कोबीची भाजी खायला आवडत नाही? मग सकाळच्या नाश्त्यात १० मिनिटांमध्ये बनवा झणझणीत कोबी पराठा, नोट करा रेसिपी

कोबी खायला लहान मुलांसह मोठ्यांना सुद्धा आवडत नाही. अशावेळी तुम्ही सकाळच्या नाश्त्यासाठी कोबीचे खमंग पराठे बनवू शकता. हा पदार्थ १० मिनिटांमध्ये झटपट तयार होतो.

थंडीच्या दिवसांमध्ये सगळ्यांचं खूप जास्त भूक लागते. सकाळच्या नाश्त्यात किंवा इतर वेळी भूक लागल्यानंतर अनेक वेगवेगळे पदार्थ खाल्लेले जातात. लहान मुलांसह मोठ्यांना कोबीची भाजी खायला अजिबात आवडत नाही. भाजीला येणाऱ्या कुबट वासामुळे भाजी खाल्ली जात नाही. कोबीची भाजी पाहिल्यानंतर अनेक लोक नाक मुरडतात. म्हणूनच आज आम्ही तुम्हाला कोबीच्या भाजीपासून चविष्ट पराठा बनवण्याची सोपी रेसिपी सांगणार आहोत. हा पराठा तुम्ही सकाळच्या नाश्त्यात किंवा लहान मुलांच्या डब्यासाठी सुद्धा बनवून देऊ शकता. कमीत कमी साहित्यात झटपट काही बनवायचे असलेल्यास कोबीचे पराठे हा पदार्थ अतिशय उत्तम आहे. बऱ्याचदा सकाळच्या नाश्त्यात रात्री शिल्लक राहिलेली पोळी किंवा भाकरी भाजी खाल्ली जाते. पण या पदार्थांच्या सेवनामुळे अपचन किंवा ऍसिडिटीचा त्रास वाढतो. त्यामुळे नाश्त्यात कायमच ताजे अन्नपदार्थ खावेत. चला तर जाणून घेऊया कोबीचे पराठे बनवण्याची सोपी रेसिपी. (फोटो सौजन्य – istock)

Chicken Roast Recipe : फराह खान स्टाईल चिकन रोस्ट रेसिपी, विकेंडसाठीचा परफेक्ट पर्याय

साहित्य:

• कोबी
• लाल तिखट
• हळद
• मीठ
• गव्हाचं पीठ
• तेल
• कांदा
• गरम मसाला
• धणे जिरं पावडर
• तेल
• आलं लसूण मिरची पेस्ट

कुरकुरीत, चटाकेदार ‘मॅगी भेळ’ तुम्ही खाल्ली आहे का? संध्याकाळच्या नाश्त्याला बनवा आणि कुटुंबाला खाऊ घाला

कृती:

• कोबीचा पराठा बनवण्यासाठी सर्वप्रथम, कोबी स्वच्छ धुवून बारीक चिरून घ्या. त्यानंतर कोबी काहीवेळ बाजूला ठेवून त्यातील पाणी काढून घ्या.
• मोठ्या वाटीमध्ये कोबी, बारीक चिरलेला कांदा, चवीनुसार मीठ, लाल तिखट, हळद, आलं लसूण मिरची पेस्ट, धणे जिरं पावडर, बारीक चिरलेला कांदा घालून व्यवस्थित मिश्रण मिक्स करा.
• ताटात गव्हाचं पीठ घेऊन त्यात चवीनुसार मीठ घालून मिक्स करा. त्यानंतर त्यात आवश्यकतेनुसार पाणी घालून पीठ मळून घ्या. त्यानंतर तेल घालून कणिक काहीवेळ बाजूला ठेवा.
• तयार केलेल्या गव्हाच्या पिठाचा गोळा घेऊन त्याची पारी बनवून त्यात कोबीचे मिश्रण घालून पराठा हलक्या हाताने लाटून तव्यावर शेकण्यासाठी टाका.
• दोन्ही बाजूने पराठा भाजल्यानंतर त्यावर तूप किंवा तेल लावून घ्या. तयार आहे सोप्या पद्धतीमध्ये बनवलेला कोबीचा खमंग पराठा.