जेवणात तोंडी लावण्यासाठी झटपट बनवा खमंग कढीपत्त्याची चटणी! महिनाभरात थांबेल केस गळती, केस होतील लांबलचक

कढीपत्त्याच्या पानांचा वापर जेवणातील अनेक वेगवेगळे पदार्थ बनवण्यासाठी केला जातो. आज आम्ही तुम्हाला कढीपत्त्याच्या पानांची चटणी बनवण्याची सोपी रेसिपी सांगणार आहोत.

जेवणातील अनेक वेगवेगळे पदार्थ बनवताना कढीपत्त्याच्या पानांचा वापर केला जातो. कढीपत्ता चवीसोबतच संपूर्ण शरीरासाठी सुद्धा गुणकारी आहे.कढीपत्त्याची फोडणी जेवणाला दिल्यास चव वाढण्यासोबतच सुंगध सुद्धा वाढतो. त्यामुळे जेवणातील सर्वच पदार्थ बनवताना कढीपत्त्याच्या पानांचा वापर करावा. लहान मुलं जेवणात टाकलेला कढीपत्ता काढून बाहेर ठेवतात. कढीपत्ता खायला आवडत नाही. पण असे न करता जेवणातील कढीपत्त्याच्या पानांचे सेवन करावे. आज आम्ही तुम्हाला सोप्या पद्धतीमध्ये कढीपत्त्याच्या पानांची चटणी बनवण्याची सोपी रेसिपी सांगणार आहोत. हा पदार्थ अतिशय कमीत कमी साहित्यात झटपट तयार होतो. याशिवाय महिनाभर नियमित कढीपत्त्याच्या पानांची चटणी खाल्ल्यास पचनक्रिया सुधारण्यासोबत केसांची सुद्धा झपाट्याने वाढ होईल. केसांच्या वाढीसाठी कढीपत्ता वरदान मानला जातो. त्यामुळे नियमित जेवणात कढीपत्त्याच्या पानांची चटणी खावी. चला तर जाणून घेऊया कढीपत्त्याच्या पानांची चटणी बनवण्याची सोपी रेसिपी.(फोटो सौजन्य – pinterest)

चिकन नाही ही आहे फणसाची बिर्याणी; 31 डिसेंबरची पार्टी होईल रंगतदार… व्हेज बिर्याणी देईल नॉनव्हेजचा स्वाद

साहित्य:

• कढीपत्त्याची पाने
• लसूण
• मीठ
• लाल तिखट
• हळद
• जिरं
• शेंगदाणे
• भाजलेली डाळ
• सुकं खोबर

बाळंतीणीसाठी सकाळच्या नाश्त्यात पारंपरिक पद्धतीमध्ये बनवा बाजरीच्या पिठाची पेज, पौष्टिक पदार्थाने करा दिवसाची सुरुवात

कृती:

• कढीपत्त्याच्या पानांची चटणी बनवण्यासाठी सर्वप्रथम, कढीपत्त्याची पाने स्वच्छ धुवून कोरडी करा. त्यानंतर कढई गरम करण्यासाठी ठेवा.
• त्यानंतर त्यात कढीपत्त्याची पाने घालून खमंग भाजा. पाने पूर्णपणे कुरकुरीत करून घ्या.
• त्यानंतर त्याच कढईमध्ये शेंगजाणे, खोबरं, लसूण पाकळ्या, डाळवं हलक्याशा भाजा. यामुळे चटणी जास्त दिवस टिकून राहील.
• मिक्सरच्या भांड्यात थंड झालेली कढीपत्त्याची पाने, शेंगजाणे, खोबरं, लसूण पाकळ्या, डाळवं, लाल तिखट, हळद आणि चवीनुसार मीठ घालून जाडसर बारीक चटणी वाटून घ्या.
• तयार केलेली चटणी हवाबंद डब्यात भरून ठेवा. यामुळे पदार्थाची चव सुंदर लागेल.
• तयार आहे सोप्या पद्धतीमध्ये बनवलेली कढीपत्त्याच्या पानांची खमंग चटणी.