व्वा, आता फ्रीमध्ये फिरता येणार थायलँड… डोमेस्टिक फ्लाइटसाठी कोणतेही पैसे देण्याची गरज नाही

Thailand Trip Offer : पर्यटकांसाठी आनंदाची बातमी! थायलॅंडच्या पर्यटन आणि क्रीडा मंत्र्यांनी परदेशी पर्यटकांसाठी मोफत देशांतर्गत उड्डाणे सुरु केली आहेत. पर्यटकांची संख्या वाढवण्यासाठी हा प्रकल्प राबवला जात आहे.

भारतच नव्हे तर जगभरातून मोठ्या संख्येने पर्यटक थायलँडला भेट देतात. भारतासह जवळपास 93 देशांच्या नागरिकांना थायलँडमध्ये व्हिसाशिवाय पर्यटनाची संधी उपलब्ध आहे. आता या सोयीबरोबरच थायलँड सरकार पर्यटकांसाठी आणखी एक मोठं पाऊल उचलण्याच्या तयारीत आहे – मोफत देशांतर्गत विमान प्रवास योजना.

स्वयंपाक असून गावच्या एकाही घरात अन्नासाठी पेटवली जात नाही आग; तरीही एक दिवसही उपाशी राहत नाहीत गावकरी

थायलँडचे पर्यटन व क्रीडा मंत्री सोरावोंग थिएनथोंग यांनी आंतरराष्ट्रीय पर्यटकांसाठी मोफत देशांतर्गत विमानसेवेसाठी 700 मिलियन थाई बाट इतक्या निधीचा प्रस्ताव सादर केला आहे. या उपक्रमाचा उद्देश म्हणजे फक्त राजधानी व मुख्य पर्यटन शहरांपुरते न थांबता, पर्यटकांना देशातील इतर भागांमध्येही आकर्षित करणे.

ही योजना ऑगस्ट ते डिसेंबर 2025 दरम्यान राबवली जाणार आहे. यात सहभागी होणाऱ्या विमान कंपन्यांच्या तिकिटांवर सरकारकडून अनुदान दिले जाईल. एकमार्गी प्रवासासाठी 1,750 Baht तर दोन्ही बाजूंच्या प्रवासासाठी 3,500 Baht इतक्या दराचे तिकीट सबसिडीवर उपलब्ध होईल. यामुळे देशाच्या पर्यटन क्षेत्रात मोठी वाढ होईल व अर्थव्यवस्थेलाही चालना मिळेल.

ही योजना सुरुवातीला 6 विमान कंपन्यांसोबत सुरू केली जाणार आहे –

• थाई एअर एशिया
• बँकॉक एअरवेज
• नोक एअर
• थाई एअरवेज इंटरनॅशनल
• थाई लायन एअर
• थाई व्हिएतजेट

या उपक्रमामुळे “अमेजिंग थायलंड ग्रँड टुरिझम अँड स्पोर्ट्स इयर” मोहिमेलाही मोठा फायदा होणार आहे.

थायलंडमधील पाहण्यासारखी टॉप 10 पर्यटनस्थळे

• बँकॉक – थायलंडची राजधानी आणि आधुनिकतेसोबत परंपरेचं उत्तम मिश्रण.
• फुकेट – थायलंडमधील सर्वात मोठं व प्रसिद्ध बेट.
• पटाया – समुद्रकिनारे आणि रात्रजीवनासाठी लोकप्रिय ठिकाण.
• चियांग माई – शांत आणि सांस्कृतिक वातावरण असलेलं शहर.
• क्राबी – चुनखडीच्या डोंगररांगा आणि हिरवळीनं वेढलेले सुंदर बीच.
• कोह समुई – पर्यटकांमध्ये अत्यंत लोकप्रिय बेट.
• फी फी आयलंड – निसर्गरम्य समुद्रकिनारे आणि जलक्रीडेसाठी उत्तम.
• अयुत्या – ऐतिहासिक आणि प्राचीन शहर.
• कंचनबुरी – रमणीय धबधबे आणि क्वाई नदीवरील प्रसिद्ध पूल.
• पाई – शांत, डोंगराळ आणि निसर्गरम्य शहर.

या योजनेमुळे थायलँडला भेट देणाऱ्या आंतरराष्ट्रीय पर्यटकांना अधिक सोयीस्कर प्रवासाचा अनुभव मिळणार असून पर्यटन क्षेत्राची लोकप्रियता आणखी वाढणार आहे.

भारतीय पर्यटकांसाठी आनंदाची बातमी! आता 30 देशांमध्ये मिळणार व्हिसा फ्री एंट्री! जाणून घ्या संपूर्ण लिस्ट

FAQs (संबंधित प्रश्न)

थायलंडमध्ये तुम्ही देशांतर्गत विमान प्रवास करू शकता का?
थायलंड तुम्हाला देशाच्या बहुतेक भागांशी जोडण्यासाठी अनेक देशांतर्गत विमान कंपन्या चालवते.

थायलंडमध्ये कोणत्या एअरलाईन्स देशांतर्गत उड्डाण करतात?
थाई एअरवेज, थाई एअरएशिया, बँकॉक एअरवेज, थाई लायन एअर, थाई व्हिएतजेट एअर, नोक एअर.