खुले झाले जगातील सर्वात मोठे तीर्थस्थळ, हजारो भाविकांची गर्दी; राष्ट्रपती मुर्मू़ंनेही लावली हजेरी

सबरीमला मंदिर हे केरळमधील एक मुख्य तीर्थस्थळ आहे जे भगवान अय्यप्पाला समर्पित आहे. दोन महिन्यांच्या वार्षिक तीर्थयात्रेसाठी मंदिराला आता खुले करण्यात आले आहे. इथे कसं जायचं आणि मंदिराचं महत्त्व काय ते जाणून घ्या.

• जगातील दुसऱ्या क्रमांकाचे मोठे तीर्थस्थळ म्हणून सबरीमला मंदिर लोकप्रिय आहे
• दोन महिन्यांच्या वार्षिक तीर्थयात्रेसाठी हे मंदिर आता खुले करण्यात आले आहे
• या उत्सवादरम्यानचे संपूर्ण नियोजन आणि तपशील माहिती जाणून घ्या

 

जगातील दुसऱ्या क्रमांकाचे मोठे तीर्थस्थान मानले जाणारे सबरीमला मंदिर रविवारी दोन महिन्यांच्या वार्षिक तीर्थयात्रेसाठी उघडण्यात आले. पहाटे तंत्रींनी नवीन मेलशांतीच्या उपस्थितीत श्रीकोविलसमोर कलशाभिषेक करून विधीची सुरुवात केली. त्यानंतर त्यांनी नवीन मेलशांतीच्या कानात मूलमंत्र सांगून परंपरेनुसार आवश्यक कर्मकांड पूर्ण केले. या दिवशी श्रीकोविलमध्ये याखेरीज इतर कोणताही विधी करण्यात आला नाही.

भारताच अनोखं फ्लोटिंग विलेज, इथे शाळा-बाजार सर्वच पाण्यावर तरंगत; घरांची बदलत राहते लोकेशन

भक्तांसाठी कठोर नियोजन

भक्तांच्या मोठ्या गर्दीवर नियंत्रण ठेवण्यासाठी 39,000 व्हर्च्युअल क्यू पास आणि 20,000 स्पॉट पास देण्यात आले. वलियानाडपंडाल परिसर पूर्ण क्षमतेने भरला होता आणि दर्शनाची रांग सरमकुथीपर्यंत पोहोचली होती. सोमवारपासून दररोज 90,000 भक्तांना दर्शनाची परवानगी दिली जाईल यापैकी 70,000 ऑनलाइन पास आणि 20,000 स्पॉट पास असतील. यात्रेकरूंच्या सोयीसाठी मंदिर दिवसातून 18 तास खुले राहील.

सकाळी 3 ते दुपारी 1
संध्याकाळी 3 ते रात्री 11
जर तुम्ही येथे जाण्याचा विचार करत असाल, तर खालील माहिती नक्की जाणून घ्या.

भगवान अयप्पांचे पवित्र स्थान

सबरीमला मंदिरात भगवान अयप्पा स्वामींची पूजा केली जाते. पुराणांनुसार अयप्पा हे भगवान शिव आणि माता मोहिनी (भगवान विष्णूंचा मोहिनी अवतार) यांचे पुत्र मानले जातात. या दैवी मिलनातून जन्मलेला साश्वत हा पुत्र नंतर अयप्पा म्हणून ओळखला जाऊ लागला. दक्षिण भारतात अयप्पा स्वामींची अपार भक्ती आहे आणि त्यांचे अनेक मंदिरे आहेत. तथापि, सबरीमला मंदिर हे सर्वात प्रसिद्ध आणि दक्षिण भारतातील प्रमुख तीर्थस्थान म्हणून विशेष मानले जाते.

सबरीमलेचे महत्त्व

केरळमधील दाट पर्वतरांगांमध्ये वसलेले हे मंदिर जगभरातील लाखो भाविकांचे श्रद्धास्थान आहे. इस्लाममधील मक्का-मदीनेप्रमाणे येथेही प्रचंड संख्येने श्रद्धाळू दरवर्षी येतात. मकरसंक्रांतीच्या रात्री मंदिर परिसरात दिसणारी ‘मकरी विलक्कु’ नामक पवित्र ज्योत हे येथे दिसणारे अद्भुत दृश्य मानले जाते. या दिव्य प्रकाशाचे दर्शन घेण्यासाठी कोट्यवधी भक्त सबरीमला गाठतात. मंदिराचा परिसर 18 पर्वतरांगांनी वेढलेला असल्यामुळे या परिसराला सबरीमला असे नाव मिळाले.

अठरा पावन पायऱ्यांचे रहस्य

मंदिरात प्रवेश करण्यापूर्वी यात्रेकरूंना 18 पवित्र पायऱ्या चढाव्या लागतात. प्रत्येक पायरीचे स्वतंत्र आध्यात्मिक महत्त्व आहे:

पहिल्या 5 पायऱ्या – मानवी पाच इंद्रियांचे प्रतीक
पुढील 8 पायऱ्या – मानवभावना व मनाच्या प्रवृत्तींचे प्रतिनिधित्व
पुढील 3 पायऱ्या – मानवी गुणधर्मांचे सूचक
शेवटच्या 2 पायऱ्या – ज्ञान आणि अज्ञान यांचे प्रतिनिधित्व

भक्त आपल्या डोक्यावर इरुमुडि नावाची पोटली वाहून नेतात. यात पूजा साहित्य ठेवलेले असते आणि दर्शनानंतर हे विधीपूर्वक पुजाऱ्यांमार्फत अर्पण केले जाते. व्रत, नियम आणि माळ धारण करून केलेली ही यात्रा मनोकामना पूर्ण करणारी मानली जाते.

ताजमहालच्याही आधी बनला आहे ‘बेबी ताज’; खूप रंजक आहे याची कहाणी

सबरीमला मंदिराला कसे जाल?

हवाई मार्गाने
सर्वात जवळचे विमानतळ म्हणजे तिरुवनंतपुरम एअरपोर्ट.

रेल्वेमार्गाने
जवळची प्रमुख रेल्वे स्थानके:
कोट्टायम, चेंगन्नूर येथून पंपापर्यंत बससेवा उपलब्ध आहे.

रस्त्याने
तिरुवनंतपुरमहून बस किंवा खासगी वाहनाने पंपा बेस कॅम्प येथे पोहोचता येते.
पंपापासून अंदाजे 5 किमीची जंगलातून जाणारी पायी यात्रा पूर्ण केल्यानंतर भक्त 1535 फूट उंचीवरील सबरीमला मंदिरात पोहोचतात.