Recipe : अक्षयतृतीयानिमित्त घरी बनवा रसाळ, चविष्ट आणि गोड चवीची ‘गुलाब रसमलाई’

Rose Rasmalai Recipe: अक्षय तृतीयेचा दिवस हिंदू धर्मानुसार एक पवित्र आणि शुभ दिवस मानला जातो. आता चांगला दिवस आणि घरी गोड पदार्थ नाही असं कसं चालेल. चांगल्या दिवसाचा गोडवा वाढवण्यासाठी तुम्ही घरी बनवू शकता गुलाब रसमलाई.

• आज अक्षय तृतीयेचा खास दिवस आहे.
• दिवसाचा गोडवा गोड पदार्थाने वाढवता येतो.
• तुम्ही घरी गुलाब रसमलाई तयार करु शकता.

अक्षय तृतीया हा हिंदू संस्कृतीतील अत्यंत शुभ आणि पवित्र दिवस मानला जातो. या दिवशी कोणतेही शुभ कार्य सुरू केल्यास ते अखंड वाढत राहते, अशी श्रद्धा आहे. सोने खरेदी, नवीन व्यवसायाची सुरुवात किंवा धार्मिक विधी यांसाठी हा दिवस विशेष मानला जातो. याचबरोबर घराघरांत गोड पदार्थ बनवण्याचीही परंपरा आहे. कारण गोड पदार्थ म्हणजे आनंद, समृद्धी आणि मंगलतेचं प्रतीक.

टेस्टी आहे पण हेल्दी आहे… चाॅकलेट सोडा, काही मिनिटांतच घरी बनवा ‘डेट्स बार’

अक्षय तृतीया निमित्ताने काहीतरी खास आणि वेगळं बनवायचं असेल, तर पारंपरिक रसमलाईला गुलाबाचा नाजूक सुगंध देऊन तयार केलेली “गुलाब रसमलाई” हा एक उत्कृष्ट पर्याय ठरू शकतो. गुलाबाचा हलका फ्लेवर, मऊ रसगुल्ले आणि केशरी, क्रीमी दूध यामुळे हा पदार्थ केवळ चवीला नाही तर दिसायलाही आकर्षक असतो. पाहुण्यांना किंवा कुटुंबीयांना खास प्रसंगी खुश करण्यासाठी ही रेसिपी नक्कीच उपयोगी पडेल.

साहित्य

• १ लिटर दूध
• २ टेबलस्पून लिंबाचा रस
• १ कप साखर
• ४ कप पाणी
• १/२ लिटर फुल क्रीम दूध (रबडीसाठी)
• ४-५ टेबलस्पून साखर (रबडीसाठी)
• १ टीस्पून गुलाबजल
• काही थेंब गुलाब सिरप (रंग आणि चवेसाठी)
• ४-५ वेलदोड्यांची पूड
• पिस्ता आणि बदाम काप

थंडगार पदार्थाने करा दिवसाची आनंदायी सुरुवात! ५ मिनिटांमध्ये बनवा Chia-Mango Smoothie, नोट करून घ्या रेसिपी

कृती

• सर्वप्रथम एका भांड्यात १ लिटर दूध गरम करा. उकळी आल्यावर त्यात लिंबाचा रस घालून दूध फाडून घ्या.
• फाटलेलं दूध स्वच्छ कापडात गाळून घ्या आणि थंड पाण्याने धुऊन आंबटपणा काढून टाका. नंतर घट्ट पिळून ३० मिनिटं टांगून ठेवा.
• तयार झालेल्या छेनाला हाताने मऊसर मळा. त्याचे छोटे गोळे करून थोडे चपटे करा.
• एका पातेल्यात पाणी आणि साखर उकळवा. त्यात हे गोळे घालून १०-१२ मिनिटं शिजवा.
• दुसऱ्या भांड्यात १/२ लिटर दूध आटवून घट्ट करा. त्यात साखर, वेलदोडा पूड, गुलाबजल आणि गुलाब सिरप घाला.
• शिजलेले गोळे हलकेच दाबून त्यातील पाणी काढा आणि तयार रबडीत घाला.
• वरून पिस्ता-बदाम काप घालून २-३ तास थंड होण्यासाठी फ्रिजमध्ये ठेवा.
• थंडगार गुलाब रसमलाई अक्षय तृतीया सारख्या शुभ दिवशी प्रसाद म्हणून किंवा जेवणानंतर डेसर्ट म्हणून सर्व्ह करा.
• ही खास रेसिपी तुमच्या सणाला अधिक गोड आणि संस्मरणीय बनवेल.