साध्या जेवणाला येईल खमंग चव! परफेक्ट प्रमाण घेऊन घरीच तयार करा वर्षभर टिकून राहणारा गरम मसाला, नोट करा रेसिपी

आज आम्ही तुम्हाला सोप्या पद्धतीमध्ये गरम मसाला बनवण्याची रेसिपी सांगणार आहोत. हा मसाला तुम्ही कोणत्याही भाजीमध्ये किंवा पुलाव इत्यादी अनेक वेगवेगळ्या पदार्थांमध्ये टाकू शकता.

जेवणाची चव वाढवण्यासाठी गरम मसाल्याचा वापर कायमच केला जातो. सर्वच घरांमध्ये वर्षभर टिकून राहील इतका लाल तिखट मसाला आणि गरम मसाला बनवला जातो. गरम मारल्याशिवाय जेवणाला चांगली चव लागत नाही. घाईच्या वेळी कोणतीही साधी भाजी बनवल्यानंतर त्यात लाल तिखट आणि गरम मसाला इत्यादी ठराविक मसाले टाकले जातात. या मसाल्यांमुळे पदार्थाची चव वाढते आणि मसाल्यांचे योग्य प्रमाणात सेवन केल्यामुळे शरीराला भरमसाट फायदे सुद्धा होतात. जेवणाची चव वाढवण्यासाठी वेगवेगळ्या मसाल्यांचा वापर केला जातो. बऱ्याचदा मसाले बाहेरून विकत आणले जातात. बाहेरून विकत आणलेल्या मसाल्यांमध्ये केमिकल्स, प्रिझर्व्हेटीव्हचा वापर मोठ्या प्रमाणावर केला जातो. त्यामुळे जेवणात केमिकल युक्त मसाल्यांचा वापर अजिबात करू नये. म्हणूनच आज आम्ही तुम्हाला सोप्या पद्धतीमध्ये घरात गरम मसाला बनवण्याची कृती सांगणार आहोत. या पद्धतीने बनवला गरम मसाला चवीला अतिशय सुंदर लागेल.(फोटो सौजन्य – istock)

तोच ठराविक ढोकळा खाऊन कंटाळा आला आहे? मग सोप्या पद्धतीमध्ये बनवा चविष्ट पोह्यांचा ढोकळा, नोट करा रेसिपी

साहित्य:

• धणे
• जिरं
• बडीशेप
• मेथी दाणे
• हिरवी वेलची
• काळी वेलची
• दालचिनी

सकाळच्या नाश्त्यासाठी हेल्दी पर्याय! १० मिनिटांमध्ये झटपट बनवा कुरकुरीत ब्रेड बेसन टोस्ट, नोट करा रेसिपी

कृती:

• गरम मसाला तयार करण्यासाठी सर्वप्रथम, कढई गरम करून त्यात सर्व मसाल्यातील पदार्थ मंद आचेवर लाल होईपर्यंत भाजून घ्या.
• मसाले भाजून घेतल्यास दीर्घकाळ मसाला व्यवस्थित टिकून राहतो आणि चव सुद्धा सुंदर लागते.
• मंद आचेवर मसाले भाजून झाल्यानंतर ताटात काढून पूर्णपणे थंड करून घ्या. गरम असताना मसाला बारीक करू नये.
• थंड झालेले सर्व पदार्थ मिक्सरच्या भांड्यात घेऊन बारीक वाटून घ्या. बारीक पावडर तयार करा.
• तयार केलेला मसाला काचेच्या बाटलीमध्ये भरून ठेवा. यामुळे मसाला दीर्घकाळ व्यवस्थित टिकून राहतो आणि लवकर खराब होत नाही.