Rava Cutlet: नाश्त्यासाठी झटपट बनवा रव्याचे कुरकुरीत कटलेट, नोट करा सोपी रेसिपी

Rava Cutlet Recipe: तुम्हालाही जर नाश्त्याला काही झटपट आणि टेस्टी बनवायचे असेल तर ही रवा कटलेट रेसिपी नक्की ट्राय करा.

दररोजच्या नाश्त्यात काय नवीन बनवायचे, हा अनेक गृहिणींसमोरचा मोठा प्रश्न असतो. विशेषतः मुलांना आवडेल आणि आरोग्यासाठीही चांगले असे पदार्थ बनवणे आव्हानात्मक ठरते. अशावेळी रव्याचे कटलेट हा एक उत्तम पर्याय ठरू शकतो. कमी वेळात तयार होणारे हे कटलेट बाहेरून कुरकुरीत आणि आतून मऊ असल्यामुळे लहानांपासून मोठ्यांपर्यंत सर्वांनाच आवडतात. सकाळच्या नाश्त्यासोबतच संध्याकाळच्या स्नॅक्ससाठीही हा पदार्थ उत्तम मानला जातो. जाणून घ्या रावा कटलेटची सोपी रेसिपी.

Hair Botox: हेअर बोटॉक्सची वाढती क्रेझ! केस होतात सिल्की अन् शायनी, ट्रीटमेंटआधी जाणून घ्या महत्त्वाच्या गोष्टी

रव्याचे कटलेट बनवण्यासाठी लागणारे साहित्य

• १ कप रवा
• २ उकडलेले बटाटे
• १ बारीक चिरलेला कांदा
• १ बारीक चिरलेली हिरवी मिरची
• १/२ कप किसलेले गाजर
• २ चमचे कोथिंबीर
• १ चमचा आलं-लसूण पेस्ट
• १/२ चमचा लाल तिखट
• १/२ चमचा गरम मसाला
• चवीनुसार मीठ
• ब्रेडक्रम्ब्स
• तळण्यासाठी तेल

कटलेट बनवण्यासाची कृती

सर्वप्रथम एका पॅनमध्ये थोडे तेल गरम करून त्यात कांदा, हिरवी मिरची आणि आलं-लसूण पेस्ट परतून घ्या. त्यानंतर गाजर आणि रवा घालून हलके भाजून घ्या. मिश्रण थंड झाल्यावर त्यात उकडलेले बटाटे, मसाले, मीठ आणि कोथिंबीर मिसळा. आता या मिश्रणाचे छोटे कटलेट तयार करून ब्रेडक्रम्ब्समध्ये घोळवा. त्यानंतर कढईत तेल गरम करून हे कटलेट सोनेरी रंग येईपर्यंत तळून घ्या. कमी तेलात शॅलो फ्राय करूनही हे कटलेट बनवता येतात. रव्याचे कटलेट चटणी किंवा टोमॅटो सॉससोबत सर्व्ह करु शकता.

कटलेट अधिक स्वादिष्ट बनवण्यासाठी टिप्स

कटलेट अधिक कुरकुरीत हवे असल्यास मिश्रणात थोडे तांदळाचे पीठ घालू शकता. तसेच चीज किंवा कॉर्नचा वापर केल्यास चव आणखी वाढते. गरमागरम सर्व्ह केलेले रव्याचे कटलेट घरातील प्रत्येकाला नक्कीच आवडतील.

Skin Care Tips: टॅन अन् डल स्कीनला करा बाय, घरीच तयार करा ‘हा’ फेस पॅक; त्वचा होईल चमकदार