट मसाला – चवीनुसार
• काळी मिरी पूड – थोडीशी
• मीठ – चवीनुसार
• कोथिंबीर – १ कप
• पुदिना – ½ कप
• हिरव्या मिरच्या – २
• लसूण – २-३ पाकळ्या
• आले – ½ इंच तुकडा
• लिंबाचा रस – १ टेबलस्पून
• मीठ – चवीनुसार
• थोडं पाणी (मिक्ससाठी)

ग्रेव्हीमध्ये बुडालेले टेस्टी आणि ज्यूसी Jhol Momo कधी खाल्ले आहेत का? नेपाळची फेमस रेसिपी

कृती

• यासाठी आपल्याला सर्वप्रथम हिरवी चटणी तयार करावी लागेल ज्यासाठी मिक्सरच्या भांड्यात कोथिंबीर, हिरव्या
• मिरच्या, आलं, लिंबाचा रस, लसूण, पुदिना, मीठ आणि थोडं पाणी घालून सर्वकाही नीट फिरवून घ्या
• सर्वकाही नीट मिक्स करून एक गुळगुळीत चटणी तयार करा
• गरज असेल तर चवीनुसार मीठ किंवा लिंबाचा रस वाढवा
• आता ब्रेड स्लाइस घेऊन त्यावर आधी बटर लावा
• नंतर त्यावर हिरवी चटणी लावून पसरवून घ्या
• आता त्यावर बटाटा, काकडी, टोमॅटो, कांदा आणि बीट यांची एक एक थर लावा
• वरून चाट मसाला, मीठ आणि काळी मिरी भुरभुरवा
• दुसरा ब्रेड स्लाइस चटणी लावून वर ठेवा
• आता तयार सँडविच टोस्टरमध्ये टोस्ट अथवा तव्यावर भाजून घ्या
• तयार बॉम्बे सँडविच सॉस अथवा चटणीसह खाण्यासाठी सर्व्ह करा
• तुम्ही बटाट्याच्या चिप्ससह देखील याला खाण्यासाठी सर्व्ह करू शकता

Web Title: Weekend special make tasty and easy bombay sandwich at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com