Raksha Bandhan 2025 : तोंडात टाकताच विरघळणारे गोड मोतीचूर लाडू घरी कसे तयार करायचे? गोड सणाची गोड रेसिपी!

Motichoor Ladoo Recipe : मोतीचूर लाडू हे फक्त गोड पदार्थ नसून, ते भारतीय संस्कृतीचा एक अविभाज्य भाग आहेत. घरच्या घरी बनवलेले मोतीचूर लाडू अधिक स्वादिष्ट आणि शुद्ध असतात. याची रेसिपी फार सोपी आणि सहज बनणारी आहे.

यंदा ९ ऑगस्ट रोजी रक्षाबंधनाचा सण साजरा केला जाणार आहे. बहीण-भावाच्या नात्याला समर्पित हा दिवस हिंदू धर्मातील एक खास सण आहे. आता सण म्हटलं की आपल्या घरी गोडाचे पदार्थ हे आलेच… बहुतेकवेळी आपण हे पदार्थ बाहेरून खरेदी करतो पण मिठाईच्या दुकानातून विकत घेतलेले हे पदार्थ नेहमीच फ्रेश असतात असे नाही अशात हे पदार्थ घरीच बनवलेले बरे… भारतीय मिठाईमध्ये मोतीचूर लाडू हे एक खास स्थान असलेले पारंपरिक आणि लोकप्रिय गोड पदार्थ आहे.

१० मिनिटांमध्ये झटपट बनवा कोकणातील पारंपरिक पदार्थ काकडी पोहे, पचनक्रिया राहील कायमच निरोगी

सण-उत्सव, विवाह समारंभ किंवा पूजेच्या प्रसंगी मोतीचूर लाडवांशिवाय गोडाचं पूर्णत्व होत नाही. हे लाडू छोटे, सुंदर मोत्यांसारख्या बूँदीपासून बनवले जातात, म्हणूनच यांना मोतीचूर लाडू म्हणतात. हे लाडू सौम्य सुवासिक, मऊसर आणि तोंडात वितळणारे असतात. अनेकांना हे लाडू खायला फार आवडता. हे लाडू घरीच बनवून तुम्ही घरातील सर्वांनाच खुश करू शकता, शिवाय हे लाडू बनवायला अगदी सोपे आहेत ज्यामुळे यासाठी तुम्हाला फार मेहनत घेण्याचीही गरज नाही. चला तर मग लगेच जाणून घेऊया मोतीचूर लाडू बनवण्यासाठी लागणारे साहित्य आणि कृती.

साहित्य:

• बेसन (हरबरा पीठ) – 1 कप
• पाणी – सुमारे ¾ कप (Consistency साठी आवश्यकतेनुसार)
• केशरी/ऑरेंज फूड कलर – थोडासा (ऐच्छिक)
• तेल/तूप – तळण्यासाठी
• बूँदी करायची झारी (छिद्र असलेली झारा)
• साखर – 1 कप
• पाणी – ½ कप
• वेलदोड्याची पूड – ½ टीस्पून
• केशर – काही धागे (ऐच्छिक)
• गुलाब जल / केवडा जल – ½ टीस्पून (ऐच्छिक)
• तूप – 2 टेबलस्पून
• बदाम/पिस्ता – सजावटीसाठी (ऐच्छिक)

वजन वाढतंय पण तोंडाचे चोचले पुरवायचेत? मग घरी बनव चविष्ट आणि कुरकुरीत असा Diet Chivda

कृती:

• यासाठी सर्वप्रथम एका भांड्यात बेसन, थोडं फूड कलर आणि पाणी घालून मध्यम घट्टसर पीठ तयार करा. त्यात गाठी नसाव्यात याची काळजी घ्या.
• एका खोलगट कढईत तेल गरम करा. झाऱ्यावर पीठ ओतून छोटे छोटे थेंब गरम तेलात सोडा. बूँदी हलकी
• खरपूस झाली की बाहेर काढा. सगळी बूँदी अशीच तयार करा.
• एका पातेल्यात साखर व पाणी एकत्र करून मध्यम आचेवर 1 तार पाक होईपर्यंत उकळा. त्यात वेलदोडा पूड, केशर आणि गुलाब जल घाला.
• तळलेली बूँदी तयार साखर पाकात घालून 10-15 मिनिटं मुरू द्या.
• बूँदी थोडी थंड झाली की त्यात तूप घालून नीट मिक्स करा. मग हातावर थोडं तूप लावून मध्यम आकाराचे लाडू वळा.
• वरील बाजूस बदाम/पिस्ता लावून सजवा.
• लाडू वळताना मिश्रण फार गरम किंवा खूप थंड नसावं.
• बूँदी योग्य आकाराची यावी यासाठी झाऱ्याची निवड योग्य करा.
• साखर पाकात थोडा केशर घातल्यास रंग आणि चव दोन्ही वाढते.

FAQs (संबंधित प्रश्न)

मोतीचूर लाडूची खासियत काय आहे?
साखरेच्या पाकात भिजवलेल्या बेसनाच्या पिठाचे छोटे मोती जे गोल आकारात गुंडाळले जातात, याची चव तोंडात टाकताच विरघळली जाते.

लाडू रेफ्रिजरेटरमध्ये ठेवावे लागतात का?
जर तुम्हाला तुमचे लाडू जास्त काळ टिकायचे असतील तर ते फ्रीजमध्ये ठेवणे फायद्याचे ठरेल.